30/09/2019

இறப்பும் முக்தியும் - கருப்பு கடவுள் 3

கடவுளும், பேயும் இறப்பை மையப்படுத்தியே இருக்கின்றன. இறந்தால் பேயாகவும், முக்தி அடைந்தால் கடவுளாகவும் கருதப்படுகிறார்.

உயிர்கள் இறக்கின்றன என்பது உறுதி! ஆனால் முக்தி அடைகின்றனவா என்பது கேள்விக் குறியே.

இறப்புக்கும் முக்திக்கும் என்ன வேறுபாடு?

இறப்பு என்பது இயற்கையானது. முக்தி என்பது செயற்கையானது. உயிர்கள் தம் செயலுக்கு தகுந்தால் போல முக்தி அடைகின்றன என வேதங்கள் சொல்கின்றன.

முக்திக்கு பல விளக்கங்களை தருகின்றன வேதங்கள். உயிர் தொடர்ந்து பிறக்கிறது. உயிர் மறுபிறவி எடுக்காமல் பிறவா நிலையை அடைவதே முக்தி. இப்படித் தான் எல்லா சித்தாந்தங்களும் கூறுகின்றன.

புத்தம், சமணம் மற்றும் கிழக்கத்திய தத்துவங்கள் அனைத்தும் இதையே வலியுறுத்துகின்றன. இதற்கு அடிபடையாக ஊழ்வினை என்ற தலையாங்கத்தை புத்த, சமண சித்தாந்தங்கள் கொண்டுள்ளன.

கிறிஸ்துவ, இஸ்லாமிய, ஆரிய வேதாந்தங்கள் ஊழ்வினையில் இருந்து சற்று வேறு பட்டவை. கடவுளை வணங்குவதன் மூலம் ஊழ்வினையை சரிசெய்ய முடியும் என்ற கருத்தை போதிக்கின்றன. கடவுளை சரணடைவதன் மூலம் ஊழ்வினையில் இருந்து தப்பித்து முக்தி அடையலாம் என்பது மதங்களின் கோட்பாடு.

பிறப்பு, வாழ்வு, இறப்பு இம்மூன்றும் ஊழ்வினை பயன் என்பது புத்தம், சமணம், சித்தரியல் உட்பட தத்துவங்களின் கோட்பாடு. பிறப்பும் வாழ்வும்  இறப்பும் கடவுளின் கட்டளை என்பது மதங்களின் கோட்பாடு.

இங்கே 1.கடவுள் 2.ஊழ்வினை இந்த இரண்டையும் தவிர்த்து எல்லாம் இயற்கை!, இதில் கடவுள், ஊழ்வினை என எதற்கும் வேலை இல்லை எனும் அறிவியலாளர்களும் உள்ளனர்.

கடவுள் மற்றும் அறிவியல் பற்றி பல கோணங்களில் கேள்விப்பட்டிருப்போம். ஆனால் ஊழ்வினை பற்றி ஆய்ந்தவர் வெகுசிலரே. ஊழ்வினையை பாவத்துடன் பொருத்தி பார்ப்பதால் அது மதத்தின் ஒரு அங்கமாகவே பார்க்கப்படுகிறது. ஆனால் இந்த பார்வை தவறு!

பாவத்திற்கும் ஊழ்வினைக்கும் பெரிய வேறுபாடு உண்டு.

பாவம் என்பது மனிதன் சமூகத்திற்கு வகுத்துள்ள சட்டங்களை மீறுதல். உதாரணமாக பொய், திருட்டு, கொலை, கற்பழிப்பு இதெல்லாம் பாவங்கள்! 
ஊழ்வினை என்பது மனிதன் வகுத்த சட்டங்கள் அல்ல. அது இயற்கை எழுதிள்ள சட்டங்கள். பிறந்தால் இறந்தாக வேண்டும் என்பது ஊழ்வினை. உப்பை தின்றால் தண்ணீரை குடித்தாக வேண்டும் என்பது ஊழ்வினை. மாற்றவே முடியாதது, பரிகாரமே இல்லாதது, மன்னிப்பே கிடைக்காதது, நிகழ்ந்தே தீருவது இப்படிப்பட்டவைகள் தான் ஊழ்வினை!

பாவம் என்பது மதத்திற்கு மதம், மனிதனுக்கு மனிதன் வேறுபடும். உயிருக்கு உயிர் கூட பாவம் வேறுபடும். அது மாற்றக் கூடியது. ஆனால் ஊழ்வினை என்பது எல்லொருக்கும் பொதுவானது. மாற்ற முடியாதது.

ஊழ்வினை என்பது கடவுளையும் கட்டுப்படுத்துகிறது என்பதை புராணங்கள், வேதங்கள், வேதாந்தங்கள் எல்லாம் விளக்குகின்றன.

கடவுளில் இருந்து இந்த உலகம் தோன்றியது என்றால், கடவுளே கட்டுப்படும் ஊழ்வினை எப்போது வந்தது? கடவுளையே ஆட்டிப்படைக்கும் ஊழ்வினையை செய்தது யார்?

இங்கே தான் கருப்பு கடவுள் வெளிச்சத்துக்கு வருகிறது. கடவுளையே ஊழ்வினையை கொண்டு அடக்கியது கருப்பு கடவுள் கடவுளுக்கும் பிறப்பு இறப்பை உறுதி செய்து ஊழ்வினையாற்றியது கருப்பு கடவுள்!

அறிவியல் மட்டுமல்ல அண்ட சராசரமும் கூடவே கடவுளும் அடிபணியும் ஊழ்வினையின் மொத்த உருவகம் தான் கருப்பு கடவுள்!

கடவுளை விட ஊழ்வினை சக்தி வாய்ந்தது என்பதை சங்ககால மக்கள் அறிந்திருந்தனர். அதனால் தான் கடவுளை ஓரம்கட்டி ஊழ்வினைக்கு முக்கியத்துவம் கொடுத்தனர். 

ஊழ்வினையின் இறப்பை வெல்ல அவர்கள் தேடிய அடைக்கலம் தான் கருப்பு கடவுள். அந்த கருப்பு கடவுளின் செய்வினையாம் ஊழ்வினையை எதிர்த்து போர் தொடுத்தனர். அது அதிபயங்கர போராக இருந்தது. அண்ட சராசரத்தில் இருந்த அத்தனை உயிர்களையும் அச்சத்தின் முனையில் நிறுத்திய யுத்தம் அது.

ஊழ்வினைக்கு எதிராக நடந்த அதிபயங்கர செய்வினை யுத்தத்தை அடுத்த பகுதியில் பார்க்கலாம்.      

- செய்வினை தொடரும்...

முந்தைய பதிவுகளை படிக்க :

பேய், பிசாசு இருக்கிறது! - கருப்பு கடவுள் 1


ஆவிகள் உலகம் - கருப்பு கடவுள் 2

25/09/2019

ஆவிகள் உலகம் - கருப்பு கடவுள் 2

இயேசு, அல்லா, சிவன், விஷ்ணு, சரஸ்வதி இவர்கள் எல்லாம் கடவுள்கள். இவர்களை அடையாளம் காட்டுவது இயலாத காரியம்.

கருத்தியல் அடிப்படையிலேயே  கடவுளை நிரூபிக்க முடியும். பொருளியல் அடிப்படையில் கடவுளை காட்ட முடியாது.

ஆனால் பேய் அப்படி அல்ல. எளிதாக பொருளியல் அடிப்படையில் பேயை நிரூபித்து விடலாம். நமது அன்றாட வாழ்வில் கடவுளின் பங்களிப்பு இருக்கிறதோ இல்லையோ பேயின் பங்களிப்பு அதிகமாகவே இருக்கிறது!

பைபிளின் பரிசுத்த ஆவி மற்றும் கெட்ட ஆவி(பிசாசு), என இரண்டு ஆவிகள் முக்கியமாக உள்ளன. இதனோடு பலகோடி தேவதூதர்கள், மனித ஆன்மாக்கள் இப்படி ஆவிகளுக்கு பஞ்சமே இல்லை. கடவுள் ஒருவர் தான். ஆனால் ஆவிகளோ பல கோடி!

அடுத்து குரானிலும் அதே கதை தான். கடவுள் ஒருவர், ஆன்மாக்கள் பலகோடி! ரிக் வேதம் உட்பட ஆரிய வேதங்களிலும் ஆவிகளுக்கு பஞ்சமில்லை!
ஆன்மாவுக்கும் ஆவிக்கும் உள்ள தொடர்பை முதலில் புரிந்து கொள்வோம்.

ஆன்மாவும் ஆவியும் வேறு வேறு அல்ல! இரண்டும் ஒன்றுதான். நல்லது என்றால் அது பரிசுத்த ஆவி!, கெட்டது என்றால் அது பாவி! பாவி என்றால் பாவம் செய்த ஆவி என்று அர்த்தம்!

இங்கே பாவம் என்பது என்ன என்பதை தெரிந்து கொண்டால் மட்டுமே பரிசுத்த ஆவிக்கும் பாவிக்கும் உள்ள வித்தியாசம் புரியும்.

கடவுளை வணங்காவிட்டால் பாவி! கடவுளை வணங்கினால் பரிசுத்த ஆவி! இவ்வளவு தான் வித்தியாசம்! பைபிள், குரான், கீதை உபநிடம் எல்லாம் இதை தான் சொல்கின்றன. இதை எந்த மததலைவரும் மறுப்பதில்லை. மறுக்கவும் முடியாது!

கடவுளை வணங்காத அனைத்து உயிரும் பாவி! கடவுளை வணங்கும் அனைத்து உயிரும் பரிசுத்த ஆவி(ஆன்மா). இதுதான் வேதங்களின் கோட்பாடு. 

மனிதன் முதல் புல், பூண்டு, புழு, பூச்சி வரை எல்லா உயிர்களையும் ஆவியாக தான் காட்சிபடுத்துகிறது வேதங்கள்.

மனிதன் கடவுளை வணங்குவதால் அவன் ஆன்மா என்ற பரிசுத்த ஆவியாகவும், கடவுளை வணங்காத மற்ற உயிர்கள் பாவியாகவும் உள்ளன! பாவம் என விலங்கு, தாவரங்களை குறிப்பிடுவதன் அர்த்தம் அது தான். 

மொத்தத்தில் ஆவிகளால் நிறைந்தது தான் வேத உலகம்! கடவுள் கூட ஆன்மா என்ற ஆவியாக தான் வேதங்களில் அடையாளம் காட்டப்படுகிறார்.

