25/12/2019

இந்து என்றால் என்ன - இந்து மதம் 1

இந்து மதம் எங்கே தோன்றியது? இந்து மதத்தை தோற்றுவித்தவர் யார்? இந்து மதத்தின் வேதங்கள் என்ன? இந்து மதத்தின் கோட்பாடுகளும், வழிபாடு முறைகளும் என்னென்ன?

- இன்று வரை கலங்கிய குட்டையாக இருக்கும் இந்து மதத்தின் ஒருதுளி தெளிந்த நீரையாவது பிரித்து எடுக்கும் முயற்சி தான் இக் கட்டுரைத் தொடர்.

முதலில் இந்து என்ற பெயரியல் ஆய்வில் இருந்து துவங்குவோம்.

‘‘இந்து என்றால் திருடன் என்று பொருள்’’ - முத்தமிழ் அறிஞர் கலைஞர் கூறிய பிரபலமான விளக்கம் இது. உண்மையில் பாரசீக மொழியில் இந்து என்பதன் அர்த்தம் இது தான்.  - இந்த விவாதத்தில் இருந்து விலகி திராவிட மொழிகலான தமிழ் மற்றும் சமஸ்கிருதத்தில் இந்து என்பதன் அர்த்தத்தை தேடுவோம்.

தமிழ் மற்றும் சமஸ்கிருதத்தில் இந்து என்றால் நிலா என்று பொருள். பௌர்ணமியை முழுமதி என்றும், அமாவாசையை இந்துமதி என்றும் பழந்தமிழர் அழைத்தனர். சமஸ்கிருத ஜோதிட சூத்திரங்களில் அமாவாசை கடந்த மூன்றாம் பிறைக்கு இந்துமதி என்ற பெயர் வருகிறது. இருளை விலக்கும் நிலவை இந்துமதி என ஜோதிட நூற்கள் குறிப்பிடுகின்றன.

சிந்து, ஹிந்து, என்ற சொற்களில் இருந்து இந்து என்ற சொல் வேறுபட்டது. சிந்து என்பது சிந்து நதியையும், ஹிந்து என்பது ஹிந்துஸ்த்தான் நிலப்பரப்பையும் குறிப்பிட பயன்பட சொல். இந்து என்பது நிலவை குறிப்பிட பயன்பட்ட சொல்.

18ம் நூற்றாண்டில் உலகம் முழுவதும் மதரீதியாக நாடுகள் பிரிந்து நின்றன. இந்த காலகட்டத்தில் பிரிட்டீஷ் அரசாங்கத்தால் வைக்கப்பட்ட பெயர் தான் ஹிந்து மதம்.

இந்தியாவில் இஸ்லாம், கிறிஸ்துவம் அல்லாத மற்றவர்களை ஹிந்துக்கள் என அடையாளப்படுத்தினர் ஆங்கிலேயர்கள். ஹிந்து என்ற ஆங்கில சொல்லிற்கு இந்து என தமிழில் மொழிமாற்றம் செய்தனர். இதனால் இந்து மதம் என்ற சொல் பிறந்தது.

உண்மையில் இந்து மதம் என்றால் கிறிஸ்துவம், இஸ்லாமியம் அல்லாத மதம் என்பது தான் அர்த்தம். அதை தாண்டி இந்து மதம் என்ற பெயரில் வேறு அர்த்தம் இல்லை.

சரி இனி இந்து மதத்திற்குள் செல்வோம்.

கிறிஸ்துவம், இஸ்லாமியம் அல்லாத மதம் என்றால் என்ன?

கிறிஸ்துவமும், இஸ்லாமியமும் ஒற்றை கடவுள் கொள்கையை போதிக்கின்றன. ஆனால் இந்தியாவில் பலதர கடவுள் கொள்கை பின்பற்றபடுகிறது. இந்தியாவில் வழிபடும் கடவுள்களை கணக்கிட்டால் இந்திய மக்கள் தொகையை விட அதிகமாக இருக்கும். ஒவ்வொரு நபரும் குறைந்தது 12க்கும் மேற்பட்ட கடவுள்களை வழிபடுகின்றனர். நேரத்துக்கு நேரம், நிமிடத்திற்கு நிமிடம் கடவுளை மாற்றி வழிபடும் முறை இந்தியாவில் இருக்கிறது.

ஒரு கடவுளிடம் திருப்தி கிடைக்கவில்லை என்றால் அடுத்த நொடியே அந்த கடவுளை மாற்றி வேறு கடவுளிடம் சரணடையும் வழக்கம் இந்திய மக்களிடம் இருக்கிறது. கடவுளை எதிர்த்து சாபம் இடும் துணிச்சல் இந்திய மக்களிடம் இருக்கிறது. இந்த துணிச்சல் ஒரு கிறிஸ்துவரிடமோ, இஸ்லாமியரிடமோ இல்லை.

கடவுள் தான் எல்லாம். கடவுளை மீறிய ஒரு மனித உறவு எங்களிடம் இல்லை என்பது கிறிஸ்துவம், இஸ்லாமியம் போதிக்கும் கொள்கை. ஆனால் இந்திய மக்கள் அப்படி அல்ல. கடவுள் மூன்றாம் நபராக தான் நிற்கிறார். வாசற்படிக்கு வெளியே நிற்கும் கடவுள்கள் தான் இங்கு ஏராளம்.

கடவுளை மூன்றாம் பட்சமாக கருதும் மக்களை இந்துமதம் என்ற வட்டத்திற்கும் கொண்டுவந்தனர் ஆங்கிலேயர்கள். மனிதனை விட கடவுள் பெரிதானவர் அல்லர் இது தான் இந்துமத கொள்கை. கிறிஸ்துவம், இஸ்லாமியத்தில் கடவுளே உயர்ந்தவர். இந்து மதத்தில் மனிதனே உயர்ந்தவர். இவ்வளவு தான் வேறுபாடு.

இந்துமதம் என்ற பெயர் தோன்றி 200 ஆண்டுகள் தான் ஆகிறது. ஆனால் இந்துமதத்தில் பின்பற்றப்படும் வழிபாட்டு முறைகளின் தோற்ற காலம் கணக்கிட முடியாதது. ஏனென்றால் ஒன்றல்ல இரண்டல்ல முப்பத்து முக்கோடி கடவுள்களை கொண்ட வழிபாட்டு முறை இது.


இன்று இந்துமத கடவுள்களாக உச்சத்தில் இருக்கும் சிவன், விஷ்ணு, ராமர், கணபதி, முருகன், துர்க்கை, சரஸ்வதி, என்ற கடவுள்கள் எல்லாம் காலத்தால் மிகவும் பிற்பட்டவர்கள்.

இன்றைய இந்துமத வழிபாட்டு நெறிகளும் காலத்தால் பிற்பட்டவைகளே. இந்துமத வழிபாட்டு நெறிகள் வேறு, முறைகள் வேறு! நெறிகளுக்கும் முறைகளுக்கும் எதிர்எதிர் வேறுபாடுகள் உண்டு!

இந்து மதத்தை ஓரளவாவது புரிந்துகொள்ள இந்தியா முழுவதும் குறுக்கும் நெடுக்குமாக பயணிக்க வேண்டும். கன்னியாகுமரி முதல் கைலாசம் வரை ஒவ்வொரு குக்கிராமங்களிலும் குறைந்து 3 நாட்களாகவது தங்கி ஆராய வேண்டும். ஒவ்வொரு சதுர கிலோமீட்டரிலும் வெவ்வேறு வழிபாட்டுமுறையை பின்பற்றும் புதிருக்கும் புதிரான புதிர் தான் இந்து மதம்.

ஆங்கிலேயர்கள் இந்திய முழுவதும் சல்லடை போட்டுத் தேடினர். எங்கும் கிடைக்கவில்லை இந்துமதத்தின் வேரும், வேதமும், நிறுவனரும்.

எதை இந்து மதம் என்பது? யாரை இந்துமதத்தின் கடவுள் என்பது? இந்துமதத்தின் குருக்கள் என யாரை அங்கீகரிப்பது? - விடை கிடைக்காத ஆங்கிலேயர்கள், கிறிஸ்துவம், இஸ்லாமியம் அல்லாதவர்கள் இந்துக்கள் என்ற ஒற்றை முத்திரையில் ஒதுக்கி தள்ளினர். அந்த ஒதுக்கம் தான் இன்று இந்துமதம் என்ற ஆலமரகூட்டமாக காட்சி அளிக்கிறது.

ஆங்கிலேயர் தோற்றுவித்த இந்து மதத்தின் முன்னோடி சனாதன மதம். இந்துமதத்தின் அதே நோக்கம் தான் சனாதன மதத்தின் நோக்கமும்.,

இந்திய ஒற்றுமைக்கு வித்திட்ட சனாதன மதம் குறித்து அடுத்த பதிவில்..

தொடரும்...

07/12/2019

ஆரிய மதம் - ஆபிரகாமின் மதங்கள் 5

கானான் தேசத்தை தேடி புறப்பட்ட ஆபிரகாம் மக்களில் ஒரு பிரிவினர் கடவுளை நந்தி சிலையாக வணங்கினர். நந்தி சிலை முன்பு பூசைகள் மற்றும் யாகங்கள் செய்வதால் மழை பெய்கிறது. இந்த ஒற்றை அதிசயத்தில் துவங்குகிறது ஆரிய மதம்.

கானான் நாட்டிற்கு செல்லாமல் ஆரிய நிலத்திலேயே நாடோடிகளானவர்கள் ஆரியர்கள் எனப்பட்டனர். இவர்களே வால்கா நதி முதல் கங்கை நதிவரை பயணித்த நாடோடி குழுவினர்.

ஆதாம், நோவா, ஆபிரகாம், மோசேவுக்கு பின்னர் இவர்கள் வரலாறு முழுவதும் அசுரர்களுடனான சண்டையாக உள்ளது. பைபிளில் நோவாவுக்கு பின்னர் அசுரர்கள் குறித்த குறிப்புகள் இல்லை. இஸ்ரவேலர்களுடைய போராட்டம் அனைத்தும் எகிப்திய மன்னர்களை சுற்றியே வருகிறது. ஆனால் ஆரியர்களின் போராட்டம் அனைத்தும் அசுரர்களை சுற்றி வருகிறது.

ரீக்வேதம், சாமவேதம், யசுர்வேதம், அதர்வண வேதம் என்ற நான்கு வேதங்கள், உபநிஷத்துக்கள், பிராமணியங்கள் ஆகியவை ஆரிய வேதங்களாக உள்ளன. இவை அனைத்தும் ஈரான், ஆப்கானிஸ்தான், பாகிஸ்தான் மற்றும் வடமேற்கு இந்திய நிலப்பகுதிகளின் வாழ்வியலை பிரதிபலிக்கின்றன.

ரிக் வேதம், ஐத்ரேய உபநிடதம், மனுஸ்மிருதி, இவற்றில் குறிப்பிட்டுள்ள ஆரியமத வரலாற்றை சுருக்கமாக பார்க்கலாம்.

‘‘ஆதியிலே கடவுள் மட்டும் இருந்தார். நான் உலகை படைப்பேன் என கடவுள் நினைத்தார்’’ என்று துவங்குகிறது ரிக் வேதத்தின் ஐத்ரேய உபநிடதம். 

கடவுள் உலகை படைக்க நினைத்தார். முதலில் 1.அம்பலோகம், 2.ஸ்வர்க்கலோகம், 3.மரீசிலோகம், 4.மரலோகம், 5.அபலோகம் என்ற ஐந்து உலகங்களை படைக்கிறார். இந்த உலகங்களை ஆளுகை செய்ய கடல் நீரை திரட்டி புருசனை படைத்தார். (புருசனை பிரம்மா என மனுஸ்மிருதி கூறுகிறது).

புருசன்(பிரம்மா) வாயில் வந்த பேச்சில் இருந்து நெருப்பு தோன்றியது. மூக்கில் வந்த மூச்சிலிருந்து காற்று தோன்றியது., கண்களில் வந்த பார்வையில் இருந்து சூரியன் தோன்றியது. காதுகளில் வந்த கேள்வியில் இருந்து திசைகள் தோன்றின. தோலில் முடிகளில் இருந்து செடி கொடி தாவரங்கள் தோன்றின. இதயத்தில் இருந்து மனமும் நிலவும் தோன்றியது. தொப்புளில் இருந்து பசியும், மரணமும் தோன்றியது. ஆண்குறியில் வந்த விந்தில் இருந்து தண்ணீர் தோன்றியது.

இப்படி தோன்றிய அனைத்தையும் பிரம்மா கடலில் வீசினார். கடலில் தத்தளித்த படைப்புகளை ஆளுகை செய்ய பசுவையும், குதிரையையும் அளித்தார். ஆனால் படைப்புகள் அவற்றை ஏற்க மறுத்தன. பின்னர்  தன் சாயலில் சுயம்பு மனிதனை அளித்தார். சுயம்பு மனிதனை அனைத்து படைப்புகளும் ஏற்றுக்கொண்டன.

சுயம்பு மனிதனுக்குள் நெருப்பு பேச்சாகவும், காற்று மூச்சாகவும், சூரியன் பார்வையாகவும், திசைகள் ஒலியாகவும், தாவரங்கள் முடியாகவும், சந்திரன் இதயமாகவும், மரணம் பசியாகவும், தண்ணீர் விந்தாகவும் நுழைந்து கொண்டன.

ஆனாலும் மனிதன் முழுமை பெறாமல் இருந்தான். படைப்புகளை ஆளுகை செய்யும் திறன் மனிதனுக்கு வரவில்லை. இதனால் கடவுளே மனிதனின் உச்சந்தலையை பிளந்து மனிதனுக்குள் ஆத்மாவாக நுழைந்தார்.

ஆத்மாவாக மனிதனுக்குள் நுழைந்த கடவுள் அனைத்து படைப்புகளையும் பார்த்தார். பார்ப்பது எல்லாம் கடவுளாகவே தெரிந்தது. தானே எல்லாமுமாக இருக்கிறேன் என கடவுள் உணர்ந்தார். 

ஆத்மாவாக கடவுள் நுழைந்தாலும் பசி, காமம், மரணம் என்பவை மனிதனுள் இருந்தது. இவற்றில் இருந்து ஆத்மா விடுபட்டு மீண்டும் கடவுளாக வேண்டும்.

ஆத்மாவை கடவுளாக மாற்ற பிராமணியத்தை மனிதனுக்கு போதித்தார் பிரம்மா. பசி, காமம், மரணம் இவற்றில் இருந்து விடுபடும் மனிதர்கள் தேவர்களாக நித்திய வாழ்வு வாழ்வார்கள். தேவர்களே கடவுளாக போற்றப்படுவார்கள். 

மச்ச அவதாரம்

கடவுள், படைப்புகளுடன் ஆத்மாவாக இரண்டற கலந்து விட்டார். படைப்புகளில் சிறந்து மனிதன். மனிதனின் விந்துவை பெண்ணுக்குள் செலுத்த வேண்டும். பெண்ணுக்குள் வந்த விந்துவில் ஆன்மா நுழையும். இது முதல் பிறப்பு.  ஆன்மா நுழைந்த விந்து குழந்தையாக இரண்டாம் பிறப்பு எடுக்கும். இரண்டாம் பிறப்பில் பசி, காமம், இவற்றுடன் வாழும் மனிதன் படைப்புகளை நல்லாட்சி செய்ய வேண்டும்.

படைப்புகளை காத்த மனிதன் இறுதியில் மரணத்தை ஏற்க வேண்டும். மரணம் என்பது உச்சந்தலை வழியாக ஆன்மாவை தேவலோகத்திற்கு அனுப்ப கூடியதாக இருக்க வேண்டும். அவ்வாறு அமையாத மரணங்கள் மீண்டும் மீண்டும் பிறப்பை சந்திக்கும்.

ஆன்மாவை உச்சந்தலை வழியாக விடுவிக்க பக்தி, யாகம் இவற்றை கடைபிடிக்க வேண்டும். பிறப்பே இல்லாமல் அனைத்து ஆன்மாக்களும் தேவர்களாக மாற வேண்டும். இவ்வாறு நிகழ்ந்தால் படைப்பில் ஆத்மாகவா இரண்டற கலந்த கடவுள் மீண்டும் ஒற்றை கடவுளாக வருவார். - இது தான் ஆரியமதக் கொள்கைகளின் சுருக்கம்.

யூதம், கிறிஸ்துவம், இஸ்லாமிய மதங்களின் கொள்கையும் இது தான். கடவுள் ஆத்மாவாக மனிதனுள் இருக்கிறார். இந்த ஆத்மாவை மரணத்தில் இருந்து மீட்டு கடவுளிடம் சேர்க்க வேண்டும்.

கடவுள் மீட்பரை அனுப்புவார் என காத்திருக்கிறது யூத மதம். இயேசுகிறிஸ்துவின் இரண்டாம் வருகை அத்மாவை மீட்கும் என்கிறது கிறிஸ்துவ மதம். கடவுளின் இறுதி வருகை ஆத்மாவை மீட்கும் என்கிறது இஸ்லாமிய மதம். கல்கி அவதாரம் ஆத்மாவை மீட்கும் என்கிறது ஆரிய மதம்.

இறுதியாக கல்கி அவதாரம் குறித்து சுருக்கமாக பார்த்து நிறைவு செய்யலாம்.

கடவுள் ஆத்மாவாக படைப்புகளுக்குள் கலந்து விட்டார். படைப்புகள் பசி, காமம் மரணம் இவற்றுடன் வாழ்கின்றன. பசி, காமம், மரணத்தை வெல்ல மனிதனுக்கு உதவியாக மனிதியை படைக்கிறார் பிரம்மா.

மனிதி மூலம் 7 முனிவர்கள் பிறக்கிறார்கள். இவர்கள் பசி, காமம் இவற்றை தவிர்த்து மரணத்தை வெல்ல முயற்சிக்கிறார்கள். இந்த முயற்சி நெடுங்காலம் நடக்கிறது.

இதற்கிடையில் மேலும் 10 பிள்ளைகளை மனிதனும் மனிதியும் பெற்றெடுக்கிறார்கள். இவர்கள் மூலம் மனிதகுலம் பெருகுகிறது. மனித குலப் பெண்களின் மீது தேவர்களுக்கு காமம் ஏற்படுகிறது. இதனால் தேவர்கள் மற்றும் மனிதர்கள் கலந்த அசுரர்கள் பூமியில் பிறக்கிறார்கள்.

அசுரர்கள் தேவர்களை விட வலிமை அடைகிறார்கள். அசுரர்களின் சந்ததி வேகமாக வளர்கிறது. முனிவர்களின் ஆத்மாவை விடுவிக்கும் தியானத்தை அசுரர்கள் கலைக்கின்றனர்.

தேவர்களால் தான் பூமியில் அசுரர்கள் பிறந்தார்கள். எனவே அசுரர்களை அழித்து மனிதர்களை காக்க தேவர்தலைவன் பூமியில் ஆத்மாவாக அவதாரம் எடுக்க வேண்டும் என்று சாபம் இடுகின்றனர் முனிவர்கள்.

முனிவர்களின் சாபத்திற்கு ஏற்ப தேவ அவதாரங்கள் பூமியில் பிறக்கிறது.

முதல் அவதாரம் மச்ச அவதாரம். இது பைபிளில் சொல்லப்பட்ட நோவா கதை.

2வது மோகினி அவதாரம். இது பைபிளில் சொல்லப்பட்ட சாராள்&ஆபிரகாம் கதை.

மூன்றாவது அவதாரத்தில் வரும் மனுஸ்மிருதி பைபிளில் சொல்லப்பட்ட மோசே மற்றும் யாக்கோப்பின் கதையுடன் ஒத்துப் போகிறது.

இந்த வரிசையில் யூதர்களை போல இறுதி அவதாரமான கல்கி அவதாரத்திற்கு ஆரியர்களும் காத்திருக்கின்றனர்.

ஆரிய பிராமணர்கள் இந்து அந்தணர்களுடன் செய்து கொண்ட ஒப்பந்தத்தில் பிறக்கிறது இந்து மதம். - அது குறித்து அடுத்த கட்டுரைத் தொடரில் பார்க்கலாம்.

முற்றும்.

நன்றி!

06/12/2019

கிறிஸ்துவம், இஸ்லாமியம் - ஆபிரகாமின் மதங்கள் 4

எகிப்தில் அடிமைப்பட்டு கிடந்த இஸ்ரவேலர்கள் இறுதி மீட்பர் வருவார் என காத்திருந்தனர்.

இந்த நிலையில் மரியாள் யோசேப்பு தம்பதியினருக்கு மகனாக பிறந்தார் இயேசு. தேவதூதன் அருளால் மரியாள் கருத்தரித்தார் என்கிறது பைபிளின் புதிய ஏற்பாடு.

இயேசு கிறிஸ்துவின் வரலாறு 30 வயதில் இருந்தே துவங்குறது.

தண்ணீரில் மூழ்க செய்து பாவங்களுக்கு மன்னிப்பு தரும் பணியை செய்துவருகிறார் யோவான். ஒருநாள் இயேசு தண்ணீரில் முழ்க வருகிறார். இயேசு தண்ணீரில் மூழ்கி எழுந்ததும், வானத்தில் இருந்து ‘இவர் என் குமாரன்’ என்ற சத்தம் கேட்கிறது. மகிழ்ந்த யோவான் இவரே இஸ்ரவேல் மக்களை மீட்க வந்த இறுதி மீட்பர் என அறிவிக்கிறார்.

மலைக்குன்று ஒன்றில் தியானம் செய்யும் இயேசுவை பிசாசு(கடவுளால் துரத்திவிடப்பட்ட தேவதலைவன்) சோதிக்கிறான். பிசாசின் ஆசை வார்த்தைக்கு மயங்காமல் இயேசு கடவுளை மட்டுமே வணங்குகிறார். இதனால் மகிழ்ச்சி அடைந்த கடவுள் பரிசுத்த ஆவியாக இயேசுவுக்குள் இறங்குகிறார்.

அன்று முதல் இயேசு கிறிஸ்து என அறியப்படுகிறார். தன் போதனைகளை மக்களிடம் பரப்ப 12 சீடர்களை சேர்த்துக் கொள்கிறார். தேவ ஆலயங்களில் வியாபாரம் செய்ய கூடாது, சிலை வழிபாடு கூடாது என புரட்சி செய்கிறார்.

இதனால் கோபம் அடைந்த யூத மதத்தினர் இயேசுவை தேவ ஆலயத்தில் இருந்து அடித்து விரட்டுகின்றனர். மூன்றே நாளில் தேவ ஆலயத்தை இடித்து மீண்டும் கட்டுவேன் என சவால் விடுகிறார். தேவ ஆலயத்தை இடிப்பேன் என்ற இயேசுவை சிலுவையில் அறைந்து கொல்ல வேண்டும் என்கின்றனர் யூதர்கள்.

இயேசு கடவுளுக்கு எதிராக செயல்பட்டார். தேவ ஆலயத்தை இடிக்க முயற்சித்தார் என்ற குற்றம் நிரூபிக்கப்படுகிறது. சிலுவையில் அறையப்பட்டு கொல்லப்படுகிறார்.

இறந்த இயேசுவின் உடலை கல்லறையில் வைத்து பூட்டுகின்றனர். மூன்றாம் நாள் கல்லறை திறந்து கிடக்கிறது. இயேசு கல்லறையில் இருந்து உயிருடன் வெளியே வந்ததை சிலர் பார்த்ததாக கூறுகின்றர். பலர் நம்ப மறுக்கின்றனர். தொடர்ந்து இயேசு தம் சீடர்களுக்கும் காட்சி அளிக்கிறார். பின்னர் சீடர்கள் முன்னால் மேகங்களுக்கு நடுவே மறைந்து வானுலகம் சென்று விடுகிறார்.

இயேசுவின் சீடர்கள் கிறிஸ்துவ மதத்தை பரப்புகின்றனர்.

இஸ்ரவேல் மக்களுக்கு மட்டுமல்ல, உலகில் உள்ள அனைத்து மக்களுக்கும் கர்த்தர் ஒருவரே கடவுள். அவரின் ஒரே குமாரன் இயேசுகிறிஸ்து பூமியில் பிறந்து மரித்து மீண்டும் உயிர்த்து எழுந்தார். இதனால் உலக மக்களின் பாவங்கள் எல்லாம் மன்னிக்கப்பட்டு விட்டது. எனவே இஸ்ரவேலர் மட்டுமல்ல உலக மக்கள் அனைவருமே கடவுளின் பிள்ளைகள் தான்.

இயேசு கிறிஸ்து மீண்டும் வருவார். அவர் வருகையில் இறந்தவர்கள் எல்லாம் உயிருடன் எழுவார்கள். கடவுளின் முன்னிலையில் மனிதர்களின் பாவக்கணக்கு பார்க்கப்படும். நல்லவர்கள் சொர்க்கத்திற்கு செல்வார்கள். பாவிகள் நரகத்திற்கு செல்வார்கள். சொர்க்கத்தில் இயேசுகிறிஸ்துவின் நல்லாட்சி நடைபெறும். - இதுவே இயேசுகிறிஸ்துவின் இரண்டாம் வருகை குறித்த கிறிஸ்துவ மத நம்பிக்கை.

"பரலோகத்தில் இருக்கிற இயேசு கிறிஸ்து சீக்கிரம் வருகிறார். எனவே பாவிகளே மனம்திருந்தி இயேசுவை ஏற்றக்கொள்ளுங்கள்". - இந்த செய்தியை உலகின் அனைத்து மக்களுக்கும் அறிவிப்பது ஒவ்வொரு கிறிஸ்துவனின் கடமையாக உள்ளது. அதை செயல்படுத்துவதில் தான் பிரச்சனைகள். கிறிஸ்துவத்தில் இத்தனை பிரிவினைகள்.

இனி இஸ்லாமியம் குறித்து சுருக்கமாக பார்க்கலாம்.

இயேசுவுக்கு பின்னர் வந்தவர் முகமது நபிகள். யூதர்கள் இயேசுவை மீட்பராக ஏற்கவில்லை. குற்றவாளியாகத் தான் இன்றும் கருதுகின்றனர். இஸ்ரவேலர் மற்றும் ஆபிரகாமின் பிற சந்ததியினர் மீட்பர் வருவார் என காத்திருந்தனர்.

இந்நிலையில் 5ம் நூற்றாண்டில் அரேபியாவில் பிறக்கிறார் முகமது. 40 வயது வரை முகமது சாதாரண மனிதராக தான் இருந்தார். ஒரு நாள் மலைகுகையில் வைத்து கடவுள் தூதர் முகமதுவிடம் பேசினார். அன்று முதல் முகமது நபிகள் என அறியப்பட்டார். 

இயேசு கிறிஸ்துவை போல முகமது நபிகளும் தேவ ஆலயத்தில்(மசூதியில்) வியாபாரம் கூடாது என புரட்சி செய்தார். மக்காவில் உள்ள வழிபாடு இடத்தில் சிலை வழிபாட்டை எதிர்த்து குரல் கொடுத்தார்.

இதனால் ஆத்திரம் அடைந்த மக்கள் முகமது நபிகளை கொல்ல திட்டம் தீட்டினர். முகமது நபிகள் வனாந்திரத்தின் வழியாக தப்பித்து மதினா என்ற இடத்திற்கு சென்றார். மதினாவில் தொழுகையிடம் கட்டி எழுப்பினார்.
முகமது நபிகளுக்கு கடவுள் தொடர்ந்து கட்டளைகளை தந்து கொண்டு இருந்தார். இறுதி காலத்தில் மக்காவுக்கு திரும்பி வந்த முகமது நபிகள் மக்காவை மீட்டு புனிதப்படுத்தினார். மக்காவில் இருந்து இஸ்லாமிய கொள்கைகளை போதித்தவர், மக்காவிலேயே இறந்தார்.

கடவுளை(அல்லா) மட்டுமே வணங்க வேண்டும். மக்காவுக்கு புனித பயணம் செய்ய வேண்டும். இருப்பதை இல்லாதவர்களுக்கு கொடுக்க வேண்டும் என்பவைகளே இஸ்லாமியத்தின் முக்கிய கொள்கைகள்.

முகமது நபிகளே இறுதி மீட்பர். அவருக்கு பின் இனி மீட்பர்கள் வரமாட்டார்கள். இறுதி காலத்தில் கடவுள் நேரடியாக வருவார். மனிதர்களின் பாவ கணக்கிற்கு ஏற்ப சொர்க்கம் அல்லது நரகம் கிடைக்கும். - இதுவே இஸ்லாமிய மதக் கொள்கைகளின் சுருக்கம்.

யூதர்கள் இயேசுகிறிஸ்துவை ஏற்றுக்கொள்ளவில்லை. கிறிஸ்துவர்கள் முகமது நபிகளை ஏற்றுக்கொள்ளவில்லை. ஆனால் ஒரே கடவுள், பிசாசு, ஆதாம், நோவா, ஆபிரகாம், ஈசாக், இஸ்மாயில், மோசே, இஸ்ரவேல், இறுதி மீட்பர் வருவார் என்கிற ஆதிபைபிளை மூன்று மதத்தினரும் ஏற்கின்றனர். 

யூதர்கள், கிறிஸ்துவர்கள், இஸ்லாமியர்கள் மூவருக்கும் கடவுள் ஒருவர் தான். கடவுளின் வேதத்தை அளித்தவர் யார் என்பதில் தான் வேறுபடுகின்றனர்.

மோசேவின் வேதத்தை மட்டும் ஏற்பவர்கள் யூதர்கள். மோசே மற்றும் இயேசுகிறிஸ்துவின் வேதத்தை ஏற்பவர்கள் கிறிஸ்துவர்கள். மோசே, இயேசுகிறிஸ்து மற்றும் முகமது நபிகளின் வேதங்களை ஏற்பவர்கள் இஸ்லாமியர்கள்.

மோசே மற்றும் இயேசுகிறிஸ்துவின் வேதங்களை ஏற்றாலும் பைபிளை வேதமாக இஸ்லாமியர்கள் ஏற்பதில்லை. மாறாக மோசே மற்றும் இயேசுகிறிஸ்துவின் வேதங்கள் அடங்கிய திருக்குரானை வேதமாக ஏற்கின்றனர்.

திருக்குரான் என்பது முகமது நபிகளால் சொல்லப்பட்ட பல உரைகளின் தொகுப்பு. முகமது நபிகள் மறைவுக்கு பின்னர் அவரது நண்பர் அபுபக்கரால் தொகுக்கப்பட்டது. 

அடுத்த பதிவில் ஆபிரகாமின் ஆரியமதம் குறித்து பார்ப்போம்..

தொடரும்...

05/12/2019

இஸ்ரவேலர் - ஆபிரகாமின் மதங்கள் 3

ஆடு மேய்க்கும் ஆபிரகாமிடம் கடவுள் பேசுகிறார். ‘‘நானே உண்மையான கடவுள். என்னை மட்டும் வணங்கு. என்னை வணங்கினால் உன்னையும் உன் சந்ததியினரையும் ஆசீர்வதிப்பேன். நாடோடியான உனக்கு சொந்தமாக கானான் என்ற நாட்டை பரிசளிப்பேன். அந்த நாட்டில் உன் சந்ததியினர் பெருகி வாழ்வார்கள்’’ என்கிறார் கடவுள்.

கடவுளின் பேச்சை நம்பிய ஆபிரகாம், கானான் தேசத்திற்கு புறப்படுகிறார். சிலைகளை வணங்கும் ஆபிரகாமின் தந்தை தேராகு, ஆபிரகாமின் பேச்சை கேட்கவில்லை.

தன் பேச்சை நம்பும் மனைவி, சகோதரர், மற்றும் உறவினருடன் கானான் தேசம் நோக்கி புறப்படுகிறார் ஆபிரகாம். நெடுதூரம், நெடுங்காலம் பயணித்தும் கானான் தேசத்தை கண்டறிய முடியவில்லை. கடுமையான பஞ்சம் வரவே எகிப்து நாட்டில் தஞ்சம் அடைகின்றனர்.

எகிப்து மன்னர் பாரோன் பெண்களை கவர்வதில் வல்லவன். ஆபிரகாமின் மனைவி சாராள் மிகவும் அழகானவள். சாராள் தன் மனைவி என்றால் தன்னைக் கொன்று விடுவார்கள் என்பதால், ‘தங்கை’ என பொய் சொல்லி விடுகிறார் ஆபிரகாம். எனவே பாரோன் சாராளை தன் அந்தப்புரத்திற்கு அழைத்துச் செல்கிறார்.

அந்தப்புரத்தில் இருக்கும் மனைவியை மீட்டுத் தர கடவுளிடம் வேண்டுகிறார் ஆபிரகாம். பாரோன் மன்னனுக்கு கடுமையான நோய் வருகிறது. இதை தொடர்ந்து சாராளை விடுவிக்கிறான் மன்னன். சாராளுக்கு உதவியாக ஒரு எகிப்திய பணிப்பெண்னையும் அனுப்பி வைக்கிறார்.

எகிப்தில் இருந்து புறப்படும் ஆபிரகாம் கூட்டம் கானான் நாட்டை தேடி அலைகிறது. மீண்டும் வனாந்திரத்தில் தங்குகின்றனர்.

சாராளுக்கு குழந்தை இல்லாததால் எகிப்திய பணிப்பெண் மூலமாக ஒரு குழந்தை பெறுகிறார் ஆபிரகாம். அந்த குழந்தைக்கு இஸ்மாயில் என தேவதூதர் பெயரிடுகிறார். கடவுளின் வாக்குறுதி படி சாராளும் ஒரு குழந்தை பெறுகிறாள். அந்த குழந்தைக்கு ஈசாக் என பெயரிடுகிறார் ஆபிரகாம்.

ஈசாக்குக்கு போட்டியாக மாறிவிட கூடாது என்பதால் கடவுளால் வேறு தேசத்திற்கு அனுப்பப்படுகிறார் இஸ்மாயில்.

ஆபிரகாமிடம் ஈசாக்கை நரபலி கேட்கிறார் கடவுள். கடவுளின் கட்டளையை ஏற்று ஈசாக்கை நரபலி கொடுக்க துணிகிறார் ஆபிரகாம். ஆபிரகாமின் விசுவாசத்தை கண்டு வியந்த கடவுள், ஈசாக்குக்கு பதில் ஆடு ஒன்றை பலியிட செய்கிறார். பின்னர் கானான் தேசம் நோக்கி புறப்பட கூறுகிறார் கடவுள்.  கானான் தேசம் செல்லும் வழியில் ஆபிரகாம் இறந்து விடுகிறார்.

ஈசாக் தலைமையில் கானான் பயணம் தொடர்கிறது. ஈசாக்குவிற்கு 2 மகன்கள் பிறக்கின்றனர். இதில் இளைய மகன் யாக்கோப்புக்கு ஈசாக்கிடம் இருந்து தந்திரமாக ஆசிர்வாதம் வாங்கிவிடுகிறார் ஈசாக்கின் மனைவி ரெபேக்கா.

ஈசாக்கை தொடர்ந்து யாக்கோபு கானான் பயனத்தை தொடர்கிறார். நீண்ட காலம் கடந்தும் கானான் தேசம் கிடைக்காததால் ஆபிரகாமின் கடவுள் மீது சந்தேகம் வருகிறது. பலர் மீண்டும் சிலை வழிபாட்டை தொடங்குகின்றனர். 


இந்த நிலையில் மோசே என்பவருக்கு அக்னி வடிவில் கடவுள் காட்சியளிக்கிறார். கடவுளின் கட்டளைக்கு ஏற்ப ஆபிரகாமின் சந்ததியினரை கானான் தேசம் நோக்கி அழைத்து செல்கிறார் மோசே.

இப்போதும் நெடுங்காலம், நெடுந்தூரம் கடந்தும் கானான் தேசம் கிடைக்கவில்லை. மோசேவுக்கும் வயதாகிறது. கடவுளின் உறுதியான முடிவை அறிய சீனாய் என்கிற மலைக்கு தியானம் செய்ய செல்கிறார் மோசே.