வேதங்கள், மதங்கள் சொல்வது ஒருபுறம் இருக்கட்டும்., எதார்த்த உலகில் ஆவிகள் உள்ளனவா?

உயிர்கள் - மனிதன் - கடவுள் இந்த மூன்றையும் தான் ஆவி என வேதங்கள் குறிப்பிடுகின்றன. காரணம் இந்த மூன்றும் தான் பிறப்பு-வாழ்வு-இறப்பு என்ற செயல்களில் ஈடுபடுகின்றன. உயிரற்ற பொருட்கள் எந்த செயலையும் செய்வதில்லை.

உயிர்கள் பிறக்கின்றன, வாழ்கின்றன, இறக்கின்றன. ஒருமுறை பிறந்து இறந்த உயிர் மறுமுறை பிறக்கிறதா? அதாவது மறுபிறவி உண்டா? -இந்த ஒற்றை கேள்வியில் ஆவி உலகின் அத்தனை மர்ம முடிச்சுகளும் இறுகி கிடக்கின்றன.

பிறந்த பின் உயிர்கள் வாழ்கின்றன. ஆனால் இறந்த பின் என்ன ஆகின்றன? இறப்புக்கு பின் எதுவுமே இல்லை என்றால் ஆவிகளுக்கு வேலையே இல்லை. ஆனால் ஆவிகள் வேலை செய்கின்றன எனும் போது இறப்புக்கு பின் ஏதோ ஒன்று உள்ளது என்று தானே அர்த்தம்.

என்னது ஆவிகள் வேலை செய்கின்றனவா? ஆவி இருப்பதே கேள்விக்குறியாக உள்ளது. இதில் ஆவிகள் வேலை செய்கிறது என்ற கதை வேறா? இதெல்லாம் மூடநம்பிக்கை. பகுத்தறிவுக்கு ஏற்புடையது அல்ல. இப்படி எளிமையாக சொல்லிவிடலாம். ஆனால் இதெல்லாம் போராட்ட பதில்களே அல்லாமல் தீர்க்கமான பதில்கள் அல்ல!

கடவுள் இருக்கிறார் என்று வணங்குபவர்களை காட்டிலும், நமக்கேன் வம்பு என வணங்குபவர்கள் தான் அதிகம். ஒருவேளை கடவுள் இருந்து விட்டால்? இங்கே பக்தியில் வணங்குபவர்களை விட பயத்தில் வணங்குபவர்கள் தான் அதிகம். அங்கே தான் கடவுள் மறைந்து பேய் வெளிப்படுகிறது!

கடவுளே பேயாக அவதாரம் எடுக்க காரணமும் இது தான்! கடவுள் பேயாக உலாவும் அறிவியல் உண்மையை நிரூபிப்பது எளிது. அறிவியலால் கடவுளை காட்ட முடியாது. ஆனால் பேயை காட்ட முடியும்!

பேயாக உலவும் அந்த கருப்பு கடவுளை அடுத்த பகுதியில் பார்க்கலாம்

-செய்வினை தொடரும்...

முந்தைய பதிவுகளை படிக்க :

பேய், பிசாசு இருக்கிறது! - கருப்பு கடவுள் 1

23/09/2019

பிராமணர்களின் முகத்திரையை கிழிப்போம் - இந்தியாவின் தேசிய மொழி சமஸ்கிருதம் 5

இந்தியாவின் தேசிய மொழி சமஸ்கிருதம் என்றால் தமிழர்களை விட முதலில் எதிர்ப்பவர்கள் பிராமணர்கள் தான். இந்த சூட்சமம் புரியாமல் இன்று வரை தமிழர்கள் சமஸ்கிருதத்தை எதிர்த்து வருகின்றனர்.

தமிழர்கள் சமஸ்கிருத எதிர்ப்பை கைவிட்டு, பிராமண எதிர்ப்பை வலுப்படுத்த வேண்டும் என்ற நோக்கில் எழுதப்பட்டது தான் இந்த கட்டுரை தொடர்.

இப்போதும் பலருக்கும் குழப்பமாக இருக்கலாம்.

பிராமண எதிர்ப்பும் சமஸ்கிருத எதிர்ப்பும் ஒன்று தானே. பிராமணர்களின் மொழி தானே சமஸ்கிருதம். அந்த சமஸ்கிருதத்தில் தானே வேதங்கள், இதிகாசங்கள், புராணங்கள் எல்லாம் உள்ளது. சமஸ்கிருதத்தை எதிர்ப்பதன் வழி பிராமணத்தை தானே எதிர்க்கிறோம்!. - இப்படி நினைத்தால் நீங்கள் இன்னும் பிராமணியத்திற்கு அடிமையாகவே இருக்கிறீர்கள் என்று தான் அர்த்தம்.

பிராமணியம் வேறு சமஸ்கிருதம் வேறு! - இந்த அடிப்படை வேறுபாட்டை முதலில் புரிந்து கொள்ள வேண்டும்.

சமஸ்கிருதம் என்பது பிராமணர்களின் மொழி அல்ல. இந்தி தான் பிராமணர்களின் மொழி!,  பார்சி தான் பிராமணர்களின் பூர்விக மொழி!, பார்சி மொழியில் இருந்து வந்து தான் உருது. உருதில் இருந்து வந்தது தான் இந்தி!. இந்த இந்தியை தான் தற்போது பிராமணர்களின் இறுக பிடித்து உள்ளனர்.
சமஸ்கிருதம் என்பது தென்னிந்தியாவில் பயன்படுத்தப்பட்ட அந்தணர் மொழி!. இதை மறை மொழி, இரகசிய மொழி, இறைமொழி, குறிமொழி என்று பல பெயர்களில் சங்க காலத்தில் அழைத்துள்ளனர். இது குறித்து சமஸ்கிருதம் ஒரு திராவிட மொழி என்ற கட்டுரையில் விளங்கி உள்ளேன்.

சமஸ்கிருதம் ஒரு மொழி அல்ல. அது ஒரு குறியீடு. கணிதம் எப்படி ஒரு மொழி அகாதோ, அது போல சமஸ்கிருதமும் ஒரு மொழி ஆகாது. சமஸ்கிருதம் கணிதம் போல ஒரு குறியீடாக தான் பயன்படுத்தப்பட்டு உள்ளது. கிரந்தம் என்றாலே குறியீடு என்றுதான் அர்த்தம். 

குறியீட்டு மொழியை மக்கள் பேச்சு மொழியாக எந்த காலத்திலும் நடைமுறைக்கு கொண்டு வர முடியாது. மக்களால் பேச முடியாத ஒரு மொழியை எப்படி 130 கோடி மக்களின் தேசிய மொழியாக முடியும்?

சமஸ்கிருதத்தை இந்தியாவின் தேசிய மொழியாக அறிவிக்க வேண்டும் என இந்த கட்டுரை வலியுறுத்துவதன் காரணம் இது தான். சமஸ்கிருதம் என்ற மொழி எது என்பதை இந்திய அரசு தெளிவுபடுத்த வேண்டும்! இந்த அடிப்படை கேள்வியை ஒட்டுமொத்த தமிழர்ளும் கேட்க வேண்டும். இது இந்தியா முழுவதும் ஒலிக்க வேண்டும்!

இந்தி தான் சமஸ்கிருதம் என்ற மாயையை முதலில் உடைத்தெறிய வேண்டும்! இந்தி என்பது சமஸ்கிருதம் அல்ல. இந்தி என்பது உருது என்பதை வெட்டவெளிச்சமாக்க வேண்டும்!
 
சமஸ்கிருதம் தான் இந்தியாவின் பூர்விக மொழி என்றால் அதை இந்தியாவின் தேசிய மொழியாக அறிவியுங்கள்! எங்கிருந்தோ வந்த இந்தியை எப்படி தேசிய மொழியாக அறிவிக்க முடியும்? இந்தி வேறு சமஸ்கிருதம் வேறு என்பதை இந்துமதத்தை பின்பற்றும் மக்களுக்கு புரிய வையுங்கள்!

உருது ஒருபோதும் சமஸ்கிருதம் ஆகாது. உருதுக்கும் இந்திக்கும் ஒரு வேறுபாடும் இல்லை. இதை இந்துமதத்தினர் தெரிந்து கொள்ள வேண்டும்.

இந்தி என்ற போர்வையில் பிராமணர்கள் சமஸ்கிருதத்தை வளர்க்கிறார்கள் என்ற பார்வையே தவறு! சமஸ்கிருதம் என்ற போர்வையில் பிராமணர்கள் வாழ்கிறார்கள் என்ற பார்வை தான் சரியானது. 

சமஸ்கிருதம் என்ற போர்வைக்குள் பிராமணர்கள் அன்றும் இன்றும் சுகமாக வாழ்கிறார்கள். இது இனியும் தொடர கூடாது! சமஸ்கிருதம் வேறு! பிராமணர்கள் வேறு! இந்த உண்மையை முதலில் வெளிக்கொண்டு வர வேண்டும்.

சமஸ்கிருதம் பிராமணர்களின் மொழி அல்ல. பார்சி தான் பிராமணர்களின் மொழி! உண்மையில் பார்சி மொழியில் எழுதப்பட்டது தான் ரிக் வேதம். பின்னாளில் அது ரோமனாக்கப்பட்டது. ரீக்வேதம் இன்று வரை சமஸ்கிருதத்தில் எழுதப்படவில்லை என்ற உண்மை எத்தனை பேருக்கு தெரியும்? 

தேவநாகரி எழுத்துக்களை தான் கேள்விப்பட்டிருக்கிறீர்கள்., நாகரி எழுத்துக்களை பற்றி நீங்கள் கேள்விபட்டதில்லை. அங்கே தான் பிராமணியம் வெற்றி பெற்று இருக்கிறது. நாகரி எழுத்துக்களை தான் தேவநாகரி என பெயர்சூட்டிக் கொண்டனர். நாகரி எழுத்தில் எழுதப்பட்ட இலக்கியங்கள் தான் வடமொழி இலக்கியங்கள்!

வடஇந்தியா முழுவதும் பரவி இருந்த நாகரி மொழி எது? அந்த நாகர்கள் யார்? சட்ட மேதை அம்பேத்கார் தேடினார். அவரின் தேடல் முடிவையே இந்த கட்டுரைத் தொடரின் முடிவுரையாக வைக்கிறேன். 