பலநாட்களாக மோசே திரும்பி வரவில்லை. இதனால் ஆபிரகாமின் கடவுள் தவிர்த்து மக்கள் மீண்டும் சிலை வழிபாட்டை துவங்குகின்றனர். ஐம்பொன்னால் நந்தி சிலையை செய்து வழிபடுகின்றனர். நந்தி வழிபாடு மக்களிடம் புகழ்பெறுகிறது. 

ஒருகட்டத்தில் மோசே திரும்ப வருகிறார். கடவுள் தனக்கு அளித்த 10 கட்டளைகளை மக்களிடம் விளக்கி சொல்கிறார். ஒரு பகுதியினர் மோசேயின் விளக்கத்தை ஏற்கவில்லை. நந்தி வழிபாட்டையே தொடர்கின்றனர். இறுதியில் மோசேயும் இறந்து விடுகிறார். மோசேவுக்கு பின் அவரது உதவியாளர் யோசுவா தலைமை தாங்கி கானான் நாட்டை தேடி புறப்படுகின்றனர். நந்தி வழிபாட்டை தொடர்பவர்கள் வேறு திசையில் பயணிக்கின்றனர்.

மோசேவின் 10 கட்டளைகளை பின்பற்றி யோசுவாவின் பின் சென்றவர்கள் யாக்கோபு தலைமையில் கானான் நாட்டை அடைந்தனர்.

யாக்கோபின் பெயரை இஸ்ரவேல் என மாற்றம் செய்கிறார் கடவுள். இஸ்ரவேலின்(யாக்கோபின்) 12 பிள்ளைகள் தங்களுக்குள் கானான் நாட்டை பிரித்து கொள்கின்றனர். 12 பேரும் 12வம்சமாக பல்கி பெருகுகின்றனர். இந்த 12 வம்சங்களே இஸ்ரவேலர் என அழைக்கப் படுகின்றனர். அவர்களில் ஒரு பிரிவினர் தான் யூத வம்சம்.

12 இஸ்ரவேலரும் மோசேயின் 10 கட்டளைகளை தங்களின் வேதமாக ஏற்று கடவுளை வழிபாடுகின்றனர்.

1. நானே உங்கள் கடவுளாகிய கர்த்தர். 2.என்னைத் தவிர சிலைகளை வணங்க கூடாது. 3. கடவுளின் பெயரை வீணாக பயன்படுத்த கூடாது. 4.ஓய்வு நாளில் தூய்மையை கடைபிடிக்க வேண்டும். 5.பெற்றோரை மதிக்க வேண்டும். 6.கொலை செய்ய கூடாது, 7.விபசாரம் செய்யக் கூடாது. 8.திருட கூடாது. 9.பொய்சாட்சி சொல்ல கூடாது. 10.பிறர் மனைவியை கவர கூடாது. என்பவைகள் தான் மோசேவின் 10 கட்டளைகள்.

இஸ்ரவேலர்கள் செழிபுற்று இருந்த கானான் நாட்டில் மீண்டும் பஞ்சம் வருகிறது. இதனால் 12 வம்சத்தினருக்கு இடையில் கடவுள் வழிபாடு குறித்த மோதல் ஏற்படுகிறது. கொடிய வறட்சி தொடரவே இறுதியில் கானான் நாட்டை விட்டு வெளியேறி மீண்டும் எகிப்தில் தஞ்சமடைகின்றனர். பின்னர் எகிப்து மன்னர் கட்டுப்பாட்டில் இருந்து தங்களை மீட்க கோரி கடவுளை வேண்டுகின்றனர்.

எகிப்தில் இருக்கும் இஸ்ரவேல் மக்களை மீட்க கடவுள் ஒவ்வொரு மீட்பராக அனுப்புகிறார். அதில் இறுதி மீட்பர் யார் என்பதில் தான் யூதம், கிறிஸ்துவம், இஸ்லாமியம் ஆகிய பெரும் மதங்கள் பிரிகின்றன. 

இறுதி மீட்பர் இன்னும் வரவில்லை என்பவர்கள் யூதமதமாகவும், இயேசு கிறிஸ்து தான் இறுதிமீட்பர் என்பவர்கள் கிறிஸ்துவ மதமாகவும், முகமது நபிகள் தான் இறுதி மீட்பர் என்பவர்கள் இஸ்லாமிய மதமாகவும் பிரிகின்றனர்.

இறுதி அவதாரம் இயேசு கிறிஸ்துவா?, முகமது நபிகளா?, கல்கியா? அடுத்த பதிவில்..

தொடரும்... 

03/12/2019

ஆதிபைபிள் - ஆபிரகாமின் மதங்கள் 2

யூதம் மற்றும் கிறிஸ்துவ மதங்களின் வேதம் பைபிள். பழைய ஏற்பாடு, புதிய ஏற்பாடு என இரு பெரும் பிரிவுகளாக பைபிள் தொகுக்கப்பட்டு உள்ளது. பழைய ஏற்பாடு யூதம் மற்றும் கிறிஸ்துவ மதங்களின் பொது வேதமாவும், புதிய ஏற்பபாடு கிறிஸ்துவர்களின் வேதமாகவும் உள்ளது.

ஆதியிலே தேவன் வானத்தையும் பூமியையும் படைத்தார் என்ற வசனத்தில் துவங்குகிறது பைபிள். உலக படைப்பு, மனிதபடைப்பு, மனிதர்களை வழிநடத்த கடவுள் தூதர்கள் அவதாரம் எடுத்தல், பாவத்தை நீக்கி பரலோகம் என்ற கடவுளின் ஆட்சிக்கு மனிதர்களை தயார்படுத்துதல் என்ற அடிப்படையில் பைபிள் கோட்பாடுகள் அமைந்துள்ளன.

முதலில் பைபிள் காலகோடுகளை சுருக்கமாக பார்த்துவிடுவோம்

வானம், பூமி, வெளிச்சம், இருள், கடல், நட்சத்திரங்கள், சூரியன், தாவரங்கள், விலங்குகள், என ஒட்டுமொத்த உலகத்தையும் 6 நாட்களில் படைக்கிறார் கடவுள். 7ம்நாளில் ஓய்வாக இருக்கிறார்.

வானுலகை தேவர்கள் ஆட்சி செய்வது போல, பூமியை ஆட்சி செய்ய மனிதனை படைக்கிறார். மண்ணை எடுத்து தன்னுடைய சாயலைபோல ஒரு பொம்மை செய்கிறார். அந்த பொம்மைக்கு தன்னுடைய சுவாச காற்றை ஊதி உயிர் தருகிறார். உயிர் பெற்ற மனிதனுக்கு ஆதாம் என பெயரிடுகிறார். ஆதாமுக்கு துணையாக ஆதாமின் விலா எலும்பில் ஒன்றை எடுத்து பெண்ணை படைக்கிறார். அந்த பெண்ணை ஆதாமிடம் ஒப்படைக்கிறார். தன் பெண்ணுக்கு ஏவாள் என பெயரிடுகிறார் ஆதாம்.

ஆதாம் மற்றும் ஏவாளுக்கு ஏதேன் என்ற பழத்தோட்டத்தை கடவுள் பரிசளிக்கிறார். அந்த தோட்டத்தில் உள்ள ஒரு மரத்தின் பழத்தை மட்டும் உண்ணக் கூடாது என கட்டளையிடுகிறார்.

கடவுளின் கட்டளைக்கு ஏற்ப ஆதாமும் ஏவாளும் பழத்தோட்டத்தில் மனம் மகிழ்ந்து வாழ்கின்றனர், அனைத்து பழத்தையும் உண்டு மகிழ்கின்றனர். கடவுள் தவிர்க்க சொன்ன ஒரு பழத்தை மட்டும் உண்ணவில்லை. தினமும் கடவுளை துதித்து மகிழ்விக்கின்றனர். மகிழ்ச்சியடைந்த கடவுள் ஆதாம் ஏவாள் மூலமாக பூமி முழுவதும் மனிதர்களை பரப்ப நினைக்கிறார். ஆதாம் ஏவாளுக்கு வாரிசு வரம் கொடுக்கிறார்.

ஆதாம் ஏவாளுக்கு வாரிசு வரம் கொடுக்கும் கடவுளின் முடிவு தேவர்கள் மத்தியில் அதிர்ச்சியை ஏற்படுத்துகிறது. பூமியில் மேலும் மனிதர்களை பெருக்க கூடாது என தேவர்கள் கடவுளிடம் முறையிடுகின்றனர். தன்னுடைய படைப்பில் தலையிட கூடாது என்று தேவர்தலைவனை கடவுள் கடிந்து கொள்கிறார்.

இதனால் அதிர்ச்சி அடைந்த தலைவன் மனிதனை கடவுளுக்கு எதிராக திருப்ப சதித்திட்டம் தீட்டுகிறார்.

பூமிக்கு வந்த தேவதலைவன் ஆதாமின் மனைவி ஏவாளிடம் சூசகமாக பேசுகிறார். கடவுள் உங்களை வேலைக்காரராக தான் வைத்திருக்கிறார். தான் சொல்வதை கேட்டால் தன்னை போல தேவதூதனாக சொர்க்கத்தில் நுழையலாம். கடவுள் உண்ணக்கூடாது என்ற பழத்தை ஆதாமும் ஏவாளும் உண்ணும்படி தேவதலைவன் சொல்கிறான். ஆசை வார்த்தைக்கு மயங்கிய ஏவாள் கடவுளின் கட்டளையை மீறி பழத்தை உண்கிறாள். ஆதாமையும் உண்ண செய்கிறாள்.


தேவ உலகம் சென்ற தலைவன் கடவுளின் பிரியமான படைப்பு கடவுளின் கட்டளையை மீறிவிட்டதாக கடவுளை ஏளனம் செய்கிறார். கோபம் அடைந்த கடவுள் ஆதாமையும், ஏவாளையும் சபிக்கிறார். இனி நீங்கள் மரணத்தை சந்திப்பீர்கள். உங்கள் வாரிசுகளும் மரணத்தை சந்திக்கும் என சாபமிடுகிறார். மனிதர்களை வஞ்சித்த தேவர்தலைவனையும் பூமிக்கு துரத்தி விடுகிறார்.

பூமீக்கு வந்த தேவர் தலைவன் மனிதனை ஏமாற்றியதைப் போல தாவரம், விலங்குகளையும் தன்வசப்படுத்தி கடவுளுக்கு எதிராக செயல்படுகிறார். இதானல் கடவுள் மற்றும் தேவதலைவன் என்ற இருபெரும் ஆளுகை பூமியில் வளரத்துவங்குகிறது. 

கடவுளை வணங்குபவர்கள் குறைவாகவும், தேவதலைவனை வணங்குபவர்கள் அதிகமாகவும் பெருகுகின்றனர். பூமியில் தேவதலைவனின் ஆளுகை தேவஉலகின் தேவர்களையும் வியக்க வைக்கிறது.

மனித பெண்களின் அழகை பார்த்து மயங்கிய பல தேவர்கள் தேவஉலகை விட்டுவிட்டு பூமிக்கு வருகின்றனர். பெண்களுடன் திருமண உறவு வைத்துக்கொள்கின்றனர். தேவர்-மனிதர் கலப்பால் அசுரர்கள் என்ற புதிய இனமும் பூமியில் பெருக துவங்குகிறது.

அசுர இனத்தை பெருக்கி தேவஉலகில் இருந்து கடவுளை துரத்துவது தான் தேவ தலைவனின் திட்டம். இதை தெரிந்து கொண்ட கடவுள், பூமியை அழிக்க திட்டமிடுகிறார்.

கடவுளை வணங்கிய விலங்குகளும், மனிதர்களும் தங்களை அழிக்க கூடாது என கடவுளிடம் வேண்டுகின்றனர். இதனால் இறக்கம் அடைந்த கடவுள் மனிதன் உட்பட எல்லா உயிர்களின் ஆண்&பெண் ஜோடியை தேர்ந்தெடுத்து காப்பாற்றுகிறார். அப்படி கடவுள் தேர்ந்தெடுத்த மனிதன் தான் நோவா.

நோவாவின் குடும்பம் மற்றும் அனைத்து உயிர்களின் தேர்ந்தெடுத்த ஜோடிகள் ஒரு பெரிய கப்பலில் அடைக்கபடுகின்றன. பின்னர் கடல் வெள்ளத்தால் பூமியை அழிக்கிறார் கடவுள். கடலுள் மூழ்கிய பூமி 40 நாட்கள் கடந்து திரும்ப நிலப்பரப்பை உண்டாக்குகிறது. கப்பலில் காக்கப்பட்ட நோவா உட்பட உயிர்கள் புதிய உலகில் வாழ துவங்குகின்றன. இனி உலகை அழிக்க மாட்டேன் என உயிரினங்களுக்கு வாக்குறுதி அளிக்கிறார் கடவுள்.

புதிய உலகில் மீண்டும் தேவதலைவன் ஆதிக்கம் செலுத்துகிறார். கடவுளை வணங்கும் மக்கள் குறைந்து தேவதலைவனை வணங்கும் மக்கள் அதிகரிக்கின்றனர். ஒரு கட்டத்தில் எல்லா மக்களும் தேவதலைவனையே வணங்குகின்றனர். கடவுளை வணங்க ஒருவர் கூட இல்லாத நிலை ஏற்படுகிறது.

இந்நிலையில் மீண்டும் பூமியை அழிக்க முடிவுசெய்கிறார் கடவுள். ஆனால் இனி பூமியை அழிக்க மாட்டேன் என்ற வாக்குறுதி தடுக்கிறது. இதனால் தன்னை மட்டும் வணங்கும் ஒரு மனித சமூகத்தை ஏற்படுத்த கடவுள் முடிவு செய்கிறார். அதற்காக ஆபிரகாம் என்ற மனிதனை தேர்ந்தெடுத்து அவருடன் ஒரு ஒப்பந்தம் செய்கிறார்.

தொடரும்..

02/12/2019

ஆபிரகாமின் மதங்கள் 1

ஆபிரகாமின் மதங்கள் என்றால் பொதுவாக யூத மதம், கிறிஸ்துவ மதம், இஸ்லாமிய மதம் இவற்றை தான் குறிப்பிடுவார்கள். ஆனால் இந்தோ ஈரான் பகுதிகளில் ஏராளமான மதங்கள் ஆபிரகாமின் வழி தோன்றல்களாக உள்ளன.

குறிப்பாக வடஇந்தியாவில் அதிகமாக பின்பற்றப்படும் ஆரியமதம் ஆபிரகாம் மதங்களுள் முக்கியமானது. இன்று இந்து மதத்தின் ஒரு பிரிவாக கருதப்படும் பஹாய், சாய்பாபா உட்பட வழிபாடுகளும் ஆபிரகாமிய வழித்தோன்றல்கள் என்பது தான் ஆச்சரியமான உண்மை!

இன்று உலகில் பெரும்பான்மை மக்களால் பின்பற்றப்படும் மதங்களுள் முக்கியமானவை ஐந்து. 1.இஸ்லாமியம், 2.கிறிஸ்துவம், 3.புத்தம், 4.ஆரியம், 5.இந்துமதம்.

இங்கே உங்களுக்கு ஒரு சந்தேகம் வரலாம். ஆரியம் வேறு, இந்து மதம் வேறா?

ஆம். ஆரியம் என்பது ஆபிரகாமிய மதம். இந்துமதம் என்பது ஆரியத்திற்கு எதிராக இந்தியாவில் தோன்றிய மதம். புத்த மதத்தை போல இந்து மதம் என்பதும் ஆபிரகாமிய மதங்களுக்கு எதிராக தோன்றியது என்பது தான் வரலாற்று உண்மை.

சரி இனி வரலாற்றை கொஞ்சம் ஆய்வு செய்வோம்...

இந்த கட்டுரைத் தொடர் முழுக்க முழுக்க மதவேதங்கள் மற்றும் வரலாற்று காலக்கோடுகளின் அடிப்படையில் எழுதப்படுவது. இந்த கட்டுரையில் மதங்களையோ, மத வேதங்களையோ, மத நிருவனர்களையோ குற்றம் சொல்வதோ,  குறை கூறுவதோ கிடையாது. இது ஒரு வரலாற்று ஆய்வு. ஆய்வு கட்டுரையாகத் தான் பார்க்க வேண்டுமே தவிர, மத வேறுபாடுகளை கூறும் கட்டுரையாக பார்க்க கூடாது.

ஆய்வுக்காக யூத வேதமான பைபிளின் பழைய ஏற்பாடு, கிறிஸ்துவ வேதமான பைபிளின் புதிய ஏற்பாடு, இஸ்லாமிய வேதமான திருக்குரான், ஆரிய வேதமான ரிக்வேம், உபநிடதங்கள், போன்ற நூல்களின் வசனங்களை கையாண்டுள்ளேன்.

பைபிள், குரான், ரிக், உபநிடதங்கள் இந்த நான்கு வேதங்களும் இந்தோ-ஈரானிய நிலப்பகுதி மக்களின்  வரலாற்றுக் கோட்டை நமக்கு ஓரளவு படம்பிடித்து காட்டுகின்றன.

இந்த நான்கு வேதங்களும் ஒற்றை கடவுளை வலியுறுத்துகின்றன. கடவுளை அடைய மூன்று வழிகளை பறைசாற்றுகின்றன.

பைபிள், குரான், ரிக், உபநிடதங்கள் இந்த நான்கும் 10 முக்கியமான வேதகால வரலாற்று கோட்டில் ஒன்றுபடுகின்றன.

1. உலக படைப்பு
2. ஆதாம், பிரம்மா என்ற முதல் மனித படைப்பு
3. கடவுளுக்கும் தேவர்களுக்குமான பனிப்போர்
4. தேவர்கள் மனிதர்களாக பிறத்தல்
5. நோவா, மச்ச அவதார கடல் பேரழிவு
6. ஆபிரகாம், இயேசு, நபிகள், கிருஷ்ண, சாயிபாபா அவதாரம்
7. மோசே கட்டளை, பிராமணிய ஸ்மிருதிகள்
8. பலியிடல், வேள்வி
9. ஒற்றை கடவுள் வழிபாடு
10. கடவுளின் இறுதி தீர்ப்பு

பைபிள், குரான், ரிக், உபநிடங்கள் இவைகளின் தொடக்கம் ஆபிரகாம் தான். ஆபிரகாம் என்ற ஒற்றை மனிதருக்கும் கடவுளுக்கும் ஏற்படும் ஒப்பந்தத்தில் துவங்குகிறது இந்த நான்கு வேதங்களும்.