இந்தியாவின் தேசிய மொழி சமஸ்கிருதம் என்ற அம்பேத்கரின் கூற்றில் துவங்கிய இந்த கட்டுரைத் தொடரை,  நாகர்கள் யார்? என்ற அம்பேத்கரின் ஆய்வில் முடிப்பது பொருத்தமாக இருக்கும்.

முற்றும்! நன்றி.
.
முந்தைய பதிவுகளை படிக்க :

இந்தியாவின் தேசிய மொழி சமஸ்கிருதம் 1

பாகிஸ்தானின் மொழி இந்தி - 2

திக்குவாய் மொழி பேசும் பிரதமர் மோடி -  3

பிராமணர்களின் சொப்பன சுந்தரி உருது - 4

20/09/2019

பிராமணர்களின் சொப்பன சுந்தரி உருது - இந்தியாவின் தேசிய மொழி சமஸ்கிருதம் 4

கிளி மாதிரி பொண்டாட்டி இருக்க குரங்கு மாதிரி வெப்பாட்டி எதற்கு? இந்த பழமொழி இந்திய மொழி கொள்கைக்கு தாராளமாக பொருந்தும்.

இந்தியா மற்றும் பாகிஸ்தான் அரசியல்வாதிகளுக்கு காஷ்மீரை விட உருதுமொழி தான் சொப்பன சுந்தரியாக இருந்தது. உருதை யார் வைத்துக்கொள்வது என்பதில் தான் இரு நாட்டினருக்கும் கட்டிப்பிடி சண்டை நடந்தது.

பிரிட்டீஷ் இந்தியாவில் ஆங்கிலத்துடன் உருது அரசு மொழியாக இருந்தது. ரூபாய் நோட்டுகள், நாணயங்கள், பத்திரப்பதிவு, முத்திரைத்தாள், அரசு ஆவணங்கள் என எல்லாம் உருதில் தான் இருந்தன.

சுதந்திரத்தின் போது பாகிஸ்தான் உருது மொழியை தனதாக்கி கொண்டது. உருது மொழியை பெறுவதில் பாகிஸ்தானிடம் இந்தியா தோற்றது.

உலகிலேயே அதிக உருது பேசும் மக்கள் இந்தியாவில் தான் உள்ளனர். பாகிஸ்தானில் 8% குறைவான மக்களே உருது மொழியை பேசுகின்றனர். பாகிஸ்தானில் பெரும்பான்மை மக்கள் பேசும் மொழி பஞ்சாபி மொழி. இந்தியாவில் 50% மக்கள் உருது மொழி பேசுகின்றனர்.

அதிக மக்கள் பேசும் மொழி அடிப்படையில் பார்த்தால் பாகிஸ்தானுக்கு பஞ்சாப்பியும். இந்தியாவிற்கு உருதும் தான் தேசிய மொழியாக இருக்க முடியும்.

இந்தியாவின் பெரும்பான்மை மொழியான உருதை பாகிஸ்தான் பிடுங்கி கொண்டது. காரணம் உருது இஸ்லாம் மதத்துடன் தொடர்புடைய மொழியாக கருதப்பட்டது. உருதுமொழிக்காக இந்தியா பாகிஸ்தான் அரசியல்வாதிகள் மதத்தின் பேரில் அடித்துக்கொண்டனர்.

அப்போது தான் அம்பேத்கர் சொன்னார் தேசிய மொழியாக இந்திய மொழியான சமஸ்கிருதம் போதும் என. ஆனால் நேரு தலைமையிலான அரசியல் குழுவினர் பாகிஸ்தான் தட்டிப்பறித்த உருதின் மீதே காதல் கொண்டிருந்தனர்.
 
சமஸ்கிருதம் என்ற அழகிய மனைவி இருக்கும் போது பிராமணர்கள் உருது என்ற சொப்பன சுந்தரிக்கு ஆசைப்பட்டது ஏன்? அங்கே தான் ஆரிய இச்சை வெளியே வருகிறது.
சமஸ்கிருதம் ஆரிய மொழி அல்ல என்பது பிராமணர்களுக்கு நன்றாகவே தெரியும். சமஸ்கிருதத்தை ஒருகாலமும் மக்கள் பேச்சு மொழியாக கொண்டு வர முடியாது என்பதும் பிராமணர்களுக்கு தெரியும். இப்போது அவர்களுடைய தேர்வு உருது.

உண்மையில் உருது மொழி தான் பிராமணர்களை வாழ வைத்தது. சமஸ்கிருதம் என்பது தென்னிந்தியாவில் அந்தணர்கள் பயன்படுத்தும் ஒரு வட்டார மொழியாக மட்டுமே இருந்தது.

சமஸ்கிருதமும், உருதும் பிராமணர்களுக்கு தாய்மொழி அல்ல. பிராமணர்கள் தத்துக்கொண்ட மொழிகள். பிராமணர்களுக்கு தாய்மொழி என ஒன்று இல்லை. அவர்கள் அரசர்களை அண்டி பிழைத்ததால் அரச மொழிகளையே தங்களின் பேச்சுமொழியாக கொண்டனர்.

பிராமணர்கள் ஒருகுடும்பம், ஒருதார முறை, ஓரிடம், ஓர் அரசு என ஒரு நிலையான வாழ்க்கை வாழ்ந்தவர் அல்லர். அவர்கள் பெரும்பாலும் நாடோடிகளாகவே இருந்தனர். பிராமணர்களுக்கு மனைவி என்பதே கிடையாது. தானம் கிடைக்கும் பெண்களை தற்காலிக மனைவியாக வைத்துக்கொள்ளும் வழக்கமே பிராமணர்களிடம்  இருந்தது. 

இங்கே பிராமணர்களுக்கும் அந்தணர்களுக்கும் வேறுபாடு உண்டு என்பதை கவனத்தில் கொள்ளுங்கள். தற்போது சாதி அடிப்படையில் ஐயர், ஐயங்கார், ஆச்சாரி என்போர் எல்லாம் அந்தணர் பிரிவில் வருவர். இதுகுறித்து ரிக்வேதம் யாருடையது கட்டுரையில் விளக்கி உள்ளேன்.

சரி மொழி கொள்கைக்கு வருவோம்.

இந்தியாவில் பல்வேறு அரசுகளின் காலத்தில் உருதே அரசு மொழியாக இருந்தது. ரிக் வேதம் உட்பட பல சாஸ்திரங்கள் உருதில் தான் எழுதப்பட்டு இருந்தது.  அரசுகளை அண்டிபிழைத்த பிராமணர்கள் உருதை கச்சிதமாக கட்டிப்பிடித்துக் கொண்டனர். உருது இலக்கியங்களை களவாடிய பிராணர்களுக்கு இஸ்லாம் மதம் மட்டும் கசந்தது.

1948க்கு முன்னர் இந்துஸ்தானி என்றே உருது மொழி அழைக்கப்பட்டது. அதற்கு முன்னர் இந்தி என்ற மொழியே இல்லை என்பதை கருத்தில் கொள்ளுங்கள். இந்துஸ்தானி தான் இருந்ததே தவிர இந்தி என்பது இல்லவே இல்லை.

இந்திய அரசியல் அமைப்பு சட்டத்தில் தான் முதன்முதலில் இந்தி என்ற சொல் பயன்படுத்தப்பட்டது. அன்று முதலே இந்தி என்ற மொழியும் உருவாக துவங்கியது. உருதை விடவும் முடியாமல், சமஸ்கிருதத்தை ஏற்கவும் முடியாமல் பிராமணர்கள் எடுத்த இரட்டை நிலைபாட்டின் அடையாளம் தான் இந்தி!

இந்தியாவின் தேசிய மொழியாக சமஸ்கிருதத்தை அறிவிக்க தமிழர்கள் முதல்குரல் கொடுக்க வேண்டும்! - அது ஏன்?

அடுத்த இறுதி பகுதியில் பார்க்கலாம். 

- இந்தி எதிர்ப்பு தொடரும்.

பின் குறிப்பு : கருத்தின் வீரியத்தை சொல்லவே சொப்பன சுந்தரி என்ற தலைப்பு பயன்படுத்தப்பட்டு உள்ளது. யார் மனதையும் புண்படுத்த அல்ல.

முந்தைய பதிவுகளை படிக்க :

இந்தியாவின் தேசிய மொழி சமஸ்கிருதம் 1

பாகிஸ்தானின் மொழி இந்தி - 2

திக்குவாய் மொழி பேசும் பிரதமர் மோடி -  3

18/09/2019

திக்குவாய் மொழி பேசும் பிரதமர் மோடி - தேசிய மொழி சமஸ்கிருதம் 3

இந்தியாவின் அரசு மொழி உருதா, சமஸ்கிருதமா? இந்த கேள்விக்கு இந்திய அரசால் நேரடியாக பதில் சொல்ல முடியாது.

உண்மையில் இந்தியாவின் அலுவல் மொழி உருது தான்! உருதை தான் இந்தி என்ற பெயரில் ஏற்றுக் கொண்டுள்ளனர்.

பலருக்கும் உருது, இந்தி, இந்துஸ்தானி சஸ்கிருதம் என ஒரே குழப்பமாக இருக்கும்.

எளிமையான ஒரு விளக்கம் மூலம் குழப்பத்தை தீர்க்க முற்படுகிறேன்.

நம்ம ஊரில் புதிதாக ஆங்கிலம் பேசுபவர்கள் எப்படி பேசுவார்கள் தெரியுமா?

 "கம் யா, கோ யா, காலேஜ் போயிட்டு புக்ஸ் படிச்சிட்டு லஞ்ச் சாப்டிட்டு" இப்படி பெயர் சொற்களை ஆங்கிலத்திலும் வினை சொற்களை தமிழிலும் பேசுவார்கள். ஆங்கிலத்தில் பெயர் சொற்கள் தான் அவர்களுக்கு தெரியும். வினை சொற்கள் பேச தெரியாது.

அது தான் இந்தியிலும் நடக்கிறது.

சமஸ்கிருதத்தின் பெயர் சொற்களோடு உருதின் வினை சொற்களை சேர்த்து இந்தி என்று பெருமையாக பேசி வருகின்றனர். பிரதமர் மோடி, உள்துறை அமைச்சர் அமித்ஷா, இன்னும் இந்தி தெரியாத பலரும் இந்தியை இப்படி தான் பேசுகின்றனர்.


ஸ்போக்கன் இங்லீஷ் வகுப்புக்கு செல்லும் மாணவர்கள் எப்படி ஆங்கிலம் பேசுவார்களோ, அப்படித் தான் பிரதமர் மற்றும் அமைச்சர்கள் ஸ்போக்கன் இந்தி பேசி பெருமை பட்டுக் கொள்கின்றனர்.