யார் இந்த ஆபிரகாம்? ஆபிரகாம்&கடவுள் ஒப்பந்தத்தில் எப்படி பலநூறு மதங்கள் பிறந்தன. இன்று உலகின் 3ல் ஒரு பகுதி மக்களுக்கு ஆபிரகாம் தந்தையாக இருப்பது ஏன்? எல்லாவற்றிற்கும் மேலாக ஆரிய மதத்திற்கும் ஆபிரகாமிற்கும் என்ன தொடர்பு?

விரிவாக ஆய்வு செய்வதற்கு முன்னர் ஆபிரகாம் குறித்து பைபிளில் சொல்லப்படும் சிறு வராலாற்று சுருக்கத்தை பார்த்து விடலாம்.


உலகின் பழமையான நாகரீகங்களில் ஒன்றான மெசப்பட்டோமியாவில் பாய்கிறது யூப்ரிடிஸ் நதி. (தற்போது ஈரான் நாட்டில் உள்ளது). இந்த நதிக்கரை கழிமுகத்தில் அமைந்த நகரத்தின் பெயர் ஊர்.

ஊரில் கடவுள் சிலைகளை தயாரிக்கும் செல்வந்தராக வாழ்ந்து வருகிறார் ஆபிரகாமின் தந்தை தேராகு. ஊர் பகுதியில் பல கடவுள் வழிபாடு உள்ளது. குறிப்பாக நிலம், நீர், தீ, காற்று, ஆகாயம், பெண்மை, விலங்கு, பாம்பு, சிங்கம், என அனைத்து இயற்கை தன்மைகளையும் கடவுளாக வழிபடும் வழிபாட்டு முறை இருக்கிறது.

இயற்கை கடவுள்களுக்கு சிலை செய்து தரும் பணியை செய்து வருகிறார் தேராகு. தோரகுவின் சிலை கடவுள்கள் மிகவும் நம்பிக்கைக்கு உரியதாக இருந்து வருகிறது. பொதுமக்கள் முதல் மன்னர் வரை கடவுள் சிலைகளை வணங்குகின்றனர்.

இப்படிப்பட்ட சூழலில் ஊர் பகுதியில் கடுமையான பஞ்சம் ஏற்படுகிறது. மக்கள் செத்து மடிய துவங்குகின்றனர். கடும் வறட்சி சிலை கடவுள்கள் மீதான நம்பிக்கையை குறைக்கிறது.

தேராகுவின் சிலைகளுக்கு சக்தி இல்லை என ஒருபகுதியினர் எதிர்க்கின்றனர். மக்கள் மற்றும் மன்னர் எதிர்ப்பை தொடர்ந்து தேராகு தனது மகன்களை அழைத்துக்கொண்டு வேறு பகுதிக்கு நாடோடியாக புறப்படுகிறார்..

வனாந்திரத்தின் வழியாக அலைந்து திரியும் தேராகுவின் குடும்பத்தினர் காரான் என்ற பள்ளத்தாக்கில் தங்கி வசிக்கின்றனர். தேராகு இங்கும் கடவுள் சிலைகளைத் தயாரிக்கும் பணியை செய்கிறார்.

மகன் ஆபிரகாமிற்கு தந்தையின் தொழில் பிடிக்கவில்லை. சிலை கடவுளால் தான் நாம் ஊரை விட்டு வெளியேற வேண்டியதாயிற்று என தந்தையிடம் கோபிக்கிறார். தந்தை தொழிலைத் தவிர்த்து ஆடுகளை மேய்க்கும் பணியைச் செய்கிறார் ஆபிரகாம்.

ஒருநாள் பகல் பொழுதில் வனாந்திரத்தில் ஆடுகளை மேய்த்துக்கொண்டிருந்த ஆபிரகாம் பாறை குன்றின் அடிவாரத்தில் படுத்து உறங்குகிறார். அப்போது திடீர் என ஒரு சத்தம் கேட்கிறது. ‘‘ஆபிரகாம் உன் கடவுள் பேசுகிறேன்’’ என்ற சத்தம் தான் அது.

‘‘ஆபிரகாம் நானே உன் கடவுள். என்னை அல்லாமல் வேறு கடவுள் இல்லை. சிலை வழிபாடுகளைத் தவிர்த்து நீ என்னை மட்டும் வணங்கு. நான் உன் சந்ததியினரை செழிக்கச் செய்வேன். உன் சந்ததியினருக்கு செழிப்பான கானான் நாட்டை பரிசளிப்பேன்’’ என்கிறது அந்த கடவுள் குரல்...

இந்த குரலில் இருந்து துவங்குகின்றன ஆபிரகாமின் மதங்கள்...

தொடரும்.

29/11/2019

வேதிப் பிணைப்புகள் - அடிப்படை வேதியியல் 5

அணு தான் பொருளின் அடிப்படை. ஆனால் அணு அணுத்துகள்களால் கட்டமைக்கப்பட்டது. அணுத்துகள்கள் பொருளின் அடிப்படைத்துகள்கள் தானே அல்லாமல் பொருளின் அடிப்படையாக கொள்ள முடியாது.

ஏனென்றால் அணுத்துகள்கள் எண்ணிலடங்காதவை. அணுத்துகள்கள் நிரந்தர நிலையில் இருப்பதில்லை. அணுத்துகள்கள் எப்போதும் அணுவாக கட்டமையும் முயற்சியிலேயே உள்ளன. நிரந்தர நிலை மற்றும் நிலைப்பு தன்மை இல்லாததால் அணுத்துகள்களை பொருளாக அறிவியல் ஏற்பது இல்லை.

அணுநிலையே பொருளின் முதல் நிலை. பொருட்களின் நிலைகளை இயந்திரவியல் அடிப்படையில் 8 ஆக பிரிக்கலாம். 1.அணுத்துகள், 2.அணு, 3,தனிமம், 4.மூலக்கூறு, 5.திடம், 6.திரவம், 7.காற்று, 8.ஒளி. (இவை குறித்து அடிப்படை இயந்திரவியல் பகுதில் விரிவாக பார்க்கலாம்). அணுத்துகள்கள் குறித்து குவாண்டவியல் பகுதியில் படிக்கலாம். தற்போது வேதியியல் துறையின் அடிப்படையான அணுக்களை பற்றி மட்டும் இங்கு புரிந்து கொள்வோம்.

அணு அணுத்துகள்களாக உடைந்து மீண்டும் அணுவாக கட்டமைகிறது. அணு எப்போதும் தன்னை ஒரு முழுப் பொருளாக நிலைநிறுத்திக் கொள்கிறது. புற சூழலால் உடையும் நிலை ஏற்பட்டால் உடனே மீளாக்கம் பெற்று முழுமை பெறுகிறது. அணு தனியாகவோ, கூட்டாகவோ தனது முழுமையை நிலைநிறுத்துகிறது. இந்த நிலைநிறுத்தலே தனிமங்கள் முதல் காற்று வரையிலான பொருட்கள் அமைய காரணமாக அமைகிறது.

அணு உடைகையில் எண்ணிலடங்கா துகள்களாக சிதறுகிறது. ஆனால் அணு மீளுகையில் எலக்ட்ரான், புரோட்டான், நியூட்ரான் என்ற மூன்று துகள்களாக மட்டுமே கட்டமைகிறது. எனவே இந்த மூன்று துகள்கள் மட்டுமே இயந்திரவியலில் பங்காற்றுகின்றன. மற்ற துகள்கள் நேரடியாக பங்காற்றுவதில்லை. அதனால் அவை மறைமுக துகள்கள் எனப்படுகின்றன.

எலக்டரான், புரோட்டான், நியூட்ரான் என்பவை நேரடி துகள்கள். நேரடித்துகள்கள் நேரடியாக விளைவுகளை ஏற்படுத்துகின்றன. மறைமுக துகள்கள் நேரடி துகள்கள் வழி மறைமுக தாக்கத்தை ஏற்படுத்துகின்றன.

தற்போது உங்கள் புரிதலுக்காக மறைமுக துகள் ஒன்றான போட்டான்(தமிழில் ஒளித்துகள்) விளைவை மட்டும் குறிப்பிடுகிறேன்.

ஒளியால் நாம் எந்த விதத்திலும் நேரடியாக பாதிக்கப்படுவது இல்லை. ஆனால் நமது உடலில் உள்ள எலக்ட்ரான்கள் ஒளியால் பாதிப்படைகின்றன. உதாரணமாக எலும்பு முறிந்தால் எக்ஸ்-ரே எடுக்கிறோம். எக்ஸ்-ரே வின் போது நாம் எந்த உணர்வையும் உணருவதில்லை. நமது உடலை கோடிக்கணக்கான போட்டான்கள்(ஒளித்துகள்கள்) கடந்து செல்கின்றன. நாம் அதை துளியும் உணருவதில்லை. அதே நேரத்தில் நமது உடலில் உள்ள எலக்ட்ரான்கள் அவற்றை எதிர்கொள்கின்றன. அதனாலேயே எக்ஸ்ரே பிலிமில் நமது உடல் பாகங்களின் புகைபடம் கிடைக்கிறது.


ஒளியை போல ஏராளமான மறைமுக அணுத்துகள்கள் நேரடி அணுத்துகள்களை விளைவுகளுக்கு உட்படுத்துகின்றன. தங்களின் உறுப்புகள் என்பதால் மறைமுக துகள்களின் தாக்கத்தை நேரடி துகள்கள் எளிமையாக எதிர்கொள்கின்றன. மறைமுக துகள்களின் தாக்கம் குறித்து குவாண்டவியல் பகுதியில் பார்க்கலாம்.

தற்போது வேதியியல் பிணைப்புக்கு வருவோம்.

நேரடி அணுத்துகளான எலக்ட்ரான் மீது மறைமுக அணுத்துகள்கள் தாக்கம் கொள்ளும்போது எலக்ட்ரான் தனது சமநிலையில் தடுமாற்றம் கொள்கிறது. இந்த தடுமாற்றம் அருகில் உள்ள அணுவின் எலக்ட்ரானையும் தடுமாற செய்கிறது.

 ஒரு அணுவின் எலக்ட்ரான் தடுமாற்றம் அருகில் உள்ள அணுவின் எலக்ட்ரான் உதவியுடன் சரிசெய்யப் படுமானால் அங்கு அணுபிணைப்பு உண்டாகிறது. அணுக்கள் எலக்ட்ரான்களை பிணைத்து பங்கிட்டுக் கொள்ளும் போது அணுக்கருவிலும் சிறிய மாற்றம் நிகழ்கிறது. இந்த நிகழ்வு அணுவின் அமைப்பையும், நிலையையும் மாற்றி அமைக்கிறது. இந்த மாற்றம் அணுக்களின் வேறுபாட்டுக்கு காரணமாக அமைகிறது. அணுக்களின் வேறுபாடே தனிமங்களை உருவாக்குகின்றன.

இரு அணுக்களுக்கு இடையேயான முழுமையான எலக்ட்ரான்களின் பங்கீட்டை சகபிணைப்பு என்றும்., குறை எலக்ட்ரான்களின் பங்கீட்டை அயனி பிணைப்பு என்றும் வேதியியலில் குறிப்பிடுகின்றனர்.

சகப்பிணைப்பு, அயனிப்பிணைப்பு என்ற 2 பிணைப்புகளில் தான் ஒட்டுமொத்த பிரபஞ்ச பொருட்களும் இயங்குகின்றன. அணு தனிமங்களாக மாறுவதும். தனிமங்கள் மூலக்கூறுகளாக இணைவதும், மூலக்கூறுகள் பொருட்களாக பிணைந்து இருப்பதற்கும் சகப்பிணைப்பு மற்றும் அயனிப்பிணைப்பு தான் காரணம்.

பள்ளி பாடபுத்தகத்தில் படித்த வேதியியல் பிணைப்புகள் இந்த இரண்டும் தான். இது போக ஹைட்ரஜன் பிணைப்பு என்ற மூன்றாவது ஒன்றையும் படித்திருப்பீர்கள். அதாவது அணுவின் ஐசோடாப்புகள் தமிழில் ஓரிடத்தான்கள் என படித்தது நினைவிருக்கிறதா?

எலக்ட்ரான் பிணைப்பின் போது அணுக்கருவில்(நியூட்ரானில்) எற்படும் மாற்றம் ஐசோடாப்புகளை (ஓரிடத்தான்களை) உண்டாக்குகின்றன. இந்த மாற்றம் ஒட்டுமொத்த அணுவின் நிலைப்பு தன்மையில் சிறிய தடுமாற்றத்தை கொண்டு வருகிறது. இந்த தடுமாற்றத்தை சரி செய்ய ஒட்டுமொத்த அணுவும் அருகில் உள்ள ஒத்த அணுவோடு பிணைப்பை ஏற்படுத்துகிறது. இந்த பிணைப்பை தான் ஐசோடாப்பு அல்லது ஹைட்ரஜன் பிணைப்பு என அழைக்கிறோம்.

அணுக்களின் பிணைப்பும் விளைவும் தான் வேதியியல். இந்த 5 கட்டுரைகள் வழி அடிப்படை வேதியியல் ஒரளவு புரிந்திருக்கும் என நினைக்கிறேன். அறிவியலில் ஆர்வம் உள்ளவர்கள் தொடர்ந்து அறிவகம் கட்டுரைகளை படியுங்கள்.

அடிப்படை இயற்பியல், அடிப்படை வேதியியல், அடிப்படை குவாண்டவியல், அடிப்படை ஒளியியல், அடிப்படை இயந்திரவியல் இவற்றை தெரிந்து கொள்வதன் மூலம் நீங்கள் நிச்சயமாக அறிவியலில் முதல்படி ஏற முடியும் என நம்புகிறேன்.

முற்றும். நன்றி! 

அணுத்துகள்கள் - அடிப்படை வேதியியல் 4

ஒளியை கொண்டு அணுவை தாக்கும் ஆய்வில் அறிவியலாளர்களை ஒரு நிகழ்வு உற்று நோக்க வைத்தது. ஒளியை கொண்டு அணுவை தாக்கினால் அணு பல துகள்களாக உடைகிறது. ஆனால் ஒரு துகளிடம் மட்டும் ஒளி தோற்று போகிறது. தோல்வி என்றால் சாதாரன தோழ்வி அல்ல. மரண தோல்வி. ஆம்!, ஒளிக்கு மரணமே சம்பவித்து விடுகிறது.

ஒளியை கொண்டு அணுவை தாக்கும் போது ஏராளமான ஒளிச்சிதறல்கள் நிகழ்கின்றன. ஆனால் மூன்று மட்டும் நிலைத்து நிற்கிறது. அந்த மூன்றில் ஒன்று ஒளியையே விழுங்கி விடுகிறது. ஒளியே கொல்லப்படுமானால் நிச்சயம் ஒளியை விட ஆற்றல் பெற்ற ஒன்று அணுவில் உள்ளது.

இப்போது அறிவியலாளர்கள் அடுத்த கட்ட இறுதி முடிவுக்கு வந்தனர்.

அணு என்பது தனிப்பொருள் அல்ல. அணுத்துகள்களால் ஆனது தான் அணு. அணுத்துகள்கள் என்பது எண்ணிலடங்காதவை. எண்ணிலடங்கா அணுத்துகள்கள் இருந்தாலும் மூன்று மட்டுமே அணுவை இயல்பு உலகிற்கு எடுத்து செல்கின்றன. இந்த மூன்று மட்டுமே இயல்பு உலகில் நேரடி விளைவுகளை ஏற்படுத்துகின்றன.

இயல்பு உலகோடு நேரடி தொடர்புடைய அணுத்துகளுக்கு எலக்ட்ரான் என பெயர் வைத்தனர். தமிழில் வெளி மின்னி என பெயரிட்டு அழைக்கலாம். இயல்பு உலகோடு மறைமுக தொடர்பை கொண்டுள்ள அணுத்துகளுக்கு புரோட்டான் என பெயர் வைத்தனர். தமிழில் நேர் மின்னி என அழைக்கலாம்(வேறு பொருத்தமான பெயர் வேண்டும்). ஒளியை விழுங்கும் அணுத்துகளுக்கு நியூட்ரான் என பெயரிட்டுள்ளனர். தமிழில் அணுக்கரு அல்லது மையக்கரு என அழைக்கலாம்.

எலக்ட்ரான், புரோட்டான், நியூட்ரான் இந்த மூன்று அடிப்படை துகள்கள் சேர்ந்தது தான் அணு. எலக்ட்ரான், புரோட்டான், நியூட்ரான் இவற்றோடு இன்னும் ஏராளமான அணுத்துகள்கள் உள்ளன. அத்தனை அணுத்துகள்களும் சேர்ந்து தான் அணுவின் விளைவுகளை தீர்மானிக்கின்றன.

மூன்று அடிப்படை துகள்களை தவிர மற்ற துகள்களை பற்றி குவாண்டவியல் பகுதியில் படிக்கலாம்.

இனி வேதியியலுக்குள் நேரடியாக செல்வோம்.

அணுத்துகள்களான எலக்ட்ரான், புரோட்டான், நியூட்ரான் என்பவைகளின் இயந்திரவியலை பொருத்து அவற்றின் விளைவுகள் அமைகின்றன. (இயந்திரவியல் குறித்து அடிப்படை இயற்பியல் பகுதியில் எழுதியுள்ளேன்.)

அணுவின் புற விளைவில் ஆதிக்கம் செலுத்துவது எலக்ட்ரான் தான். ஏனென்றால் அணுவின் புற எல்லையாக இருப்பது இந்த எலக்ட்ரான்.

ஒரு அணுவின் புற எல்லையாக உள்ள எலக்ட்ரானை வேறு ஒரு அணுத்துகள் தாக்கும் போது எலக்ட்ரான் மறைமுக அணுத்துகள்களாக உடைகிறது. இந்த உடைப்பு புதிய இயந்திர விளைவை ஏற்படுத்துகிறது. இந்த விளைவுகளுக்கு ஏற்ப அணுவில் மாற்றம் நிகழ்கிறது. இந்த மாற்றமே தனிமங்களை கட்டமைக்கிறது.

கொஞ்சம்  குழப்பமாக தான் இருக்கும். பொறுமையாக படியுங்கள்.

அறிவியல் என்பது திரும்ப திரும்ப படித்தால் மட்டுமே புரியும். கதை என்றால் சுவாரசியம் இருந்தால் படித்து விடலாம். எளிதாக புரிந்தும் விடும். ஆனால் அறிவியல் என்பது ஆய்வு செய்ய வேண்டும். ஆய்வு செய்ய செய்யத்தான் ஆர்வம் வரும். ஆர்வம் வந்துவிட்டால் அப்புறம் எல்லாம் எளிமையாக புரிய ஆரம்பித்து விடும்.
atom particles மாதிரி படம் மட்டுமே
அணுவில் உள்ள எலக்ட்ரான், புரோட்டான், நியூட்ரான் என்ற துகள்களை நாம் நேரடி அணுத்துகள்கள் என அழைக்கலாம். மற்றவைகளை மறைமுக அணுத்துகள்கள் என அழைக்கலாம். ஏனென்றால் நேரடி அணுத்துகள்கள் மட்டுமே நிரந்தர நிலைப்பு தன்மை கொண்டுள்ளன. உடைந்தாலும் மீண்டும் கட்டமைக்கும் தன்மை பெற்றுள்ளன. மறைமுக துகள்கள் அப்படி அல்ல. அவைகள் மீளும் தன்மை அற்றவை. நேரடி துகள்கள் உடைவதால் மட்டும் உண்டாகுபவை. (குவாண்டவியலில் இது குறித்து விரிவாக தெரிந்து கொள்ளலாம்.)

மீளா தன்மை உடையதாலும், நேரடி அணுத்துகள்களின் உறுப்புக்கள் என்பதாலும் மறைமுக அணுத்துகள்களை ஒரு பொருளாக ஏற்க முடியாது. அதே நேரத்தில் அவை பொருளின் அங்கம் என்பதை மறக்க கூடாது.

நேரடி அணுத்துகள்களான எலக்ட்ரான் உடையும் போது முக்கிய மறைமுக அணுத்துகளாக வெளிப்படுவது போட்டான். எலக்ட்ரான் உடையும் போது ஏரளமான மறைமுக அணுத்துகள்கள் தோன்றினாலும். பெரும்பான்மையாக போட்டான்கள் தான் தோன்றும். இந்த போட்டான்கள் தான் ஒளி. இந்த ஒளியே பிரபஞ்சத்தில் ஏகப்பட்ட அணு உடைப்புகளை நிகழ்த்துகிறது.

ஒளியின் தாக்கத்தால் ஏற்படும் அணு உடைப்பு இயந்திரவியல் அடிப்படையில் அமைந்துள்ளது. இதனால் அணுக்களில் இயந்திரவியலை தாண்டி மாற்றம் நிகழ்வது இல்லை. இதனாலேயே தனிமங்கள் இயற்கையில் 94 என்ற எண்ணிக்கைக்குள் கட்டுப்பட்டு உள்ளன.

ஒரு அணுவின் எலக்ட்ரானும் மற்றொரு அணுவின் எலக்ட்ரானும் உடைபட்டு மீள்தன்மையாகும் போது தங்களுக்குள் முழுமையை பகிர்ந்து கொள்கின்றன. உடைப்பும் பகிர்வும் இயந்திரவியலை மீறுவதில்லை.

எலக்ட்ரான்களின் பகிர்வை பொருத்து தனிமங்கள் அமைவதை ஆய்வு செய்யும் துறை தான் வேதியியில் துறை.

வேதியியல் துறையில் அதிகமாக எலக்ட்ரான் பிணைப்புகள் தான் ஆய்வுக்கு உதவுகிறது. எலக்ட்ரான் பிணைப்புகளை பொருத்தே அணுக்கள் தனிமங்களாக கட்டமைகின்றன.

தனிமங்கள் மூலக்கூறுகளாகவும், மூலக்கூறுகள் பொருட்களாகவும் பொருட்கள், திட, திரவ, காற்று, நிலைகளில் இயங்கவும் எலக்ட்ரான்களின் பிணைப்பே காரணமாக அமைகிறது. 

எலக்ட்ரான்கள் ஏன் பிணைகின்றன என்பது பற்றி அடுத்த இறுதி பகுதியில் பார்க்கலாம்.

தொடரும்.

28/11/2019

அணு உடைப்பு - அடிப்படை வேதியியல் 3

பொருட்களை மூலக்கூறு நிலையில் இருந்து தனிம நிலைக்கு உடைத்து விடலாம். ஆனால் தனிம நிலையில் உள்ள பொருட்களை அணுநிலைக்கு உடைப்பது செயற்கையாக இயலாத செயல். தனிமத்தையே உடைக்க முடியாத போது அணுவை எப்படி உடைப்பது?

அணுவை உடைக்க முடியாது. அதே நேரத்தில் அணுவின் புற விளைவுகளை வைத்து அணுவின் உள்  விளைவுகளை கணிக்க முடியும் என தீர்மானித்தனர் அறிவியலாளர்கள்.

அணுவின் விளைவுகள் மிக எளிமையானது. அதே நேரத்தில் மிகமிக சிக்கலானது. ஏன் என்றால் அணுவை துகளா அலையா என நிர்ணயிக்க முடியவில்லை. இயற்பியல் விதிப்படி அணு ஒரு துகள். அதற்கு அலை தன்மையை கொடுக்க முடியாது. 

அலைதன்மையுடன் அணுவை அணுகினால் இயற்பியல் உலகின் அத்தனை விதிகளும் பொய்யாகி விடும். அதே நேரத்தில் துகள் தன்மையையும் கொடுக்க முடியாது. ஏனென்றால் அணுவை ஒரு துகளாக அணுகினால் அணுவியல் விளைவுகளுக்கு அர்த்தமே இல்லை. தனிமங்களின் எண்ணிக்கை கேலிக்கூத்தாகிவிடும். இது இயற்பியல் உலகின் விதிகளை பொய்யாக்குவதோடு மட்டுமல்ல கேலிக்கும் ஆளாக்கிவிடும்.

இந்த பிரச்சனையை தீர்க்க அணு என்பது துகள்/அலை கலந்த கலவை என அறிவியலாளர்கள் சமாதானப்படுத்திக் கொண்டனர். சமாதானம் தானே தவிர முழுமையான அறிவியலாக அணுநிலை மாறவில்லை.

அணுவின் விளைவுகள் அலை தன்மையோடு ஒத்துபோகிறது. அணுவின் அமைப்போ துகள் தன்மையோடு ஒத்து போகிறது. இந்த குழப்பங்களை தீர்க்க அணுவின் மையத்திற்கு துகள் தன்மையையும். எல்லைக்கு அலை தன்மையையும் கொடுத்தார்கள். ஓரளவு இந்த கோட்பாடு அணுவின் நிலையை விளக்கியது.

துகள் தன்மையான மையத்திற்கு நியூட்ரான் என பெயர் வைத்தனர். தமிழில் அணுக்கரு. எல்லைக்கு எலக்ட்ரான் என பெயர் வைத்தனர். தமிழில் மின்னி. 

நியூட்ரான், எலக்ட்ரான் சேர்ந்த அமைப்பு தான் அணு. நியூட்ரான் எலக்ட்ரான் என்ற இரு நிலையில் இருந்தாலும் அணு என்பது ஒன்று தான். நியூட்ரான் எலக்ட்ரானை பிரிக்க முடியாது. இந்த இரண்டும் ஒன்றோடு ஒன்று இரண்டற கலந்தவை. இந்த கலவையே அணு. - இந்த கோட்பாடு ஓரளவு அணுவின் புற விளைவுகளை விளக்கியது. தனிமம் முதல் காற்று வரையிலான இயல்புலகின் அத்தனை விதிகளையும் மெய்பித்துக் காட்டியது.

தனிமம் முதல் காற்று வரை சரி. ஆனால் ஒளிக்கு அணுவின் எலக்ட்ரான், நியூட்ரான் அமைப்பு விளக்கம் தரவில்லை. இப்போது மீண்டும் பழைய குழப்ப நிலைக்கே சென்றனர் அறிவியலாளர்கள்.


ஒளி நிலையை விளக்க வேண்டும் என்றால் அணுவின் அமைப்பில் நிச்சயம் மாற்றம் செய்தாக வேண்டும். என்ன மாற்றம் செய்வது? நீண்ட காலம் அறிவியலாளர்களால் விடை காண முடியவில்லை.

இதற்கு எல்லாம் ஒரே தீர்வு எப்படியாவது அணுவை உடைப்பது தான். அணுவுக்குள் என்ன இருக்கிறது என்பதை கண்டு பிடித்தால் மட்டுமே அணுவின் உண்மை நிலையை அறிய முடியும். சரி அணுவை எப்படி உடைப்பது?

செயற்கையாக நம்மால் அணுவை உடைக்க முடிவதில்லை. அதேநேரத்தில் இயற்கையில் ஒளி மிக எளிதாக அணுவை உடைக்கிறது. முள்ளை முள்ளால் எடுப்பது போல ஒளியை கொண்டே அணுவை உடைக்கும் அதிரடி முடிவுக்கு வந்தனர் அறிவியலாளர்கள்.

அணுவை ஒளியாக கருதி, அணுவின் மீது ஒளியை பாய்ச்சினார்கள். என்ன ஆச்சரியம்! அற்புதம் நிகழ்ந்தது. அணு தூள் தூளாக உடைந்து சிதறியது. அறிவியலார்களால் நம்பவே முடியவில்லை. அணுவை உடைப்பது இவ்வளவு எளிதான செயலா என ஆச்சரியத்தில் உறைந்து நின்றனர். கண்கட்டு வித்தையாக இருக்குமோ என திரும்ப திரும்ப ஆய்வை செய்து பார்த்தனர். எல்லா முறையும் அணு ஒரே போலவே தூள் தூளானது. வித்தையும் இல்லை. விசித்திரமும் இல்லை. அணு உடைவது உண்மையே! என்ற இறுதி முடிவுக்கு வந்தனர் அறிவியலாளர்கள்.

அணு உடைந்து விட்டது. தூள் தூளாகிவிட்டது. எல்லாம் சரி. ஆனால் இது நடந்தது எல்லாம் ஒளியால். அணு உடைந்து தூள் தூளானதும் ஒளியாக! இப்போது அறிவியலாளர்கள் இருதலை கொள்ளியாக, மதில்மேல் பூனையாக முடிவு எடுக்க முடியாத நிலைக்கு தள்ளப்பட்டனர். ஒன்று அணுவை ஒளியாக கருத வேண்டும். அல்லது ஒளியை அணுவாக கருத வேண்டும்.

சிலர் அணுவை ஒளி என்றனர். சிலர் ஒளியை அணு என்றனர். அறிவியலாளர்கள் வசதிக்கு ஏற்ப அணு/ஒளி கோட்பாடை அங்கும் இங்குமாக பயன்படுத்திக் கொண்டனர். அறிவியலாளர்களின் இந்த மதில்மேல் பூனை நிலைக்கு பூனைக்கு மணி கட்டுவது யார்? என்ற ஏக்கம் நீண்ட காலம் இருந்தது.

20 நூற்றாண்டு ஆரம்பத்தில் ஆல்பர்ட் ஐன்ஸ்டீன் தைரியமாக பூனைக்கு மணி கட்டினார். அணு என்பது ஒளி என்ற முடிவை அதிரடியாக அறிவித்தார். இ=எம்சி2 கோட்பாட்டை முன்வைத்தார். ஆரம்பத்தில் யாரும் ஏற்றுக்கொள்ளவில்லை. ஆனால் 20 நூற்றாண்டின் மிகப்பெரிய கோட்பாடு இந்த இ=எம்சி2 கோட்பாடு தான்.

ஒளியின் வேகத்தில் இயங்கும் எந்த பொருளும் ஒளியாகிவிடும் என்பதே இ=எம்.சி2 கோட்பாட்டின் சாராம்சம். ஒளியை கொண்டு அணுவை தாக்கினால் அணுவும் ஒளியாகிவிடும்.  

குவாண்டவியல் கொள்கை பிறக்கும் வரை ஐன்ஸ்டீன் கொள்கைகள் கொடிகட்டி பறந்தன.

21ம் நூற்றாண்டின் ஆரம்பத்தில் அணுகொள்கை தலைகீழாக மாறியது. அணு என்பது ஒளி அல்ல. அணுத்துகள் தான் ஒளி! என்ற மகத்தான உண்மை பிறந்தது. 

ஒளிச்சிதறகள் எல்லாம் அணுத் துகள்களாக ஒன்றான் பின் ஒன்றாக பெயர்சூடிக் கொண்டன. ஒளியின் வாலை அணுத்துகள் ஒன்று ஒட்ட நறுக்கிய காட்சி அறிவியலாளர்களை மிரள வைத்தது.

தொடரும்...

27/11/2019

அணு - அடிப்படை வேதியியல் 2

அடிப்படையில் உலகில் 94 வகை பொருட்கள் தான் உள்ளன. 94 அடிப்படை பொருட்களை தான் 94 தனிமங்கள் என பெயரிட்டு அழைக்கிறோம். சரி இந்த 94 தனிமங்களுக்குள் என்ன இருக்கிறது?

தனிமங்களை திரும்ப திரும்ப ஆய்வு செய்த அறிவியலாளர்கள் எல்லோருக்கும் ஒற்றை விடையே கிடைத்தது. தனிமங்கள் எல்லாம் அடிப்படையில் ஒற்றை பொருளால் ஆனது. அந்த ஒற்றை பொருளுக்கு அணு என பெயரிட்டனர்.

அணுக்களால் ஆனது தான் தனிமம் என்றால் அணுவில் என்ன இருக்கிறது? பொருட்களின் அடிப்படை அணு. அணுவுக்கு அடிப்படை என்ன? உலகில் உள்ள எல்லா பொருட்களும் அணுக்களால் ஆனது. அணுக்கள் எதனால் ஆனது?

நுண்ணோக்கி வழி அணுவை ஆய்வு செய்த அறிஞர்களுக்கு அணுவின் வடிவமைப்பு பெரும் குழப்பத்தையே தந்தது. பலரும் பல வடிவங்களை பார்த்தார்கள். ஒவ்வொருவரும் ஒரு வடிவத்தை பெரிது படுத்தி காண்பித்தார்கள். ஒவ்வொருவரும் ஒவ்வொரு வடிவத்தை காண்பித்தாலும், எல்லோர் வடிவத்திலும் ஒரே ஒரு ஒற்றுமை இருந்தது. அணுவுக்குள் மூன்று பொருட்கள் இருப்பது தான் அந்த ஒற்றுமை.

நடுவில் ஒன்றும், அதைஒட்டி ஒன்றும், இந்த இரண்டில் இருந்து தொலைவு வட்டத்தில் ஒன்றும் என மூன்று பொருட்கள் அணுவில் இருந்தன. இந்த மூன்றும் என்ன? முன்றும் ஏன் ஒன்றை ஒன்று ஈர்த்த அமைப்பில் இருக்கிறது? இதை பிரிக்க முடியுமா?

நுண்ணோக்கி வழி அணுவை பார்த்து வடிவம் வரைவதில் அர்த்தம் இல்லை. அணுவின் வடிவத்தை விட அதன் இயக்கத்தை ஆய்வு செய்தால் அணுவின் உண்மை தன்மையை அறிய முடியும் என இயற்பியல் அறிஞர்கள் கருதினர். அணுவின் இயக்கத்தை கருவிகளை கொண்டு துள்ளியமாக அறிய முடியாது., அதே நேரத்தில் அணுவின் பண்புகளை ஆய்ந்தால் விடை கிடைக்கும் என்ற முயற்சியில் இறங்கினர் வேதியியல் அறிஞர்கள்.

அணுவின் இயக்கம் தனிமத்திற்கு தனிமம் வேறுபடுகிறது. ஆனால் தனி ஒரு அணுவாக அதன் இயக்கத்தில் எந்த வேறுபாடும் இல்லை. இந்த மர்மத்திற்கு விடை காண்பது இயற்பியல் அறிஞர்களுக்கு சவாலாக இருந்தது. அதே போல தான் அணுவின் பண்புகளிலும். தனி ஒரு அணுவின் பண்புகள் கூட்டு அணுவின் பண்புகளோடு முற்றிலும் வேறுபடுகிறது. அது ஏன்? வேதியலாளர்களால் விடைகாண முடியவில்லை.

இப்போது இயற்பியல், வேதியியல் என இருதுறை அறிஞர்களும் ஒரு இறுதி முடிவுக்கு வந்தனர். ''அணுவின் புற அமைப்பில் எந்த வித இயற்பியல், வேதியியல் மாற்றங்களும் நிகழுவது இல்லை. அணுவுக்குள் தான் எல்லா மாற்றங்களும் நிகழ்கின்றன. இப்படி அணுவுக்குள் நிகழும் மாற்றங்கள் தான் அணுவுக்கு வெளியேயும் விளைவுகளை  ஏற்படுத்துகின்றன. அந்த விளைவுகளே தனித்தனி தனிமங்களை கட்டமைக்கின்றன.'' என்பதே இயற்பியல், வேதியியல் அறிஞர்களின் இறுதி முடிவு.

ஒரு அணுவுக்குள் நிகழும் மாற்றம் இவ்வளவு பெரிய பிரபஞ்சத்தையே மாற்றி அமைக்கிறது என்பதை அறிவியலாளர்களால் ஆரம்பத்தில் நம்ப முடியவில்லை. ஆனால் அணு உடைப்பு நிகழ்ந்த பின் நம்பாமல் இருக்கவும் முடியவில்லை.

அணுவுக்குள் என்ன நடக்கிறது? இந்த கேள்விக்கு அணுவை உடைத்து பார்த்தால் மட்டுமே விடை கிடைக்கும்.

சரி அணுவை எப்படி உடைப்பது?