வினைச்சொற்கள் இல்லாமல் பெயர்சொற்களை வைத்து மட்டுமே ஒரு மொழியை பேசிவிட முடியும் என்பதற்கு உதாரணம் தான் இந்தி!

இந்தியில் இருந்து உருது வினைச்சொற்களை எடுத்துவிட்டால் அது திக்குவாயன் பேசும் மொழியாக தான் இருக்கும். அந்த இந்தியை 130கோடி மக்களின் தேசிய மொழியாக அறிவிப்பது எவ்வளவு அபத்தம். 130கோடி இந்தியர்களும் திக்குவாய் மொழி பேச வேண்டும் என்பது தான் தேசிய மொழி கொள்கையா? 

உருது வினை சொற்கள் பயன்படுத்தாமல் ஒரேஒரு நபர் இந்தி பேசட்டும். அது முடியும் என்றால் இந்தியை தேசிய மொழியாக ஏற்கலாம். ஒருநபரால் கூட பேச முடியாத ஒரு மொழியை 130கோடி மக்களின் தேசிய மொழி என சொல்வதற்கு வெட்கமாக இல்லையா?

இந்தியை உருது வினைச்சொற்கள் இல்லாமல் பேச முடியுமா? பிரதமர் மோடி, உள்துறை அமைச்சர் அமித்ஷா அல்லது இந்தியை விரும்பும் வேறு யாராக இருந்தாலும் சரி. இந்த சவாலை ஏற்க தயாரா?

சமஸ்கிருதத்தில் பெயர்சொற்களே அதிகம். வினைச்சொற்கள் மிகமிக குறைவு. அதனாலேயே அது மக்கள் பேசும் மொழியாக எந்த காலத்திலும் மாறவில்லை. சமஸ்கிருதத்தை பிறமொழி வினைச்சொற்கள் இன்றி பேசமுடியாது. இதேநிலை தான் இந்திக்கும். உருதின் வினைச்சொற்கள் இல்லாமல் இந்தியை பேச முடியாது.

சமஸ்கிருத பெயர் சொல் + உருது வினைச்சொல் = இந்தி.இது தான் இந்தியின் பார்முலா. இது தான் இந்தியாவின் அலுவல் மொழி. இதற்கு நம்ம ஊர் ஆதிவாசி மொழி எவ்வளவோ பரவாயில்லை.

மத்திய அரசின் இந்தியை இந்தி பேசும் மக்களே புரிந்து கொள்ள சிரமப்படுவது இதனால் தான். அவர்கள் பேசும் இந்தியில் இருந்து மத்திய அரசின் இந்தி முற்றிலும் வேறுபட்டு உள்ளது. அதனால் தான் வடஇந்தியர்கள் நம்மை விட மத்திய அரசின் இந்தியை கடுமையாக எதிர்க்கின்றனர்.

நகைச்சுவை நடிகர் மயில்சாமி இலங்கை தமிழை சென்னை தமிழுக்கு மொழிபெயர்க்கும் திரைப்பட காட்சியை மனதில் கொண்டு வாருங்கள். அது தான் பிரதமரின் இந்தி உரைகளை ஐ.ஏ.எஸ். அதிகாரிகள் இந்தியிலேயே மொழி பெயர்ப்பதன் ரகசியம்.

மார்னிங் எழுந்து, பாத் பண்ணீட்டு டிபன் சாப்டிட்டு, வாட்டர் குடிச்சிட்டு இப்படி ஆங்கிலம் பேசினால் கோபம் தானே வரும். ஒன்று தமிழில் பேசு, அல்லது ஆங்கிலத்தில் பேசு என்போம்.

அது போல தான் இந்தியாவின் அலுவல் மொழி இந்தி உள்ளது. ஒன்று சமஸ்கிருதத்தில் பேச வேண்டும். அல்லது உருதில் பேச வேண்டும். இரண்டும் இல்லாமல் உளறி தள்ளுகிறார்கள். இந்த உளறல் இந்தியை தான் வட இந்தியர் கடுமையாக எதிர்க்கின்றனர்.

பஞ்சாப்பியை கொன்ற பாகிஸ்தான்! பழிதீர்த்த இந்தியா!!, 
 - கொலைவெறியில் பிறந்த இந்திய மொழிக்கொள்கையின் ஆக்கிரமத்தை அடுத்த பகுதியில் பார்க்கலாம். 

- இந்தி எதிர்ப்பு தொடரும்... 

முந்தைய பதிவுகளை படிக்க :

பாகிஸ்தானின் மொழி இந்தி - 2

இந்தியாவின் தேசிய மொழி சமஸ்கிருதம் 1

17/09/2019

பேய், பிசாசு இருக்கிறது! - கருப்பு கடவுள் 1

உலகில் கடவுளை வணங்குபவர்களை விட சாத்தானை வணங்குபவர்கள் தான் அதிகம். கடவுளுக்கு பயப்படுகிறார்களோ இல்லையே பேய், பிசாசுக்கு பயப்படாதவர்கள் இல்லை.

கடவுள் கூட பிசாசுக்கு பயந்து தான் மனிதனை படைத்தார் என்று தான் வேதங்கள் சொல்கின்றன.

பைபிள், குரான், ரிக்வேதம், உபநிடங்கள் இவற்றில் கடவுளை விட பிசாசுக்கு தான் அதிக முக்கியத்துவம் கொடுக்கப்பட்டு உள்ளது.
கடவுள் மனிதனை படைப்பதற்கு முன்பே பிசாசு இருந்ததை நான்கு வேதங்களும் கூறுகின்றன. தனக்கும் பிசாசுக்கும் ஏற்பட்ட கருத்து வேறுபாட்டால் தான் மனிதனையே கடவுள் படைக்கிறார்.

வேதங்கள் சொல்வது உண்மையா, கற்பனையா என்ற விவாதத்திற்குள் நாம் இப்போது செல்ல வேண்டாம். அப்படி சென்றால் இங்கே மதச்சண்டை போட பலபேர் காத்திருக்கிறார்கள். அதனால் தான் கடவுளை பற்றி விளக்குவதற்கு பதில் சாத்தானை பற்றி ஆய்வு செய்கிறது இந்த கட்டுரை.

மதத்திற்கு மதம் கடவுள் வேறுபடுகிறார். ஆனால் எல்லா மதத்திற்கும் ஒற்றை சாத்தான் தான் உள்ளார். சாத்தான் எல்லா மதத்திற்கும் எதிரி. கடவுள் என்ற பல கதாநாயகர்களுக்கு சாத்தான் தான் ஒற்றை வில்லன்.

கடவுள் இருக்கிறாரா? கடவுள் ஒருவரா பலரா? இதெல்லாம் உணர்வுபூர்வமான விசயங்கள். ஆனால் சாத்தானை திட்டினால் சாத்தானை தவிர கோபித்துக்கொள்ள யாருமில்லை.


கடவுள் வலிமையானவரா? சாத்தான் வலிமையானவரா என்றால் சாத்தான் தான் வலிமையானவர். இதை நான் சொல்லவில்லை. அனைத்து வேதங்களும் அதை தான் சொல்கிறது.

சரி நேரடியாக விசயத்துக்குள் செல்வோம்.

பேய் பிசாசு இருக்கிறதா? இல்லையா? இந்த கேள்விக்கு இருக்கிறது என்பது நேரடியான பதில்! கடவுளை விட பேய் பிசாசுக்கு தான் மரணமே இல்லை என்பது கூடுதல் தகவல்.

கடவுள் இருக்கிறாரா இல்லையா என்பது சந்தேகத்திற்கு உரியது. ஆனால் பேய் இருக்கிறது என்பது ஆதாரப்பூர்வமானது. அறிவியலால் நிரூபிக்க கூடியது.

அறிவகத்தில் இருந்து இப்படி ஒரு பதில் வருவது உங்களுக்கு ஆச்சரியத்தை தரலாம். இதில் ஆச்சரியம் ஒன்றும் இல்லை. பேய், பிசாசு, சாத்தான், பில்லிசூனியம், ஏவல், வசியம் எல்லாம் சாத்தியமே! இதை அடுத்த 5 கட்டுரைகளில் நீங்கள் தெரிந்து கொள்வீர்கள்!

ஒவ்வொன்றாக பார்ப்போம். முதலில் பேய், பிசாசு, சாத்தான் குறித்து பார்த்து விடலாம். பேய், பிசாசு, சாத்தான், நல்ல ஆவி, கெட்ட ஆவி, பரிசுத்த ஆவி, என எல்லாம் ஒன்று தான். எல்லாவற்றையும் மொத்தமாக பேய் என்ற சொல்லில் இந்த கட்டுரைத் தொடரில் அழைக்கலாம்.

பேய் என்றால் என்ன? அது எங்கு இருக்கிறது? என்ன செய்கிறது? மனிதர்களுடன் உறவாடுகிறதா? பேயை பார்க்க முடியுமா? இந்த எதார்த்த கேள்விகள் எல்லோர் மனதிலும் இருக்கும். இந்த கேள்விகளுக்கு நேர்மையான பதிலை பெரும் முயற்சி தான் இந்த கட்டுரைத் தொடர்.

முதலில் பேய் என்றால் என்ன என பார்ப்போம்

அறிவகத்தின் ஆய்வுகள் எப்போதும் ஐந்து கோணங்களில் இருக்கும்.
1.வேதங்கள் பார்வை,
2.சித்தர்கள் பார்வை,
3.சங்ககால பார்வை,
4.எதார்த்த பார்வை,
5.அறிவியல் பார்வை.

1.வேதங்கள் என்பது மதங்கள் பார்வை, இதில் இந்து, இஸ்லாமியம், கிருஸ்துவம், யூதம், எகிப்தியம், என மேற்கத்திய உலகின் அனைத்து மதங்களின் பார்வையில் ஆய்வு செய்வது.

2.சித்தர்கள் பார்வை என்பது தமிழ் சித்தர்கள், புத்த துறவிகள், சமண ரிசிகள், ஜென்தத்துவம் என கிழக்கத்திய தத்துவங்களின் அடிப்படையில் ஆய்வு செய்வது.

3.சங்ககால பார்வை என்பது தொல்காப்பியம், திருமந்திரம், திருக்குறள் உட்பட தமிழ் சங்க இலக்கியங்களில் பார்வையில் ஆய்வு செய்வது.