இயற்பியல் உலக பொருட்களும், அணுவியல் உலக பொருட்களும் ஒன்று தான். ஆனால் இயற்பியல் உலகில் பொருட்களை உடைப்பது போல அணுவியல் உலகில் உடைக்க முடியாது. ஏனென்றால் இயற்பியல் உலகில் பொருட்களை நாம் திடம், திரவம், காற்று என்ற மூன்று நிலைகளில் கையாள்கிறோம். ஆனால் அணுவியல் உலகில் எல்லாவற்றையும் ஒளி நிலையில் தான் கையாள முடியும்.

 (ஒளி நிலை என்பது பற்றி விண்வெளியியில் கட்டுரையில் விளக்கி உள்ளேன்.)

திடம், திரவம், காற்று என்ற மூன்று நிலைகளில் உள்ள தனிமங்களை அணு நிலையில் நேரடியாக கையாள முடியாது. உதாரணமாக வீட்டில் சமையல் செய்ய பெட்ரோலியம் காற்றை  பயன்படுத்துகிறோம். காற்றை நேரடியாக சிலிண்டர்களில் அடைத்து பயன்படுத்த முடியாது. அதனால் திரவ நிலையில் காற்றை கையாளுகிறோம். சிலிண்டருக்குள் தண்ணீர்(திரவம்) இருப்பதன் காரணம் இது தான். காற்று நிலையில் உள்ள தனிமங்களை திரவம் அல்லது திடநிலைக்கு கொண்டு வந்து கையாளுகிறோம்.

(திடம், திரவம், காற்று நிலைகள் குறித்து அடிப்படை இயற்பியல் பகுதியில் விளக்கி உள்ளேன்.)

அணு நிலையில் பொருட்களை ஒளி நிலையில் தான் கையாள முடியும். துகள்/அலை அல்லது பரல்/பரவல் சேர்ந்த நிலை தான் ஒளி நிலை.
Real atom structure - அணு நிலை
நடுவில் இருந்து எல்லை வரை ஒரே நிலையில், ஒரே தன்மையில் இருந்தால் அது துகள் அல்லது பரல் நிலை. நடுவும் எல்லையும் வேறு வேறு நிலையில் இருந்தால் அது அலை அல்லது பரவல் நிலை.

 உதாரணமாக சூரியனின் நடுவட்டம் பரல் நிலையிலும், அதன் வெளி வட்ட கதிர்விச்சு பரவல் நிலையில் இருப்பதை பார்க்கலாம்.

திட பொருட்களை தவிர திரவ, காற்று நிலையில் உள்ள பொருட்கள் எல்லாம் பரவல் நிலையில் தான் உள்ளன. அதனால் தான் இந்த பொருட்களை நிலையாக வைக்க திடப்பொருட்களின் உதவியை நாடுகிறோம்.

தண்ணீர் பாட்டில் வைத்த இடத்தில் இருக்கம். ஆனால் தண்ணீர் அப்படி இருக்காது. அதனால் தான் தண்ணீரை திடப்பொருளான பாட்டிலுக்குள் அடைத்து வைக்கிறோம். அதே போல தான் காற்றையும். பரல் பரவல் புரிந்திருக்கும் என நினைக்கிறேன்.

சரி இனி வேதியியலுக்குள் செல்வோம்.

தொடரும்.

20/11/2019

அடிப்படை வேதியியல் 1

வேதிபொருள், இரசாயனம், கெமிக்கல் என்றால் பலருக்கும் அலர்ஜி. சமீப காலமாக இயற்கை விவசாயம், இயற்கை பொருட்கள், இயற்கை உணவுகள் என்பது பிரபலமாகி வருகிறது.

உண்மையில் நமது உடலுக்கு தேவையான தூய்மையான உணவு வேதிப்பொருட்கள் தான். நாம் உண்ணும் அனைத்து உணவுகளும் வேதிப்பொருட்களாக மாற்றப்பட்டே இரத்தத்திற்குள் செல்கிறது. 

இயற்கை இயற்கை என நாம் பெருமைப்பட்டு வாங்கி உண்ணும் இயற்கை பொருட்களில் உள்ள வேதி பொருட்களை மட்டுமே உடல் உணவாக எடுத்துக் கொள்கிறது. மற்ற இயற்கை பொருட்களை எல்லாம் மலமாக வெளியே தள்ளி விடுகிறது.

நமது உடலுக்கு தேவையான உணவு என்பது கார்பன், ஹைட்ரஜன், என்ற இரண்டு வேதிப்பொருட்கள் தான். உடலில் ஆற்றல் ஒருங்கே செயல்பட ஆக்சிஜன் தேவை. உடலின் நோய்த்தொற்று, சூழல் மேலாண்மையை எதிர்கொள்ள மருந்தாக நைட்ரஜன், பாஸ்பரஸ், சல்பர், மாக்னீஷ், பொட்டாசியம், கால்சியம், இரும்பு, வெள்ளி, சோடியம், அயோடின், குளோரின் ஆகிய வேதி பொருட்கள் தேவை. அவ்வளவே. இதைத் தவிர வேறு எந்த உணவும் நமது உடலுக்கு தேவை இல்லை. அப்படியே நீங்கள் கொடுத்தாலும் கழிவாகத் தான் வெளியே வரும்.

இந்த 14 வேதிப்பொருட்கள் தான் தேவை என்றால் நாம் ஏன் உணவுக்காக இவ்வளவு கடினப்பட வேண்டும். விவசாயமே தேவை இல்லையே, வேதிப்பொருட்களை உற்பத்தி செய்யும் ஒரு தொழிற்சாலை போதுமே என உங்களுக்குள் ஐயம் வருவது நியாயமே.

நமது இயல்பு உலகிற்கும் வேதியல் உலகிற்கும் நெறுங்கிய வேறுபாடு உள்ளது. அதை புரிந்து கொண்டால் விவசாயமா? தொழிற்சாலையா என்ற உங்கள் குழப்பம் தீரும்.

வேதியல் என்பது தனிம நிலையில் பொருட்களை அறிந்து கொள்ளும் துறை. அது என்ன தனிம நிலை?

பொருட்கள் எல்லாம் மூலக்கூறால் ஆனது. மூலக்கூறுகள் தனிமங்களால் ஆனது. தனிமங்கள் அணுக்களால் ஆனது என்பதை ஏற்கனவே படித்திருக்கிறோம்.

உதாரணமாக ஒரு வாழைப்பழத்தை எடுத்துக்கொள்வோம். வாழைப்பழம் என்பது நாம் இயல்பாக அறிந்து கொள்ளும் ஒரு பொருள். வாழைப்பழத்தின் மூலப்பொருட்கள் என்ன என பார்க்க வாழைப்பழத்தை பிரித்து சிறிய சிறிய துண்டுகளாக வெட்டி பார்க்கிறோம். இப்படி வெட்டி வெட்டி நம் இயல்பான கண்ணால் பார்க்க கூடிய மீச்சிறு அளவுக்கு வெட்டி விட்டோம். 0.05 மில்லிமீட்டர். இதற்கு மேலும் வெட்ட முடியாது. ஏனென்றால் இந்த அளவிலேயே வாழைப்பழம் ஒரு தூசு அளவை விட சிறிதாக இருக்கிறது.
சரி நம் இயல்பான கண்ணால் தான் பார்க்க முடியாது. நுண்ணோக்கி உதவியுடன் பார்ப்போம். நுண்ணோக்கி வழி பார்க்கும் போது தூசை விட சிறிய துண்டு நூறு மடங்கு பெரிதாகத் தெரிகிறது. இப்போது மேலும் அதை நூறு பிரிவாக வெட்டி சிறிதாக்குகிறோம். இதற்கு மேலும் சிறிதாக்க முடியாது என்ற நிலை வருகிறது. நாம் விட்டபாடில்லை. நவீன நுண்ணோக்கியான எலக்ட்ரான் நுண்ணோக்கியை வைத்து மேலும் சிறிதாக வெட்டுகிறோம். அப்போது இன்னும் 100 மடங்கு சிறிய துண்டுகளாக வெட்ட முடிகிறது. ஒரு கட்டத்தில் வெட்ட முடியாத இறுதி நிலை ஏற்படுகிறது.

இப்போது வெட்டிய துண்டுகளை எல்லாம் நாம் பரிசோதிக்கிறோம். எல்லா துண்டுகளும் ஒரே மாதிரியாக இருக்கின்றன. இப்படி ஒரே மாதிரியாக இருக்கும் துண்டுகளுக்கு எல்லாம் ஒரு பெயர் இடுகிறோம். அதற்கு பேர்  தான் தனிமம்.

வாழைப்பழத்தை வெட்டியதைப் போல உலகில் உள்ள எல்லா பொருட்களையும் வெட்டி மீச்சிறு துண்டாக்குகிறோம். கல், இரும்பு, பிளாஸ்டிக், இலை, மரம், மனிதன், பறவை, கம்யூட்டர், தண்ணீர், கற்றில் உள்ள தூசுகள் என உலகில் உள்ள எல்லா பொருட்களையும் மீச்சிறு அளவாக வெட்டி துண்டாக்குகிறோம். இப்படி துண்டாக்கும் போது நமக்கு 94 வகையான பொருட்கள் கிடைக்கிறது. உலகில் உள்ள கோடான கோடி பொருட்களை வெட்டி துண்டாக்கினாலும் நமக்கு இறுதியாக கிடைப்பது இந்த 94 வகை பொருட்கள் தான். எந்த பொருளை பிரித்துப் பிரித்து மீச்சிறு நிலைக்கு சென்றாலும் இறுதியாக இந்த 94 வகையுள் அடங்கி விடுகிறது.

இப்படி பொருட்களின் இறுதி தனித்தனி நிலையான 94 வகையைத் தான் நாம் 94 தனிமங்கள் என அழைக்கிறோம். இயற்கையாக 94 தனிமங்களை அறிவியலாளர்கள் கணித்துள்ளனர்.

பள்ளி பாடபுத்தகத்தில் காணும் தனிம அட்டவணை என்பது இந்த 94 தனிமங்கள் தான். இயற்கையாக இருப்பது 94. இயற்கையில் இருந்து செயற்கையாக 24 தனிமங்களை ஆய்வகத்தில் அறிவியலாளர்கள் தயாரிக்கின்றனர். 94+24=118 தனிமங்களை தனிம அட்டவணையில் படித்திருப்பீர்கள்.

94 வகை தனிமத்திற்கும் 94 பெயர்கள் வைத்துள்ளோம். அந்த பெயர்கள் தான் கார்பன், ஹைட்ரன், ஆக்சிஜன், இரும்பு, வெள்ளி, தங்கம், நிக்கல் என்பது எல்லாம்.

தனிமங்கள் என்றால் என்ன என புரிந்திருக்கும் என நினைக்கிறேன்.

இறுதியாக சுருக்கமாக ஒருமுறை.

நாம் காணும் அனைத்து பொருட்களும் பல மூலப்பொருட்கள் சேர்ந்த கலவை. இந்த கலவையால் உலகில் பலகோடி பொருட்கள் உள்ளன. ஆனால் உண்மையில் தனித்தனி நிலையில் பொருட்கள் 94 தான் உள்ளன. இந்த 94 பொருட்கள் தான் பல்வேறு சேர்மங்களாக, கலவைகளாக பலகோடி பொருட்களாக மாறி உள்ளன. தனித்தனி நிலையில் உள்ள 94 மூலப்பொருட்களை தான் நாம் மூலக்கூறுகள் என்றும் தனிமங்கள் என்றும் அழைக்கிறோம்.

சரி இந்த 94 பொருட்களுக்குள் என்ன இருக்கிறது?
தனிமங்கள் எப்படி மூலக்கூறுகளாக மாறுகின்றன?
மூலக்கூறுகள் எப்படி பொருட்களாக மாறுகின்றன?

அடுத்த பகுதியில் பார்க்கலாம்.

தொடரும்.

19/11/2019

பால்வெளி, அண்டம், பிரபஞ்சம் - விண்வெளியியல் 5

பலகோடி சூரியன்களால் நிறைந்தது பிரபஞ்சம். ஒவ்வொரு சூரியனிலும் நிகழும் அணுக்கரு இணைவும், பிளவும் விண்வெளியில் பலகோடி பொருட்களை உண்டாக்குகின்றன. இப்படி உருவான பலகோடி பொருட்களில் ஒன்று தான் நீங்களும் நானும்.

அணுக்கரு இணைவாலும் பிளவாலும் எப்படி பொருட்கள் உண்டாகின்றன என்பதை பற்றி அடிப்படை வேதியியல் பகுதியில் பார்க்கலாம்.(அறிவகத்தின் அடுத்த கட்டுரைத் தொடர்).

தற்போது விண்வெளி கட்டுரையின் இறுதியாக பால்வெளி(milky way), அண்டம்(galaxy), பிரபஞ்சம்(universe) குறித்து பார்த்து விடுவோம்.

பூமி, சூரியக்குடும்பம், பால்வெளி, அண்டம், பிரபஞ்சம் இந்த 5 தான் விண்வெளி கொள்கையின் முக்கிய கட்டமைப்புகள்.

பூமி சூரியக்குடும்பத்தில் ஒரு அங்கம். சூரியக்குடும்பம் பால்வெளியில் ஒரு அங்கம். பால்வெளி அண்டத்தில் ஒரு அங்கம். அண்டம் பிரபஞ்சத்தில் ஒரு அங்கம்.

பூமி போல பலகோடி பொருட்கள் சூரியக் குடும்பத்தில் உள்ளன. இவை அனைத்தும் சூரியனை சுற்றி வருகின்றன. சூரியக் குடும்பம் போல பலகோடி சூரியக்குடும்பங்கள் பால்வெளி அமைப்பில் உள்ளன. பல கோடி பால்வெளி அமைப்புகள் சேர்ந்தது அண்டம். பல கோடி அண்டங்கள் சேர்ந்தது பிரபஞ்சம்.

அப்படியானால் இந்த பிரபஞ்சம் எவ்வளவு பெரியது என கற்பனை செய்து பாருங்கள். கூடவே இத்தனை கோடான கோடி பொருட்களும் ஒரு சிறிய அணுவில் இருந்து வெடித்து சிதறியவை என்பதையும் உங்கள் கற்பனையில் சேர்த்துக்கொள்ளுங்கள். என்ன தலையே சுற்றுகிறதா? கவலை வேண்டாம் ஒரு சின்ன ஆறுதல் இதெல்லாம் கோட்பாடுகளே அல்லாமல் நிரூபிக்கப்பட்ட உண்மைகள் அல்ல.

பலகோடி ஆண்டுகளுக்கு முன்பு ஒரு சிறிய அணு அளவிலான பொருள் வெடித்து சிதறியதால், உருவானதே இந்த பிரபஞ்சம் என்பதே பெருவெடிப்பு (பிக்பேங்) கொள்கை. இந்த கொள்கை பிரபஞ்சம் வேகமாக விரிந்து கொண்டே செல்கிறது என்ற கோட்பாட்டின் அடிப்படையில் கணிக்கப்பட்டது.

சூரியனும், சூரியனைச் சுற்றும் கிரகங்களும் ஆண்டுதோறும் தங்கள் சுற்றுவட்ட பாதையில் சிறிய மாற்றத்தை காண்பிக்கின்றன. இந்த மாற்றம் விரிவடையும் தன்மையுடன் ஒத்துபோகிறது. இப்படி விரிவடையும் தன்மையை ஒளியின் வேகத்துடன் ஒப்பிடும் போது மிகவேகமாக, மிகப்பெரிய அளவில் விரிவடைவதை கணிக்கின்றனர் அறிவியலாளர்கள்.

அணு வெடித்து சிதறியதால் பிரபஞ்சம் விரிவடைகிறது, பலகோடி பொருட்கள் உண்டானது என்பது சரி. ஆனால் அணு ஏன் வெடித்து சிதறியது? இந்த கேள்விக்கு பதிலாக மற்றொரு கோட்பாட்டை வைக்கின்றனர் அறிவியலாளர்கள். அது தான் பெரும்சுருக்க கொள்கை.


பரந்து விரிந்து கொண்டிருக்கும் இந்த பிரபஞ்சம் ஒரு கட்டத்தில் மீண்டும் சுருங்க ஆரம்பிக்கும். அப்படி சுருங்கிச் சுருங்கி அணு அளவிலான பொருளாக மாறும். கோடானகோடி பொருட்கள் அணு அளவில் சுருக்கம் அடைவதால் ஏற்படும் அழுத்தம் காரணமாக மீண்டும் அதிபயங்கரமாக வெடிக்கும்.

இப்படி வெடிப்பதால் பிரபஞ்சம் விரிவடையும். வெடித்து விரிந்த பிரபஞ்சம் மீண்டும் சுருங்கும். இப்படி பிரபஞ்சம் வேகமாக விரிந்தும் சுருங்கியும் கொண்டு இருப்பதாலேயே நாம் உயிர்வாழ்வது உட்பட அனைத்து இயக்கங்களும் நடக்கின்றன என்கின்றனர் அறிவியலாளர்கள்.

பிரபஞ்சம் வெடிப்பதும் சுருங்குவதும் மிகவேகமாக நடக்கிறது. எவ்வளவு வேகத்தில் என கேட்டால் அந்த வேகத்தை நம்மால் உணரமுடியாது என்பதே பதில். இல்லை எனக்கு தெரிந்தே ஆக வேண்டும் என்பவர்கள் ஒளியின் வேகத்தை குறித்து கொஞ்சம் படியுங்கள்.

பிரபஞ்சம் விரிதல், சுருங்குதல், அண்டம், பால்வெளி, சூரியக்குடும்பம், பூமி இதெல்லாம் கோட்பாடுகளே அல்லாமல், நிரூபிக்கப்பட்ட உண்மைகள் அல்ல என்பதை எப்போதும் நினைவில் கொள்ளுங்கள்.

விண்வெளி கோட்பாடுகள் ஒவ்வொரு நூற்றாண்டும் பெரும் மாற்றாத்தை சந்தித்து வந்திருக்கிறது. இறுதியாக 20ம் நூற்றாண்டில் பிக்பேங் கொள்கை அங்கீகாரம் பெற்றிருக்கிறது. இதுவும் தற்போதைய 21ம் நூற்றாண்டில் மாற்றம் பெறலாம்.