4.எதார்த்த பார்வை என்பது வரலாற்று ரீதியாக அன்றும் இன்றும் எதார்த்த மக்கள் வாழ்க்கையில் நடந்து வரும் நிகழ்வுகள் அடிப்படையில் ஆய்வு செய்வது.

5. அறிவியல் பார்வை என்பது இயந்திரவியல் அடிப்படையில் ஆய்வு செய்வது.

முதல் கட்டுரைக்கான பக்க அளவு முடிந்து விட்டது.. அடுத்த பகுதியில் கண்டீப்பாக பேயை சந்திக்கலாம்..

செய்வினை தொடரும்...

16/09/2019

பாகிஸ்தானின் மொழி இந்தி - இந்தியாவின் தேசிய மொழி சமஸ்கிருதம் 2

சுதந்திரத்திற்கு முன்னர் பிரிட்டீஷ் ஆட்சியில் இந்தியாவின் அலுவல் மொழியாக எந்த மொழியை தேர்ந்தெடுப்பது என்ற விவாதம் நடந்தது. கல்கத்தாவில் வைத்து இந்த விவாதம் நடந்தது.

இதில் மூன்று மொழிகள் சிபாரிசு செய்யப்பட்டன. 1.சமஸ்கிருதம், 2.தமிழ், 3.வங்காளி. அப்போது இந்தியும் இல்லை. உருதும் இல்லை. இரண்டும் இந்துஸ்தானி என்ற ஒற்றை பெயரில் தான் அறியப்பட்டது. ஒற்றை மொழியாகவே இருந்தது.

சமஸ்கிருதம், தமிழ், வங்காளி மொழிகளுக்கு இடையே தீராத சண்டை. இந்த சண்டையை தவிர்க்க நான்காவது மொழியான இந்துஸ்தானி போட்டி இன்றி தேர்வு செய்யப்பட்டது. தமிழ் மீது உள்ள வெறுப்பில் பிராமணர்கள் இந்துஸ்தானிக்கு கொடி அசைத்தனர். ஆங்கிலத்துடன் இந்துஸ்தானியும் அலுவல் மொழியாக இருக்கும் என்ற நடைமுயை அப்போதே நடைமுறைக்கு வந்தது.

இனி சுதந்திர இந்தியாவுக்கு வருவோம்.

சுதந்திர இந்தியாவில் அரசியல் அமைப்பு சட்டம் இயற்றும் போது தேசியம் முக்கியமாக பார்க்கப்பட்டது. தேசிய கீதம், தேசிய பறவை, தேசிய மலர் என்ற வரிசையில் தேசிய மொழி எது என்பதும் விவாதிக்கப்பட்டது.

இங்கே தான் இந்துஸ்தானி பிராமணர்களின் தொண்டையை விக்கி பிடித்தது. ஏனென்றால் பாகிஸ்தான் பிரிந்து இந்துஸ்தானியை அந்த நாட்டின் தேசிய மொழியாக அறிவித்துக் கொண்டது. பாகிஸ்தான் மொழியான இந்துஸ்தானியை எப்படி இந்தியாவின் தேசிய மொழியாக ஏற்க முடியும்?.

இப்போதும் இந்துஸ்தானி அல்லாத தமிழ், சமஸ்கிருதம், வங்காளத்திற்கு இடையில் சண்டை. இந்த சண்டை நடந்ததும் அதே கல்கத்தாவில் தான். அப்போதும் மீண்டும் இந்துஸ்தானியே பிரச்சனையை தீர்க்க உதவியது. ஆனால் இங்கே பிராமணர்கள் நரித்தந்திரத்தை கையாண்டனர். அந்த நரித் தந்திரத்தில் தமிழும் வங்காளமும் ஓரங்கட்டப்பட்டது.

சமஸ்கிருதம் இந்துஸ்தானியோடு ஒட்டிக்கொண்டது. கூடிகெடுக்கும் பழக்கம் சமஸ்கிருதத்திற்கு உண்டு என்பது மொழியியில் அறிஞர்கள் அறிந்ததே.

சமஸ்கிருதம் இந்துஸ்தானியோடு கூடியது. தேவநாகரி என்ற சமஸ்கிருத எழுத்து வடிவத்தை இந்துஸ்தானி மொழிக்கு கொடுத்தனர். தேவநாகரியில் எழுதினால் அது இந்தி. அரபி(அரேமிய) எழுத்துக்களில் எழுதினால் அது உருது. சொல்லும் மொழியும் ஒன்று தான். ஆனால் எழுத்து மட்டும் வேறுவேறு.

தேவநாகரி எழுத்தில் எழுதப்பட்ட இந்துஸ்தானிக்கு இந்தி என்று பெயர் வைத்தனர். பாகிஸ்தானில் இந்துஸ்தானி உருது என்ற பெயரை பெற்றது. இந்தியாவில் இந்துஸ்தானி இந்தி என்ற பெயரை பெற்றது.

இப்படி 1948ல் தோன்றிய மொழி தான் இந்தி. அதுவும் பாகிஸ்தானிடம் இருந்து கடன்வாங்கிய மொழி. பாகிஸ்தானின் உருது மொழியை தேவநாகரி எழுத்தின் உதவியுடன் இந்துமதத்திற்கு இந்தியாக மதம் மாற்றிக் கொண்டனர்.

பெயர் தான் வேறுபட்டதே தவிர மொழி வேறுபடவில்லை. பொதுமக்கள் மத்தியில் இன்றும் இந்துஸ்தானி ஒன்றாக தான் உள்ளது. பாலிவுட் திரைப்படங்கள் அனைத்தும் இந்தியில் அல்ல இந்துஸ்தானியில் தான் எடுக்கப்படுகிறது. மக்களின் அன்றாட பேச்சு, வியாபாரம், விழாக்கள், அனைத்தும் இந்துஸ்தானியில் தான் உள்ளன.

கல்வி மட்டுமே இந்தியில் உள்ளது. கற்பிப்பது கூட இந்துஸ்தானியில் தான். அதனால் தான் 70 ஆண்டுகள் கடந்தும் இன்றும் இந்தி பொதுமக்களின் மொழியாக மாறவில்லை.

இந்துஸ்தானியை மதம்மாற்றி இந்தி என பெயர் வைத்தாலும், இந்தி முழுமையான இந்திய மொழியாக மாறவில்லை. அது உருது மொழியாகவே தொடர்கிறது. அதை மாற்ற தான் இந்தி படியுங்கள்! இந்தி படியுங்கள்!! இந்தி படியுங்கள்!!! என மத்திய அரசு ஒட்டுமொத்த இந்தியர்களையும் உசுரு எடுத்து வருகிறது!.

இங்கே ஒரே குழப்பமாக இருக்கும். இந்துஸ்தானி தான் இந்தி. அப்புறம் ஏன் வடஇந்தியர்களுக்கு இந்தி தெரியவில்லை. அல்லது வடஇந்தியர்கள் பேசுவது இந்தி இல்லையா?

மத்திய அரசு அலுவல் மொழியாக வைத்துள்ள இந்தி பெயருக்கு தான் இந்தி. ஆனால் அதில் பயன்படுத்தும் சொற்கள் அனைத்தும் சமஸ்கிருத சொற்கள். பொதுமக்கள் பயன்படுத்தும் இந்தியில் உருது சொற்கள் உள்ளன. மத்திய அரசு பயன்படுத்தும் இந்தியில் சமஸ்கிருத சொற்கள் உள்ளன.

உதாரணத்திற்கு பொதுமக்கள் பயன்படுத்தும் இந்தியில் தண்ணீருக்கு பானி என்று பெயர். அரசு பயன்படுத்தும் இந்திக்கு ஜலம் என்று பெயர். இப்போது இந்தி வேறு இந்துஸ்தானி வேறு என்ற குழப்பம் தீர்ந்ததா?

இன்னும் தெளிவாக சொல்கிறேன் பானிபூரி விற்பவர் பேசுவது இந்தி அல்ல அது இந்துஸ்தானி. அமிதாபட்சன், சாருகான், சல்மான்கான் படங்கள் இந்தி அல்ல அது இந்துஸ்தானி படங்கள். இந்துஸ்தானியை தான் இந்தி என நம்மை தவறாக நம்ப வைத்துள்ளனர்.

இந்தி எதிர்ப்பு என்பது தமிழ்நாட்டை விட வட இந்தியாவில் தான் அதிகமாக உள்ளது.

ஆதாரங்களுடன் அடுத்த பகுதியில் பார்க்கலாம்.

 - இந்தி எதிர்ப்பு தொடரும்...

முந்தைய கட்டுரையை படிக்க :

இந்தியாவின் தேசிய மொழி சமஸ்கிருதம் 1


இந்தியாவின் தேசிய மொழி சமஸ்கிருதம் 1

இந்தியாவின் தேசிய மொழியாக சமஸ்கிருதம் இருக்க வேண்டும் என டாக்டர் அம்பேத்கர் கூறினார். இதற்கு ஒரே காரணம் இந்தியாவின் தேசிய மொழியாக இந்திய மொழிகளில் ஒன்று தான் இருக்க வேண்டும் என்பதே.

இந்தியாவின் தேசிய மொழியாக இந்தியாவின் ஒரு மொழி இருக்க வேண்டும் என்பதில் யாருக்கும் மாற்று கருத்து இல்லை. ஆனால் இந்தியாவின் தேசிய மொழியாக இந்திய மொழி அல்லாத ஒன்றை எப்படி ஏற்பது? இங்கு இருந்து தான் இந்தி எதிர்ப்பை துவங்க வேண்டும்.

இந்தி உண்மையில் இந்தியாவின் மொழி அல்ல என்பது பலருக்கும் தெரியவில்லை. இந்தியாவின் மொழி அல்லாத இந்தியை எப்படி இந்தியாவின் அலுவல் மொழியாக மாற்றினார்கள்? இதில் தான் இந்த ஆய்வு கட்டுரையின் அத்தனை சுவாரசியங்களும் அடங்கி கிடக்கிறது.

1950க்கு முன்னர் இந்தி என்ற ஒரு மொழியே இந்தியாவில் பேசப்படவில்லை. இன்று இந்தியாவில் பேசப்படும் இந்திக்கு வெறும் 100க்கும் குறைவான சொற்கள் மட்டுமே உள்ளது. வெறும் 100 சொற்கள் மட்டுமே உள்ள இந்தியை இந்தியாவின் அலுவல் மொழியாக எப்படி பயன்படுத்த முடியும்?