ஆய்வுகள் தொடர்கின்றன. கற்பனைகள் இன்னும் அதிவேகமாக பயணிக்கின்றன. சர்வதேச விண்வெளி அறிவியலாளர்கள் புவி ஈர்ப்பு மண்டலத்தை கூட கடக்கவில்லை. நிலவு பயணம் கூட கோட்பாடு அளவில் தான் நிற்கிறது. ஆனால் ஹாலிவுட் இயக்குனர்கள் பால்வெளி, அண்டம் கடந்து பிரபஞ்சத்தின் எல்லைக்கே சென்று திரும்பி விட்டனர்.

விதிக்கும் கோட்பாட்டுக்கும் எவ்வளவு வேறுபாடு இருக்கிறதோ, அதே அளவு வேறுபாடு கோட்பாட்டுக்கும், கற்பனைக்கும் இருக்கிறது.

கற்பனைகள் கோட்பாடுகளை முட்டாள்தனமாக்கி விடக்கூடாது. அதே போல கோட்பாடுகள் விதிகளை முட்டாள் தனமாக்கி விடக்கூடாது. கற்பனைகளை வியாபாரம் செய்யலாம். ஏன் விதிகளை கூட வியாபாரம் செய்யலாம். ஆனால் கோட்பாடுகளை வியாபாரம் செய்யக்கூடாது. ஏனென்றால் கற்பனைகளை விதிகளாக மெய்பிக்கும் ஆற்றல் கோட்பாடுகளுக்கு தான் உள்ளது.

வானில் பறக்க முடியும் என்ற கற்பனையே, மந்திர பறக்கும் பாய் என்ற கோட்பாட்டை தந்தது. அந்த பறக்கும்பாய் கோட்பாடே விமானம் என்ற விதிக்கு வித்திட்டது. பூமிக்கு மேலே வானத்தில் சொர்க்கம் இருக்கிறது என்ற கற்பனையே, விண்வெளியில் மிதக்க முடியும் என்ற கோட்பாட்டை தந்தது. விண்வெளியில் மிதக்க முடியும் என்ற கோட்பாடே, இன்று சர்வதேச விண்வெளி ஆய்வு மையம் என்ற விதியை சாத்தியமாக்கி இருகிறது.

கற்பனைகளை கடந்து கோட்பாடுகளை படைப்போம்.,
கோட்படுகளை தொடர்ந்து விதிகளை சாத்தியமாக்குவோம். 

முற்றும். நன்றி.

அடுத்த தொடர் : அடிப்படை வேதியல்

13/11/2019

சூரியக் குடும்பம் - விண்வெளியியல் 4

சூரியன் நடுவிலும், சூரியனை சுற்றி பூமி உட்பட 8 கோள்களும், நிலா உட்பட பல துணை கோள்களும் உள்ளன. - பள்ளி பாடபுத்தகத்திலேயே இதை பல முறை படித்து விட்டோம்.

20ம் நூற்றாண்டில் 9 கோள்கள் இருப்பதாக கூறப்பட்டது. தற்போது புதன், வெள்ளி, பூமி, செவ்வாய், வியாழன், சனி, யுரேனஸ், நெப்டியூன் ஆகிய 8 கோள்கள் மட்டுமே சூரியனை சுற்றுவதாக கணிக்கப்பட்டு உள்ளது.

சூரியன் என்பது பூமிக்கு அருகில் உள்ள ஒரு எரியும் நட்சத்திரம். பிற கோள்கள் எரிந்து தீர்ந்த நட்சத்திரத்தின் துண்டுகள். பூமி உட்பட கோள்கள் சூரியனின் எரிவால் எறிந்து வீசப்பட்ட சூரிய துண்டுகளாக இருக்கலாம் என்பது அறிவியலாளர்களின் கணிப்பு.

நட்சத்திரங்கள், கோள்கள், துணைக்கோள்கள், எரிகற்கள், எறியப்பட்ட பலகோடி துண்டுகள் என விண்வெளி எங்கும் கோடிக்கணக்கான பொருட்கள் உள்ளதாக அறிவியலாளர்கள் கணித்துள்ளனர்.

கோடிக்கணக்கான பொருட்கள் இருந்தாலும், அத்துனை பொருட்களும் 94 தனிமங்களுக்குள் அடக்கம் என்பதும் அறிவியல் கணிப்பே.

(தனிமங்கள் மற்றும் அடிப்படை துகள்கள் குறித்து அறிய குவாண்டவியல் கட்டுரையை படிக்கவும்)

சூரியன் என்பது ஹைட்ரஜன் மற்றும் ஹீலியம் தனிமத்தால் ஆனது. சூரியனில் மையத்தில் சுமார் 73% ஹைட்ரஜனும், வெளிபகுதியில் சுமார் 25% ஹீலியமும், கார்பன், ஆக்சிஜன், இரும்பு, நியான் போன்ற தனிமங்கள் சுமார் 2% இருப்பதாக கணிக்கப்பட்டு உள்ளது.

சூரியன் என்பது பிளாஸ்மா நிலையில் இருக்கும் பொருளாகும். எப்போதும் எரிந்து கொண்டே இருக்கும் சூரியனில் அணுக்கரு இணைவு மற்றும் பிளவு நிகழ்ந்துகொண்டே இருக்கிறது. இதனால் வெளிப்படும் போட்டான் உட்பட அடிப்படை துகள்கள் விண்வெளியில் எறியப்பட்டு கொண்டே இருக்கின்றன. இப்படி எறியப்படும் துகள்கள் விண்வெளியில் பல்வேறு தனிமங்கள் உண்டாக காரணமாக அமைகின்றன.


சூரியனின் மையப்பகுதியில் ஹைட்ரஜன் அணு உடைந்து போட்டான் உட்பட துகள்களை வீசி எறிகிறது. இவை சூரியனின் வெளிப்பகுதியில் மீண்டும் மாற்றி இணைந்து ஹீலியம் அணுவாக மாறுகின்றன. ஹலீயம் அணு உடைந்து போட்டான் உட்பட துகள்களை எறிகிறது. அவை விண்வெளியில் பயணிக்கின்றன. இப்படி பயணிக்கும் துகள்கள் விண்வெளியில் எற்கனவே உள்ள துகள்களோடு முட்டி மோதி அவற்றை பிரித்தும் சேர்த்தும் வெவ்வேறு தனிமங்களை உண்டாக்குகின்றன.

சூரியனில் இருந்து வீசப்படும் அடிப்படை துகள்கள் 18 வகையானவை என குவாண்டவியல் கணித்துள்ளது. 18 அடிப்படை துகள்கள் இருந்தாலும் இவற்றுள் விண்வெளி ஆய்வில் அதிகம் பயன்படுவது போட்டான் துகள்தான்.

போட்டான் துகளை தான் ஒளி என்கிறோம். ஒளி தான் விண்வெளி ஆய்வில் பல்வேறு சாதனைகளுக்கு உதவி உள்ளது.

பிளாஸ்மா நிலையில் இருக்கும் பொருட்கள் எப்போதும் எரிந்து கொண்டே இருக்கின்றன. இந்த எரிதலில் அணுக்கரு இணைவும், பிளவும் இயல்பாக நிகழ்கிறது. அணுக்கரு இணைவு மற்றும் பிளவால் ஏற்படும் துகள் எறிதல் பல்வேறு பொருட்களை உருவாக்குகிறது. இப்படி உருவாகும் பொருட்கள் விண்வெளியில் தங்கள் இயல்பு நிலையில் தொடர்ந்து பயணிக்கின்றன.

பிளாஸ்மா நிலையில் உள்ள பொருட்களை சூரியன் மற்றும் நட்சத்திரங்கள் என்றும், 50%க்கும் மேல் எரிந்து தீர்ந்த பொருட்களை கோள்கள் என்றும், 70%க்கும் மேல் எரிந்து தீர்ந்த பொருட்களை துணைக் கோள்கள் என்றும். 100% எரிந்து தீர்ந்த பொருட்களை கருந்துளை என்றும் அழைக்கிறோம்.

அடிப்படைத் துகள்கள் எறிதலை ஆற்றல் என்றும், அடிப்படை துகள்கள் பிணைந்து இருக்கும் தன்மையை பொருள் என்றும் அழைக்கிறோம். ஒரு பொருளுக்கும் இன்னொரு பொருளுக்குமான இடைவெளியை விண்வெளி என்று அழைக்கிறோம்.

பொருளை நாம் 5 நிலைகளில் அறியலாம்
1. அடிப்படை துகள்கள் இறுக பிணைந்த நிலையில் அணு நிலை.
2. அணுக்களுக்கு இடையில் சிறு இடைவெளி இருந்தால் திடநிலை.
3. திடநிலையில் மேலும் இடைவெளி அதிகரித்தால் திரவ நிலை.
4. திரவ நிலையில் மேலும் இடைவெளி அதிகரித்தால் வாயு நிலை.
5. வாயு நிலையில் மேலும் இடைவெளி அதிகரித்தால் பிளாஸ்மா நிலை.

பிளாஸ்மா நிலையில் அணுத்துகள்கள் இடைவெளியை அதிகம் கொண்டு இருப்பதால் அவற்றின் ஆற்றல் எல்லை மிகப்பெரியதாக இருக்கிறது. அதனாலேயே பிளாஸ்மா நிலையில் இருக்கும் பொருட்கள் தங்கள் எல்லைக்கு உட்பட்ட இடைவெளியில் இருக்கும் அனைத்து பொருட்களையும் ஆளுகைக்கு உட்படுத்துகின்றன.

சூரியனின் பிளாஸ்மா எல்லைக்குள் பூமி வருவதால், சூரிய இடைவெளியில் பூமி  சுழன்று கொண்டு இருக்கிறது. சூரிய பிளாஸ்மா எல்லைக்குள் வரும் கோள்கள், துணைக்கோள்கள், எறிகற்கள், பொருட்கள் அனைத்தும் சூரிய குடும்பம் என அழைக்கப்படுகின்றன. சூரிய குடும்பத்தில் உள்ள பொருட்கள் அனைத்தும் சூரியனை மையமாக கொண்டு சுற்றி வருகின்றன.

சூரிய குடும்பம் போல பலகோடி சூரிய குடும்பங்கள் விண்வெளியில் இருப்பதாக அறிவியல் கணித்துள்ளது. வானில் நாம் காணும் ஒவ்வொரு நட்சத்திரமும் ஒவ்வொரு சூரியக்குடும்பம் என்றால் எவ்வளவு சூரியக் குடும்பம் இருக்கும் என நீங்களே கணித்துக்கொள்ளுங்கள்.

தொடரும்...

07/11/2019

பொருள் என்றால் என்ன? - விண்வெளியியல் 3

வானியலை படிக்க பொருள், வெளி என்ற இரண்டு சொற்கள் மிக முக்கியமானவை. இந்த இரண்டிற்கும் சரியான விளக்கமும், வேறுபாடும் தெரியாவிட்டால் வானியலை படிக்க முடியாது.

பொருள் என்றால் என்ன? எளிமையாக சொல்லவேண்டும் என்றால் ‘‘மையமும், எல்லையும் உள்ளது பொருள். மையமும் எல்லையும் இல்லாதது வெளி.’’

உதாரணமாக ஒரு பேனாவை எடுத்துக்கொள்ளுங்கள். பேனாவிற்கு மையமும், எல்லையும் இருக்கிறது. அதே நேரத்தில் பேனாவை சுற்றி உள்ள பரந்த வெளிக்கு மையமோ எல்லையோ இல்லை.

பொருள் என்றால் அதற்கு மையமும் எல்லையும் இருக்கும். அது பேனாவானலும் சரி, காகிதமானாலும் சரி, அல்லது கடுகு, குண்டூசி, கார், ரயில், கடல், பூமி, சூரியன் என எந்த பொருளானாலும் அதற்கு மையமும் எல்லையும் இருக்கும்.

எதற்கு மையமும் எல்லையும் இல்லையோ அது பொருளாகாது. அதற்கு பெயர் வெளி. 

சரி காற்று பொருளா? அதற்கு மையமும் எல்லையும் இருக்கிறதா என்றால்., ஆம். காற்று பொருள் தான். காற்றிற்கு மையமும் எல்லையும் இருக்கிறது. காற்று என்பது அலை வடிவில் இருக்கும் பொருள். காற்று மட்டுமல்ல ஆக்சிஜன், நைட்ரஜன், ஹீலியம் உட்பட வாயு நிலையில் இருக்கும் தனிமங்கள் அனைத்தும் பொருட்கள் தான். ஆச்சரியமாக இருக்கலாம் ஒளியும் ஒரு பொருள் தான்.

ஒளி எப்படி பொருளாகும்? ஒளியின் மையம் என்ன? ஒளியின் எல்லை என்ன? ஒளியின் வடிவம் என்ன?

ஒளி ஒரு பொருள் என்பதை புரிந்து கொள்ள நாம் கொஞ்சம் குவாண்டவியலுக்குள் சென்று வர வேண்டும்.

ஒரு பொருளை மிகச்சிறிய துகளாக பிரித்தால் அது மூலக்கூறு நிலையை அடையும். உதாரணமாக ஒரு கடுகை ஆயிரம் மடங்கு சின்னதாக உடைத்தீர்கள் என்றால் கடுகு எப்படி இருக்கும். அந்த நிலையை மூலக்கூறு என்கிறோம்.

மூலக்கூறு மேலும் உடைத்தால் அது அணுக்களாக மாறும். அணு தான் ஒரு பொருளின் மீச்சிறு அளவு. அதற்கு மேல் உடைத்தால் அந்த பொருள் என்னவாகும்?

20ம் நூற்றாண்டின் துவக்கத்தில் அணுவை உடைக்கும் முயற்சியில் வெற்றி கண்டார்கள்.  அணுவை அணுத்துகள்களாக உடைத்தார்கள். அந்த அணுத்துகள்களே எலக்ட்ரான், புரோட்டான். நியூட்ரான்.

இப்போது ஒரு பொருளின் மீச்சிறு அளவு அணு அல்ல. அணுத்துகள்கள் என்ற முடிவுக்கு அறிவியலாளர்கள் வந்தனர். இந்த முடிவும் ரொம்ப நாட்கள் நீடிக்கவில்லை. அணுத்துகள்களையும் உடைக்க முடியும் என நிரூபித்து காட்டினர் 20ம் நூற்றாண்டு இறுதிகால அறிவியலாளர்கள்.

அணுத்துகள்களான எல்ட்ரான், புரோட்டான், நியூட்ரான் இவைகளை மேலும் சிறிதாக உடைத்தனர். இப்படி உடைக்கும் போது அது பலநூறு துகள்களாக சிதறுண்டு போவதை கண்டறிந்தனர்.

அணுத்துகள்கள் பல்லாயிரம் துகள்களாக சிதறுண்டு போனாலும் அவற்றுள் சில துகள்கள் மட்டும் நீண்ட நேரம் வாழ்ந்தன. மையமும் எல்லையும் உள்ள பொருளாக இயங்கின.

இப்படி மையமும் எல்லையும் உள்ள பொருளாக இயங்கும் துகள்களை மட்டும் வடிகட்டி ஸ்டேண்டேடு பொது குவாண்டவியலை உண்டாக்கினர். அப்படி ஸ்டேண்டேடு குவாண்டவியலில் 18 அணுத்துகள்கள் உள்ளன. (இது குறித்து விரிவாக குவாண்டவியலில் படிப்போம்)

இந்த 18 அணுத்துகள்களில் ஒன்று தான் போட்டான். இந்த போட்டான் தான் ஒளி! எலக்ட்ரானை உடைக்கும் போது அதிகப்படியான போட்டான்கள் வெளிப்படுகின்றன. இந்த போட்டான்கள் தான் நமது ஒட்டுமொத்த உயிர் உலகையும் ஆட்டிவைக்கின்றன. இந்த போட்டான்கள் இல்லை என்றால் பூமியில் உயிரினங்கள் இல்லை.

போட்டான்கள் இல்லை என்றால் இந்த நொடியே நாம் இயக்கமற்று நின்று விடுவோம். உயிர் இயக்கம்  நின்றுவிட்டால் பிணமாகி மண்ணாகி மக்கிப்போவோம். ஆனால் ஒட்டுமொத்த போட்டான் இயக்கம் நின்றால் அப்படியே சிலையாகி விடுவோம். நமது உடல் மக்க கூட செய்யாது. உடல் மட்டுமல்ல ஒட்டுமொத்த பிரபஞ்சமும் அப்படியே நின்று விடும்.

புதிராக இருக்கிதா? விரிவாக பார்ப்போம்.

பள்ளி பாடத்தில் ஒளிச்சேர்க்கை குறித்து படித்ததை சற்று நினைவுபடுத்திக் கொள்ளுங்கள். ஒளிச்சேர்க்கை எப்படி நடக்கிறது? சூரியனில் இருந்து வரும் ஒளிக்கதிர்கள் இலைகளின் மீது படுகிறது. இலைகளில் உள்ள பச்சையம் சூரிய ஒளியின் உதவியுடன். தண்ணீரை நீராவியாக்குகிறது. தண்ணீர் நீராவியாக மாறும் போது தண்ணீர் மூலக்கூறான ஹைட்ரஜன்+ஆக்ஜிஜன் பிரிகிறது. அதே நேரத்தில் காற்றில் உள்ள கார்பன் டை ஆக்சைடை உடைத்து, கார்பன் + ஹைட்ரஜனை சேர்த்து கார்போஹைட்ரேட்டை உண்டாக்குகிறது தாவரங்கள். இந்த கார்போ ஹைட்ரேட் தான் நமக்கு மட்டுமல்ல அனைத்து உயிரினங்களுக்கும் உணவாக இருக்கிறது.

சரி ஒளி எப்படி மூலக்கூரை உடைக்கிறது? 


சூரியனில் இருந்து ஒளியாக வருபவை போட்டான் துகள்கள். இந்த போட்டான் துகள்கள் இலையில் உள்ள எலக்ட்ரானை உடைக்கின்றன. இப்படி எலக்ட்ரான் உடைபடும்போது எலக்ட்ரானில் ஏற்கனவே உள்ள போட்டான்கள் வெடித்து சிதறுகின்றன. இந்த சிதறல் ஆற்றல் மூலக்கூறுகளை உடைக்க உதவுகிறது. இதனால் ஒளிச்சேர்கை நிகழ்கிறது!

இலையில் நிகழும் அதே நிகழ்வு தான் சூரியஒளி மின்சாரம் தயாரிக்கும் தகடுகளிலும் நடக்கிறது. தகடுகளில் உள்ள எலக்ட்ரான்களை உடைப்பதால் நிகழும் போட்டான் நகர்ச்சியே நமக்கு மின்சாரமாக கிடைக்கிறது. 

தொடரும்...

05/11/2019

ஒளி என்றால் என்ன? - விண்வெளியியல் 2

‘வெளிச்சம்’ எதார்த்தமாக இப்படித் தான் நாம் ஒளியை அழைக்கிறோம். இந்த வெளிச்சம் எங்கிருக்கிறது? எப்படி இருக்கிறது? ஏன் இருக்கிறது? வெளிச்சம் இல்லாவிட்டால் என்னதான் நிகழும்?

நம்மைப் பொருத்தவரை பகல் பொழுதில் சூரியனில் இருந்தும், இரவு பொழுதில் நிலா மற்றும் நட்சத்திரங்களில் இருந்தும் இயற்கையாக வெளிச்சம் கிடைக்கிறது. மழைக் காலங்களில் மின்னலின் வெளிச்சம் மின்னலாக வந்து போகிறது.

எதாவது ஒரு பொருளை எரிய வைப்பதால் செயற்கையாக நம்மால் வெளிச்சத்தை உண்டாக்க முடியும்.

முன்பு தீப்பந்தம், எண்ணெய் விளக்குகள், மின்னும் கற்கள் இவற்றின் உதவியுடன் செயற்கை வெளிச்சத்தை உண்டாக்கினர். தற்போது மின் விளக்குகள், கிரிஸ்டல் உப்புகள், லேசர்கதிர்கள் என செயற்கை வெளிச்ச புரட்சியே நடக்கிறது.

வெளிச்சம் உண்டாக இரண்டு பொருட்கள் வேண்டும். 1.எரியும் பொருள், 2.ஒளிரும் பொருள்.

எரியும் பொருள் தெரியும்., அது என்ன ஒளிரும் பொருள்? - இங்கே தான் வெளிச்சத்திற்கும் ஒளிக்கும் உள்ள வேறுபாட்டை நீங்கள் புரிந்து கொள்ள வேண்டிய சரியான தருணம் வருகிறது.

ஒரு பொருள் வெளிச்சத்தை ஏற்படுத்தினால் அது எரியும் பொருள். ஒரு பொருள் வெளிச்சத்தை ஏற்றுக்கொண்டால் அது ஒளிரா பொருள். 

குழப்பம் ஏற்படாமல் இருக்க மெதுவாக படியுங்கள்.

வெளிச்சத்தை ஏற்படுத்தும் பொருளும், வெளிச்சத்தை ஏற்கும் பொருளும் எதிர்எதிரே இருந்தால் அங்கு வெளிச்சம் ஏற்படாது. வெளிச்சத்தை ஏற்படுத்தும் பொருளும் வெளிச்சத்தை ஏற்கா பொருளும் எதிரெதிரே இருந்தால் அங்கு வெளிச்சம் ஏற்படும்.

மேற்சொன்ன விளக்கத்தை நிதானமாக ஆய்வு செய்தீர்களானால் ஒளி என்றால் என்ன? என உங்களுக்கு புலப்பட்டிருக்கும்.

எரியும் பொருள் ஏதோ ஒன்றை எறிகிறது(வீசுகிறது). வீசப்பட்டது ஏதிரே இருக்கும் பொருள் மீது மோதி எதிர்விளைவை ஏற்படுத்துகிறது என்றால் அங்கு வெளிச்சம் பிறக்கிறது. எதிர்விளைவை ஏற்படுத்தவில்லை என்றால் வெளிச்சம் எரியும் பொருளிலும் இல்லை. ஏற்ற பொருளிலும் இல்லை.

உதாரணமாக : நீங்கள் விளக்கை எரிய விடுகிறீர்கள். விளக்கை எரித்தால் மட்டும் வெளிச்சம் வந்து விடாது. வெளிச்சம் பட்டு பிரதிபளிக்க சுவரோ, மேசையோ, பேனாவா, கட்டிலோ, திரைச்சீலையோ என எதாவது ஒரு பொருள் இருக்க வேண்டும். எந்த பொருளுமே இல்லாத ஒரு வெற்றிடத்தில் வெளிச்சத்தை பார்க்க முடியாது.

காற்றில் உள்ள சின்ன சின்ன தூசுகள் ஒளியை பிரதிபளிப்பதால் தான் ஒளிக்கதிர்கள் நமது கண்களுக்குத் தெரிகிறது.

ஒளியை வெளியிடும் ஒரு பொருள் வேண்டும். அதே போல ஒளியை பிரதிபளிக்கும் ஒரு பொருள் வேண்டும். இந்த இரண்டும் இருந்தால் மட்டுமே வெளிச்சத்தை நம்மால் பார்க்க முடியும்.

சரி ஒளிக்கும் வெளிச்சத்துக்குமான வித்தியாசத்திற்கு வருவோம்.

எரியும் ஒரு பொருளில் இருந்து எறியப்படும் ஒன்று எதிரே உள்ள பொருளில் பட்டு பிரதிபளித்தால் அது ஒளி. அந்த பிரதிபளிப்பை நம் கண்கள் உணர்ந்தால் அது வெளிச்சம். வெளிச்சம் எல்லாம் ஒளியாகும். ஆனால் ஒளி எல்லாம் வெளிச்சம் ஆகாது. குறிப்பிட்ட ஒளியை மட்டுமே நமது கண்கள் உணர்கிறது. நமது கண்கள் உணரும் ஒளி வெளிச்சம் எனப்படுகிறது.

முதலில் வெளிச்சம் குறித்து தெரிந்து கொண்டு அடுத்து ஒளிக்குள் செல்வோம்.

உதாரணமாக வெளிச்சம் என்பது ஒரு நீர்த்துளி அளவு என்றால், ஒளி என்பது கடலின் அளவை விட அதிகமானது. அதனால் சிறுதுளியான வெளிச்சத்தை கொண்டே ஒளியை புரிந்து கொள்ள முயற்சிப்போம்.

நமது கண்கள் உணரும் ஒளியை வண்ணங்களாக வகைபடுத்தலாம்.

உதாரணமாக வானவில்லின் 7 வண்ணங்களை நமது கண்கள் நேரடியாக உணர்கிறது. அந்த 7 வண்ணங்களே இயற்கையின் அடிப்படை வண்ணங்கள். இந்த 7 வண்ணங்களை பல நூறு வண்ணங்களாக நாம் கலக்கிக்கொள்கிறோம்.


சிவப்பு, பழுப்பு, பச்சை, நீலம், ஊதா, மஞ்சள், வெள்ளை என்ற 7 நிறங்கள் தான் இயற்கையின் அடிப்படை நிறங்கள். இவற்றின் கலப்பட அளவிற்கு ஏற்ப நமது கண்களுக்கு பலநூறு நிறங்கள் தெரிகிறது. நமது கண்களுக்கு தெரியும் நிறங்களே அந்தந்த பொருளின் நிறங்களாக நாம் அறிகிறோம்.

சிவப்பு + பச்சை + நீலம் என்பவை நாம் செயற்கை தயாரிப்புகளுக்காக வைத்திருக்கும் அடிப்படை நிறங்கள். இந்த மூன்று நிறங்களைக் கொண்டு 255 நிறங்களை உருவாக்க முடியும். இந்த 255 நிற விளக்குகளில் தான் டி.வி முதல், செல்போன் ஸ்கிரீன் வரை தயாரிக்கப்படுகிறது. 
சிவப்பு + பச்சை + நீலம் RGB
எல்.ஈ.டி. எல்.சி.டி, டிஸ்ப்ளே திரைகள் எல்லாம் இந்த 255 நிற விளக்குகளின் துள்ளிய ஒளிர்வால் வருபவை தான்.

இயற்கை வண்ணங்கள் சிவப்பு முதல் வெள்ளை வரை இருக்கின்றன. ஆனால் நமக்கு எல்லாம் மிகவும் பிடித்த ஒற்றை நிறம் அதில் இல்லை என்பது உங்கள் கவனத்தில் வந்ததா?

வெளிச்சத்தில் இல்லாத ஒரே நிறம் கருப்பு. கருப்பில் வெளிச்சம் மட்டுமல்ல ஒளியும் இல்லை. இந்த பிரபஞ்சத்தில் அதிகமாக உள்ள நிறம் கருப்பு தான். ஆனால் உண்மையில் கருப்பு ஒரு நிறம் அல்ல. எந்த நிறமும், எந்த வெளிச்சமும் இல்லாத ஒன்றிற்கு கருப்பு என பெயரிட்டுள்ளோம்.

கருப்பில் பொருள் கூட இல்லை. கருப்பான பொருள் பிரபஞ்சத்தில் இல்லவே இல்லை. பொருளே அல்லாத இந்த கருப்பை தான் வெளி என்கிறோம். பிரபஞ்ச வெளி எங்கும் கருப்பே நிறைந்திருக்கிறது. 

இந்த கருப்பு தான் கருந்துளையா?
கருப்பிடம் ஏன் ஒளி தோற்றுப்போகிறது?

தொடரும்...

04/11/2019

இடைவெளி - விண்வெளியியல் 1

வானம்! ஏராளமான ஆச்சரியங்களுடன் காட்சி தரும் மிகப்பெரிய உலகம். அப்படி வானத்தில் என்ன தான் இருக்கிறது?

வானத்தில் சொர்க்கம் உள்ளதா? பூமியைத் தாண்டி இன்னொரு உலகம் இருக்கிறதா? உண்மையில் பூமியை போன்று நிலவிலும் நிலம் இருக்கிறதா? சூரியன் எரிந்து கொண்டிருக்கிறதா? - ஏராளமான கேள்விகள். எல்லாவற்றிற்கும் கோட்பாடு ஒன்றே பதில்.

வானத்தில் எதை விளக்கினாலும் கோட்பாடு ரீதியாகவே விளக்க முடியும். நமது இயல்பியல் விதிகளின் படி வானில் இருந்து எந்தத் தரவையும் பெற முடியாது.

 (விதிகள் என்றால் நிரூபிக்கப்பட்ட உண்மைகள். கோட்பாடு என்றால் நிரூபிக்கப்பட்ட யூகங்கள். உண்மைகள் என்றும் மாறாது. யூகங்கள் மாறலாம்.)

ஒலி, ஒளி இதை கடந்து எந்த உணர்வையும் வானத்தில் இருந்து பெற முடியாது. வானத்தை ருசிக்க முடியாது. வானத்தை நுகர முடியாது. வானத்தை தொட முடியாது. 

ஒளியை பார்க்கலாம். ஒலியை கேட்கலாம். நம்மை பொருத்தவரை ஒளியும் ஒலியும் சேர்ந்தது தான் வானம்.

வானம் என்றால் உடனே நம் நினைவுக்கு வருவது, சூரியன், நிலா, நட்சத்திரங்கள், மேகம், மழை, இடி, மின்னல் இவ்வளவு தான். இந்த 7 ஐ தவிர வேறு ஒன்று வானத்தில் இல்லை. இந்த 7 ஐ தவிர வேறு எதையும் நம் கண்ணால் பார்க்கவோ, காதால் கேட்கவோ முடியாது.

தொலைநோக்கி உதவியுடன் பார்த்தால் ஏராளமான விண்கற்கள், கிரகங்கள் இருப்பதை ஓரளவு யூகிக்க முடியும். ஆனால் அது யூகமே தவிர உண்மை என உறுதியாக சொல்ல முடியாது.


நாம் நேரடியாக பார்க்கும் சூரியன், நிலா, நட்சத்திரங்கள், மேகம், மழை, இடி, மின்னல் இவைகள் தான் வானமா என்றால், இல்லை!, இன்னும் ஒன்றை சேர்த்துக்கொள்ளுங்கள் என்பதே பதில்!

அது என்ன இன்னொன்று? எளிமையான பதில் தான்., ‘‘இடைவெளி’’ தான் அந்த இன்னொன்று!

வானம் நிரம்ப இருப்பது இந்த இடைவெளி தான். வானத்தில் 99.99 சதவீதம் இடைவெளியே. அதனால் தான் வானியலை விண்வெளியியல் என குறிப்பிடுகிறோம். 

இடைவெளியை பார்க்கவோ, கேட்கவோ, நுகரவோ, சுவைக்கவோ, தொட்டு உணரவோ முடியாது. நமது இயல்பறிவால் உணரவே முடியாத ஒன்று தான் இடைவெளி!

இடைவெளி என்பது நமது உணர்வுக்கு அப்பாற்பட்டது. நமது அறிவின் அளவிற்கு உட்பட்டது. நமது அறிவு தான் இடைவெளியை தீர்மானிக்கிறதே அல்லாமல் இடைவெளி என்ற ஒன்று இருப்பதை கோட்பாடு ரீதியாகக் கூட விளக்க முடியாது!

இரண்டு இடங்களுக்கு இடைப்பட்ட வெளி = இடைவெளி. - இது தான் இடைவெளிக்கான சூத்திரம்.

ஏன் இந்த இடைவெளி?

இயற்பியல் விதிகளால் மட்டுமல்ல, கோட்பாடுகளால் கூட பதில் சொல்ல முடியாது!

சூரியனுக்கும் பூமிக்கும் இடையில் ஏன் இந்த இடைவெளி? இந்த கேள்விக்கு கோட்பாடுகள் பதில் தருகின்றன. ஆனால் நிரூபிக்கப்பட்ட உண்மைகள் இன்னும் பிறக்கவே இல்லை.

புவி ஈர்ப்பு விசையால் பூமியை நோக்கி எல்லா பொருட்களும் விழுகின்றன. புவி ஈர்ப்பு விசையின் எல்லைக்கு அப்பால் உள்ள பொருட்கள் பூமியில் விழுவது இல்லை என நிரூபித்தார் சர் ஐசக் நியூட்டன்.

நியூட்டன் தான் இன்று வரை இயல்பியல் உலகின் அரசன். நியூட்டனின் விதிகளே இன்று வரை அறிவியலாக உள்ளது. பூமியில் நியூட்டனின் விதிகள் தான் கடவுள். ஆனால் விண்வெளியில் நியூட்டன் விதிகள் செல்லாக் காசு!

விண்வெளியில் நியூட்டன் விதிகள் செயல்படாமல் போவதன் காரணம் என்ன? இந்த கேள்விக்கு ஐன்ஸ்டீனை போல குழம்பி, குழப்பி, கூட்டி, கழித்து, பெருக்கி, வகுத்து வராத ஒரு விடையை கோட்பாடு அளவில் வரவைத்துக் கொள்ள வேண்டியது இல்லை.

எளிமையான பதில் ‘‘ நியூட்டன் விதிகள் இடத்திற்கானது., வெளியில் நியூட்டன் விதிகள் பொருந்தாது.’’ இடமும் வெளியும் சேர்ந்தது தான் இடைவெளி. இடைவெளியில் இடத்திற்கான ஒற்றை விதிகள் மட்டும்  செயல்படாது! இடம் + வெளிக்கான விதிகள் படியே இடைவெளி செயல்படும். - இதையே காலநேரம் என சுற்றி வளைத்து ஐன்ஸ்டீனின் சார்பியல் கோட்பாடு சொல்கிறது.

அது என்ன நியூட்டனின் விதிகள்? இடம் என்றால் என்ன? வெளி உலகம் என ஒன்று உள்ளதா? அதை எப்படி புரிந்து கொள்வது? சூரியன், கிரகங்கள், நட்சத்திரங்கள், நிலா இவை ஏன் இடைவெளியில் இருக்கின்றன? சூரிய குடும்பம், பால்வெளி மண்டலம், பிரபஞ்சம் இதெல்லாம் உண்மையா? சார்பியல் கோட்பாடு சரியானதா? -  புதிரான இந்த கேள்விகளுக்கு எல்லாம் விடைதேடிச் செல்வது ஒரு சுவாரசியப் பயணமாக அமையும்.

5 குறுங் கட்டுரைகள் வழி விண்வெளியை சுற்றி காட்ட முயற்சிக்கிறேன்.

நியூட்டன் விதிகள், ஐன்ஸ்டின் கோட்பாடுகள் இவற்றை தவிர்த்து விட்டு, நாம் ஒளி, ஒலியை கொண்டு விண்வெளியை புரிந்து கொள்ள முயற்சிப்போம். ஏனென்றால் இந்த இரண்டும் தான் நமக்கு வானத்தை நேரடியாக காட்டுகின்றன.

நமது இயல்பு அறிவால் ஒளி, ஒலியாக மட்டுமே வானத்தை புரிந்து கொள்ள முடியும். அப்படிப்பட்ட புரிதலே உண்மையான அறிவியலாக இருக்கும் என நினைக்கிறேன்.

ஒளி இது தான் உண்மையான வானம். நாம் வானத்தில் பார்ப்பது எல்லாம் ஒளி தான். இடியாக ஒலியையும், மழையாக ருசியையும், பனியாக உணர்வையும், காற்றாக நுகர்வையும் பெறுகிறோம். என்றாலும் மழையை தவிர்த்து விட்டு சூரியன், நிலா, நட்சத்திரங்கள் என மற்ற எல்லாவற்றையும் ஒளியாகத் தான் உணர்கிறோம்.

ஒளி என்றால் என்ன? ஒளி எங்கு இருக்கிறது? ஒளியில் என்ன தான் இருக்கிறது? கண்களை மூடிவிட்டால் ஒளியின் கதையும் முடிந்ததா?

ஒளியை படிக்காமல் விண்வெளியை எட்டி கூட பார்க்க முடியாது. ஆனால் ஒளியை மட்டும் தெரிந்து கொண்டால் போதும், ஒட்டுமொத்த விண்வெளியையும் கரைத்து குடித்துவிடலாம்.

- இடைவெளி தொடரும்...