இந்தியாவில் இந்தி பேசுவோர் வெறும் 1% பேர் மட்டுமே. இந்த ஒரு சதவீதம் பேர் பேசும் இந்தியை எப்படி 130கோடி மக்கள் பேசும் மொழியாக மாற்ற முடியும்? & இந்த கேள்விகள் எல்லாம் ஏதோ அறிவு இல்லாதவன் கேட்கும் கேள்விகள் போல தெரியலாம். ஆனால் இந்த கேள்விகளில் தான் இந்தி படியுங்கள் இந்தி படியுங்கள் என மத்திய அரசு சொல்வதன் அர்த்தம் அடங்கி இருக்கிறது.

சரி நேரடியாக விசயத்திற்கு செல்வோம்.

இந்துஸ்தானி மொழி பற்றி கேள்விபட்டவர்களுக்கு இந்த கட்டுரை வாசிப்பு மிக எளிதாக இருக்கும். அது தெரியாதவர்கள் விக்கிபீடியா போன்ற ஓரளவு ஆதாரப்பூர்வமான இணைய தளங்களில் இந்துஸ்தானி மொழி என்ற சொல்லை தேடி படித்து வாருங்கள்.

சுதந்திரத்திற்கு முன்னும் பின்னும் இந்தியாவில் அதிகம் பேர் பேசும் மொழி இந்துஸ்தானி மொழி தான். வட இந்தியாவில் 80% மக்கள் பேசும் மொழி இந்துஸ்தானி மொழி. இந்தியாவில் அதிகம் பேர் பேசும் மொழி இந்துஸ்தானி. உலகில் சீனம், ஆங்கிலத்துக்கு அடுத்தபடியாக அதிக மக்கள் பேசும் மொழி இந்துஸ்தானி. சந்தேகம் இருப்பவர்கள் விக்கிபீடியாவில் படிக்கலாம்.

உலகில் மூன்றாவது பெரிய மொழி இந்துஸ்தானி. ஆனால் இன்று இந்துஸ்தானி மொழி எது என்றால் யாருக்குமே தெரியாது. காரணம் அங்கே தான் இந்தி படியுங்கள் என்ற மத்திய அரசின் பிரச்சார ரகசியம் அடங்கி கிடக்கிறது.

உண்மையில் இந்தி படியுங்கள் என்பது தென்னிந்தியருக்கான கோரிக்கை அல்ல. அது வட இந்தியருக்கான கோரிக்கை.

வட இந்தியாவில் 99% பேருக்கு இந்தி தெரியாது. இந்துஸ்தானி தான் தெரியும். வட இந்தியர்கள் பேசுவது எல்லாம் இந்துஸ்தானி மொழி தான். இந்துஸ்தானி மொழிக்கும் இந்தி மொழிக்கும் இமாலைய வேறுபாடு உண்டு. ஆனால் இந்துஸ்தானி தான் இந்தி என நம்மை நம்ப வைத்து விட்டார்கள்.

உண்மையில் இந்தியாவின் அலுவல் மொழி ஆங்கிலமும், ஸ்டேண்டேடு இந்தியும் தான். ஸ்டேண்டேடு இந்தியில் தான் அரசு கோப்புகளை தரவேண்டும் என மத்திய அரசின் ஐ.ஏ.எஸ் அலுவலர்கள் சங்கம் கோரிக்கை வைத்தது நினைவு இருக்கிறதா?

ஸ்டேண்டேடு இந்தி என்பது 100க்கும் குறைவான சமஸ்கிருத சொற்களை கொண்ட ஒரு புதிய மொழி. இதற்கும் இந்திக்கும் எந்தவித சம்மந்தமும் இல்லை.

உதாரணமாக பானி என்பது இந்தியில் தண்ணீர் என்பது எல்லோருக்கும் தெரியும். ஆனால் ஸ்டேண்டேடு இந்தியில் பானி என்ற சொல் இல்லை. ஐலம் என்ற சொல் தான் உள்ளது. ஐலம் என்றால் வட இந்தியாவில் 99% பேருக்கு என்ன என்று தெரியாது. ஆனால் தென்னிந்தியாவில் 100% மக்களுக்கு தெரியும். 

இப்ப சொல்லுங்க இந்தியை படியுங்கள் என்பது தென்னிந்தியருக்கான கோரிக்கையா? அல்லது வட இந்தியர்களுக்கான கோரிக்கையா?


ஸ்டேண்டேடு இந்தியில் பேசினால் தென்னிந்தியர்களுக்கு நன்றாகவே புரியும். ஆனால் வட இந்தியர்களுக்கு சுத்தமாக புரியாது. மத்திய அரசு ஒவ்வொரு துறைக்கும் வைக்கும் பெயர்களே இதற்கு உதாரணம். ஆதார், ஐலசேகரம், கிசான், முத்ரா, ரயில்நீர், பசல்பீமா(பசலி), சௌச்சாலயம் இந்த சொற்களை எல்லாம் தென்னிந்தியர்கள் நேரடியாக புரிந்து கொள்கிறார்கள். வட இந்தியர்கள் பெப்பே என விழிக்கிறார்கள்.


உண்மையில் இந்தி என்பது இந்திய மொழியே அல்ல. ஆதாரத்துடன் அடுத்த பகுதில் பார்க்கலாம்.

இந்தி எதிர்ப்பு தொடரும்...


14/09/2019

அழியா ஓலைச்சுவடி - சோதிடத்தின் எதிர்காலம் 4

சித்த மருத்துவத்தின் நாடி குறிப்புகளே நாடிசோதிடமாக மேம்பாடு அடைத்தது.

நாடியை கொண்டு கணிக்கப்பட்ட உடல்சார்ந்த குறிப்புகளை வைத்து மனதையும் கணிக்க முடியும். உடல் மன ஓட்டத்திற்கு தகுந்தாற்போல அவரவர் எதிர்காலத்தை கணிக்கலாம் என்பதே நாடி சோதிடம்.

நாடி சோதிடத்தை ஓலைச்சுவடிகளில் எழுதிவைக்கும் பழக்கம் பழங்காலத்தில் ஏற்பட்டது. இந்த ஓலைச்சுவடிகள் என்பது பொதுவான தகவல்களை தருபவை. இவற்றை ஒப்புமைப்படுத்தி தனிமனிதர்களின் வாழ்வை கணிக்கும் கலையே நாடிசோதிடம்.

கைரேகை சோதிடம் வேறு நாடிசோதிடம் வேறு! கைரேகை என்பது நாடிசோதிடத்தின் ஒரு சிறு பகுதியாக இருக்கலாமே தவிர நாடிசோதிடம் அல்ல.

மனதை மகிழ்விக்க செய்யப்படும் ஒரு யுக்தியாக தான் கைரேகை சோதிடம் பார்க்கப்படுகிறது. இதில் இருந்து முற்றிலும் வேறுபட்டது நாடிசோதிடம்.

நாடிசோதிடம் பொதுவாக புறவியல் வாழ்வியலை சொல்வதில்லை. அகவாழ்வு மற்றும் உடல்சார்ந்த கணிப்புகளை தருவதே நாடிசோதிடம்.

இதன் அடிப்படையிலேயே பழங்கால ஓலைச்சுவடிகளும் எழுதப்பட்டிருக்க வேண்டும். தற்போது 99% ஓலைச்சுவடிகளும் அழிந்து விட்டது என்றே கூறலாம். மீதம் 1% இருக்கிறது என்பதும் ஐயமே.

நாடிசோதிட ஓலைச்சுவடிகளை யாராவது காகித அச்சில் பதித்து உள்ளார்களா என்பது தெரியவில்லை. அப்படியே இருந்தாலும் அதன் நம்பகத் தன்மை மற்றும் தற்போதைய புரிந்து கொள்ளல் சரியாக இருக்குமா என்பதும் கேள்விக்குறியே!

எனவே ஓலைச்சுவடி நாடிசோதிடம் முழுமையாக அழிந்துவிட்டது என்றே சொல்லலாம்.

மயிலாடுதுறை வைத்தீஸ்வரன் கோயிலில் ஆயிரக்கணக்கான ஓலைச்சுவடிகள் பாதுகாக்கப்பட்டு உள்ளது. அங்கு நாடிசோதிட நிபுணர்கள் உள்ளனர். அவர்கள் நாடிசோதிட கலையை இன்றும் உயிர்ப்புடன் வைத்துள்ளனர், என்பவை எல்லாம் நம்பகத்தன்மை அற்றவை என்றே சொல்வேன்.

அவர்கள் ஓலைச்சுவடியை பார்த்து கணிப்பது என்பது ஒரு மாய வித்தை. பிறந்த நேரம், நட்சத்திரம் வைத்தே கணிக்கின்றனர். இது குறித்து முந்தைய கட்டுரையில் விளக்கி உள்ளேன்.

ஓலைச்சுவடிகள் அழிந்து விட்டது என்றால் நாடிசோதிட கலையும் அழிந்துவிட்டதா? என்றால் இல்லை என்பதே பதில்.

நாடிசோதிடத்திற்கு ஓலைச்சுவடி என்பது ஒரு கைடு(வழிகாட்டி) மட்டுமே. அதாவது மருத்துவத்தில் நோயாளியின் கேஸ்கிஸ்டரி புத்தகம் போல நாடிசோதிடத்தில் ஓலைச்சுவடிகள் ஒரு கேஸ் கிஸ்டரி அவ்வளவே.

கேஸ்கிஸ்டரி என்பது மருத்துவருக்கான கையேடு. நோயாளிக்கு அளிக்கப்பட்ட மருத்துவம், மருந்துகளை மறக்காமல் இருக்க மருத்துவருக்கு உதவும் கையேடு தான் கேஸ்கிஸ்டரி. இதே போல தான் நாடிசோதிடர்களுக்கு ஒலைச்சுவடி என்பது ஒரு கையேடு போன்றது.

இந்த இந்த நாடி உள்ள நபர்களுக்கு இந்த இந்த மனநிலை இருக்கும் என ஒப்பீடு கணிப்புக்காக பயன்படுத்தும் கைடு தான் ஓலைச்சுவடி. 

அது எல்லாம் அழிந்து விட்டது. இந்த நூற்றாண்டில் பழைய ஓலைச்சுவடியை வைத்து நாடிசோதிடம் சொல்கிறேன் என்பது எல்லாம் வடிகட்டிய பொய்.

சரி நமக்கான ஓலைச்சுவடி விசயத்துக்கு வருவோம்.

நமக்கான அழியா ஓலைச்சுவடி நமது உடல் தான். நமது உடலை வைத்து நமக்கான முழுமையான நாடிசோதிடத்தை புத்தகத்தில் எழுதி விட முடியும். இது நம்மால் முடியுமா என்றால் நிச்சயமாக முடியாது.

நாடிசோதிடம் என்பது சுயமாக பார்த்துக்கொள்வது அல்ல. அதே போலத் தான் மருத்துவமும். இன்று சுய மருத்தும் என்பது பிரபலமாகி வருகிறது. இது மிகப்பெரிய முட்டாள் தனம். இதுகுறித்து வேறு ஒரு கட்டுரையில் விளக்குகிறேன்.

சோதிடமும், மருத்துவமும், சட்டவாதமும் சுயமாக பார்க்க கூடாது. எனென்றால் மூன்றும் மனதுடன் தொடர்புடையவை. நமது மனம் என்பது நமக்காக வாழ்வது இல்லை. நம்மை சார்ந்தவருக்காக தான் வாழ்கிறது. நம்மை சார்ந்தவரே நமக்காக வாழ்கிறார். புறிந்து கொள்ள கடினமான விசயம் தான். இங்கு விளக்கினால் சோதிடத்தில் இருந்து விலகி வேறு விசயத்திற்கு போய்விடுவோம். எனவே மனம் குறித்த விளக்கத்தை தவிர்க்கிறேன்.

நமக்கான நாடிசோதிடத்தை கைதேர்ந்த ஒரு சித்த மருத்துவரால் எழுதிவிட முடியும். நவீன மருத்துவத்திலும் இது சாத்தியம் தான். இதற்கான இயந்திரங்கள் கண்டுபிடிக்கப்பட்டாலும் ஆச்சரியப்படுவதற்கில்லை.

நவீன இயந்திரங்கள் நாடிசோதிடத்தை துள்ளியமாக கணிக்கும் காலம் வந்துவிட்டது.

அது எப்படி என்பதை அடுத்த இறுதி பகுதில் பார்க்கலாம்.

நாடி பிடித்தல் தொடரும்...

முந்தைய கட்டுரைகளை படிக்க: 

சோதிடமும் ஜோதிடமும் ஒன்றல்ல - சோதிடத்தின் எதிர்காலம் 1

நிலவு தான் கடவுள் - சோதிடத்தின் எதிர்காலம் 2

மருத்துவ வேதமே நாடிசோதிடம் - சோதிடத்தின் எதிர்காலம் 3


08/09/2019

மருத்துவ வேதமே நாடிசோதிடம் - சோதிடத்தின் எதிர்காலம் 3

சித்த மருத்துவத்தின் அரிய கண்டு பிடிப்பு தான் நாடிசோதிடம். நாடி சோதிடமே சித்தமருத்துவத்தின் வேதமாக உள்ளது.

வாதம், பித்தம், கபம் இந்த மூன்றின் அடிப்படையில் உடலை பரிசோதிக்கும் முறை சித்த மருத்துவம். இதில் பித்தம் என்பது உடலின் இரத்த நாளங்கங்களில் இரத்த ஓட்ட தன்மையை கண்டறியும் முறை. இரத்த அழுத்தத்திற்கு தகுந்தாற் போல உடலில் இரத்த ஓட்டம் இருக்கும். இரத்த ஓட்டத்தின் தன்மைக்கு ஏற்ப உடல் நிலை மற்றும் மனநிலையையும் கணிக்க முடியும்.

இரத்த ஓட்டம் என்பது உடல் சார்ந்த விடயம் மட்டுமல்ல. மனம் மற்றும் புறசூழல் சார்ந்தே இரத்த ஒட்டம் அமைகிறது. பதட்டமான ஒரு நிகழ்விடத்தில் நமது உடலிலும் பதற்றம் தொற்றிக்கொள்கிறது. பருவ காலங்களுக்கு தகுந்தாற்போல இரத்த ஓட்டத்தில் மாற்றம் இருக்கும். இதை நவீன மருத்துவம் ஏற்றுக்கொள்கிறது. இரத்த ஓட்டத்தை தான் நாடிதுடிப்பு என்று சித்த மருத்துவத்தில் குறிப்பிடுகின்றனர்.
சித்தமருத்துவத்தில் வாதம், பித்தம், கபம், இவற்றை பொருத்து நாடிதுடிப்பு கணிக்கப்படுகிறது. நாடி சோதிடத்தில் அண்டம், விந்து, கரு, பால், சித்தம் இவற்றை பொருத்து ஒலைச்சுவடி எழுதப்படுகிறது. இத்தகு ஓலைச்சுவடிகள் வழி எதிர்காலத்தை கணிக்கின்றனர். அந்த கணிப்பு 99% துள்ளியமாக இருப்பது தான் நாடி சோதிடத்தின் உச்சகட்ட சாதனை.
 
நவீன மருத்துவத்தில் அதிநவீன கருவிகள், தலைசிறந்த மருத்துவர்கள், துள்ளியமான மருந்துகள் உள்ளன. ஆனால் நவீன மருத்துவம் வெற்றி பெற முதல் காரணம் கேஸ் கிஸ்டரி எனப்படும் நோயாளியின் மருத்துவ குறிப்புகள் தான். வளர்ந்த நாடுகளில் கேஸ் கிஸ்டரிக்கு மிக முக்கியத்துவம் கொடுக்கப்படுகிறது. இந்த கேஸ் கிஸ்டரி தான் நாடி சோதிடம்.

நவீன மருத்துவத்தில் குழந்தை பிறந்தது முதல் தான் கேஸ் கிஸ்டரி எழுதப்படுகிறது. இன்னும் சொல்லப்போனால் ஸ்டெம்செல், பரம்பரையில் இருந்தும் கேஸ்கிஸ்டரிக்கு உதவி நாடப்படுகிறது. இந்த கேஸ்கிஸ்டரி முறையை 2000 ஆண்டுகளுக்கு முன்பே சித்த மருத்துவத்தில் நாடிசோதிடமாக பயன்படுத்தி உள்ளனர்.

இது மருத்துவத்திற்கு சாத்தியப்படும். சோதிடத்திற்கு சாத்தியப்படுமா? என்ற ஐயம் வருவது நியாயமே! அதை சாத்தியப்படுத்தியதே நாடிசோதிடத்தின் வலிமை.

சித்த மருத்துவத்தையும் நாடிசோதிடத்தையும் இரண்டாக பிரித்ததன் விளைவு தான் இரண்டும் அழிந்தற்கான காரணம். இது குறித்து விரிவான விளக்கங்கள் புத்தகத்தில் தந்துள்ளேன்.

நாடி சோதிடம் என்றால் உடனே நினைவுக்கு வருவது மயிலாடுதுறை அருகில் உள்ள வைத்தீஸ்வரன் கோயில் தான். இங்கு ஓலைசுவடிகளை வைத்து நாடிசோதிடம் சொல்லப்படுகிறது. நமது கைரேகையை கொடுத்தால் 30 நிமிடத்தில் நமக்கான ஓலைசுவடியை கண்டுபிடித்து முற்பிறவி, இப்பிறவி, மறுபிறவி என மூன்று பிறவிக்கும் நம்மை பற்றி சொல்லி விடுவார்கள்.

இது எந்த அளவுக்கு உண்மை என்றால் பதில் இது தான். நாடிசோதிடம் சரியானது அது தற்போது சொல்லப்படும் விதம் தவறானது.

பெரும்பாலான நாடிசோதிடர்கள் நமது பிறந்த நேரத்தை கண்டறிவதிலேயே கவனம் செலுத்துவார்கள். அவர்கள் கேள்விகளும் அதை சார்ந்தே இருக்கும். ஒருவழியாக நமது பிறந்த நேரத்தை கண்டுபிடித்துவிட்டால், பின்னர் சோதிடம் எளிதாகிவிடுகிறது.

பிறந்தநாள், நட்சத்திரம் பார்த்து சோதிடம் தெரிய ஓலைசுவடியை படிக்க வேண்டிய அவசியம் இல்லை. பஞ்சாங்கம் படித்தாலே போதும்.

சரி நேர்மையாக நாடிசோதிடம் படிப்பது எப்படி? கைரேகை முறையில் நமக்கான ஓலைசுவடியை கண்டுபிடித்து விட முடியுமா? உண்மையில் அப்படி ஒரு ஓலைச்சுவடி இருக்கிறதா? இன்று பிறந்திருக்கும் எனக்கு 2000 ஆண்டுகளுக்கு முன்னர் ஓலைசுவடி எழுதப்பட்டு உள்ளது என்பது சாத்தியமா?

நமக்கு மட்டுமல்ல இனி பிறக்கப்போகும் குழந்தைகளுக்கும் நெடுங்காலம் முன்பே ஓலைச்சுவடிகள் எழுதப்பட்டு விட்டன. அதுவும் துள்ளியமாக. ஆச்சரியமாக இருக்கலாம். ஆனால் அது தான் உண்மை. நமக்கான ஓலைச்சுவடியை சரியாக கண்டுபிடித்து விட்டால் போதும். நமது எதிர்காலத்தை எளிமையாக கணித்து விட முடியும்.

அந்த ஓலைச்சுவடியை கண்டுபிடிப்பது எப்படி?

நாடிபிடித்தல் தொடரும்... 

முந்தைய கட்டுரைகளைப் படிக்க : 

சோதிடமும் ஜோதிடமும் ஒன்றல்ல - சோதிடத்தின் எதிர்காலம் 1

நிலவு தான் கடவுள் - சோதிடத்தின் எதிர்காலம் 2

06/09/2019

நிலவு தான் கடவுள் - சோதிடத்தின் எதிர்காலம் 2

சூரியன், நட்சத்திரம், கிரகம், ராசி என பலதும் இருந்தாலும் சோதிடத்தின் அடிப்படை நிலவு தான். நிலவை வைத்து தான் அத்தனையும் அடையாளம் காணப்படுகிறது. இன்னும் சொல்லப்போனால் நிலவு தவிர மற்ற அனைத்தும் கற்பனை கதாபாத்திரங்களே தவிர உண்மை அல்ல.

சூரியன் இருக்கிறது, 9 கோள்கள் இருக்கின்றன. நட்சத்திர கூட்டங்கள் இருக்கின்றன. இவை எல்லாம் இன்றைய நவீன அறிவியலால் நிரூபிக்கப்பட்டுள்ளன. இப்படி இருக்கும் போது நிலவு தவிர மற்றவை எல்லாம் கற்பனை என சொல்லுதல் சரியாகுமா?

உண்மையில் வானியல் அறிவியலுக்கும் ஜோதிடத்திற்கும் சம்மந்தமே இல்லை. வானியல் வேறு, ஜோதிடம் வேறு. இன்றைய பெரும்பான்மை ஜோதிடர்கள் இரண்டையும் சேர்த்து குழப்பிக் கொள்கின்றனர்.

ஜோதிடம் வேறு, வானியல் வேறு!. இரண்டையும் ஒன்றுக்கு ஒன்று சாட்சிக்கு இழுக்க வேண்டிய அவசியம் இல்லை. ஜோதிடத்திற்கு வானியலை சாட்சிக்கு அழைக்கும் போது தான் ஜோதிடம் முட்டாள் தனமாகிறது.

ஜோதிடத்தில் சொல்லப்படும் சூரியன், நட்சத்திரம், கிரகங்கள் இவற்றோடு வானில் காணப்படும் சூரியன் நட்சத்திரம், கிரகங்களை போட்டு குழப்பிக்கொள்ளக் கூடாது. அதுவேறு இது வேறு! பெயர்கள் கூட வேறு வேறு தான். தற்காலத்தில் தான் எல்லாம் ஒன்று என்ற போலித்தனத்தை கூறுகின்றனர்.

இவை குறித்து விரிவான விளக்கங்களை புத்தக வடிவில் தந்துள்ளேன். விரிவாக தெரிந்து கொள்ள ஆர்வம் உள்ளவர்கள் வாங்கி படிக்கலாம்.

சோதிடம், ஜோதிடம், ஜாதகம், குறிசொல்லல், ஆருடம், சகுனம், வாஸ்து, கணிப்பு, தீர்க்கதரிசனம், சாமியாடல், இந்த பத்தும் வெவ்வேறானவை. ஒன்றுக்கு ஒன்று தொடர்பு இல்லாதவை. ஆனால் இதை எல்லாம் ஒன்றுடன் ஒன்று தொடர்பு படுத்தி விட்டனர். மொத்தத்தையும் ஜோதிடம் என்ற ஒன்றுக்குள் கொண்டு வந்து விட்டனர். இதனால் தான் எதுவுமே விளங்காமல் போனது.

மனம் இசைதல் அல்லது நம்பிக்கை என்பதை வியாபாரமாக்கி விட்டனர். இதனாலேயே சோதிடம் என்பது மூடநம்பிக்கையாக ஒதுக்கப்படுகிறது.

ஜோதிடத்தை வானியல் அறிவியலில் நிரூபிக்க முற்படுகின்றனர். நிச்சயமாக ஜோதிடத்தை வானியல் அறிவியலில் நிரூபிக்க முடியாது. அதே நேரத்தில் ஜோதிடம் என்பது மூடநம்பிக்கையும் அல்ல. இதை இன்றைய ஜோதிடர்கள் புரிந்து கொள்ள வேண்டும்.

சரி நிலவு விடயத்துக்கு வருவோம்.

சோதிடம் உட்பட சாமியாடல் வரை உள்ள பத்தும் நிலவை அடிப்படையாக கொண்டவை தான்.

நம்மால் எளிமையாக, நேரடியாக கண்ணால் பார்க்க கூடியது தான் நிலவு. இரவு பகல் என்ற இரு பொழுதுகளையும் நிலவு பிரித்து தருகிறது. நிலவை விட பெரியதும் அதிக ஒளியை தருவதும் சூரியன் தான். ஆனாலும் சூழியல் ஆய்வுக்கு பழந்தமிழர்கள் நிலவையே எடுத்துக்கொண்டர்.

சூரியன் தான் அனைத்து உயிர்களுக்கும் அடிப்படை. சூரியன் இல்லை என்றால் இரவு/பகல் இல்லை. தண்ணீர் இல்லை. மழை இல்லை. தாவரங்கள் இல்லை. உயிர்கள் இல்லை. ஏன் நிலவுக்கே சூரியன் தான் வெளிச்சம் தருகிறது. இப்படி சூரியன் தான் வானத்தின் அதிபதியாக இருக்கிறது. ஆனாலும் மனதர்களை பொருத்தவரை நிலவு தான் கடவுள். மனதர்கள் மட்டுமல்ல அனைத்து உயிர்களுக்கும் நிலவு தான் கடவுள்.


நிலவு தான் உயிர்களை உண்டாக்கியது. நிலவு தான் உயிர்களை ஆளுகை செய்கிறது. இது வெரும் சோதிடம் அல்ல. அறிவியல் உண்மையும் கூட. சூரியன் இல்லாமல் பூமி இருக்கும். ஆனால் நிலவு இல்லாமல் பூமி இருக்காது. இதெல்லாம் பழந்தமிழர் கண்டறிந்த மிக்பெரிய அறிவியல் உண்மைகள். 

ஆனால் ஆரியர்/முகலாயர்/ஆங்கிலேயர் வருகையால் சோதிடம் இருட்டடிப்பு செய்யப்பட்டு விட்டது. பலதையும் திரித்து தங்களுடைய தாக்கிக் கொண்டனர். அது நீண்ட நெடிய வரலாறு. அறிவகம் அறிமுக நூலில் இவை குறித்து தெளிவாக விரிவாக விளக்கி உள்ளேன்.

நிலவை புறம்தள்ளி எந்த ஜோதிடம் சொல்லி விட முடியாது. நிலவை வைத்து தான் அத்தனையையும் கணிக்கின்றனர். சோதிடம், ஜோதிடம், ஜாதகம், குறிசொல்லல், ஆருடம், சகுனம், வாஸ்து, கணிப்பு, தீர்க்கதரிசனம், சாமியாடல் இந்த பத்தும் வெவ்வேறானவை. ஆனால் பத்திற்கும் அடிப்படை நிலவு.

இது 5 குறுங் கட்டுரைகளை கொண்ட சிறுகட்டுரை தொடர் என்பதால் இந்த தொடரில் சோதிடம் பற்றி மட்டும் பார்ப்போம்.

நவீன மருத்துவத்தின் வழிகாட்டியாக நாடிசோதிடம் இருப்பது ஏன்?

நாடிசோதிடம் அழிந்ததால் மனிதகுலத்திற்கு ஏற்பட்ட இழப்பு என்ன?

நாடிசோதிடத்தை மீட்டெடுக்க என்ன செய்ய வேண்டும்?

அடுத்த 3 பகுதிகளில் பார்க்கலாம்...

நாடிபித்தல் தொடரரும்... 

முந்தைய கட்டுரைகளை படிக்க ;

சோதிடமும் ஜோதிடமும் ஒன்றல்ல - சோதிடத்தின் எதிர்காலம் 1

04/09/2019

சோதிடமும் ஜோதிடமும் ஒன்றல்ல - சோதிடத்தின் எதிர்காலம் 1

சோதி+திடம்=சோதிடம், ஜோதி+இடம்=ஜோதிடம் என்ற எளிமையான பொருளில் ஜோதிடத்தின் பிறப்பை விளக்கி விடலாம்.

ஜோதிடத்திற்கும் சோதிடத்திற்கும் மிகப்பெரிய வேறுபாடு உண்டு.

ஜோதிடம் என்றால் நட்சத்திரத்தை மையப்படுத்தி கணிப்பது. சோதிடம் என்றால் நாடியை மையப்படுத்தி கணிப்பது.

ஜோதி என்ற சொல் நட்சத்திரத்தை குறிக்கும் என்பது எல்லோரும் அறிந்ததே. நட்சத்திரங்களின் ஒளிர்வை வைத்து வாரம், திதி, கரணம், நட்சத்திரம், யோகம் என நேரத்தை பிரித்து நேரத்திற்கு ஏற்ப சாதக பாதகங்களை சொல்லும் நடைமுறை தான் ஜோதிடம்.

சோதிடம் என்றால் கையில் நாடியை பிடித்தறிந்து, நாடியின் திடத்திற்கு ஏற்ப உடலியல், மனவியல் சாதக பாதகங்களை கூறுதல்.

நட்சத்திர ஜோதிடத்தின் முன்னோடி இந்த நாடி சோதிடம் தான். இந்த நாடி சோதிடத்தின் முன்னோடி நாடி மருத்துவம். நாடி மருத்துமே சித்த மருத்துவமாக இன்றும் பயன்பாட்டில் உள்ளது.

பண்டைய காலத்தில் சோதிடத்தை விட மருத்துவமே முதலாவதாக தேவைப்பட்டது. மருத்துவ முறைகளே பின்னாளில் சோதிடத்திற்கான அடித்தளத்தை அமைத்தது. உடல் நாடிகளின் திடத் தன்மையை சோதித்து நோயை கணிக்கும் முறை சித்த மருத்துவம். நோய் மட்டும் அன்றி மனநிலையையும் நாடியை வைத்து கணித்து விட முடியும் என்ற முயற்சியில் தான் நாடிசோதிடம் பிறந்தது.

நாடி சோதனையில் உடல்நிலையை கணிப்பது மருத்துவமாகவும், மனநிலையை கணிப்பது சோதிடமாகவும் விரிவடைந்தது. நாடிசோதிடத்தின் அடுத்த பரிணாமமே ஆருடம், குறிசொல்லுதல், ராசிஜோதிடம் எல்லாம்.

மனிதர்களில் நாடியை கணித்ததை போல, காலநிலையை கணிக்க நிலவின் நாடியை சோதிக்க முற்ப்படனர். இங்கே தான் இன்றைய ஜோதிடத்தின் உச்சாதிபதியான நாழிகை ஜோதிடம் பிறந்தது.


மனித நாடி நகர்வுகளுடன் நிலவின் நகர்வை கண்காணித்தனர். நாடி கணத்தில் நிலவை துள்ளியமாக கவனிப்பதில் உள்ள சிக்கலை தீர்க்க நாழிகை மற்றும் யோகம் முறைகளை வந்தனர்.

நாழிகை என்பது பழங்கால அளவீட்டு முறையில் நான்கில் ஒரு பங்கை குறிக்கும் சொல். அதாவது கால் பங்கை குறிப்பது. இரவு/பகல் பொழுதுகளை பண்டைய தமிழர்கள் 6 சிறு பொழுதுகளாக பிரித்து வைத்திருந்தனர். ஒரு சிறு பொழுதில் நிலவின் கால்பங்கு நகர்ச்சியை நாழிகை என குறிப்பிட்டனர். ஒரு சிறுபொழுதுக்கு 4 நாழிகைகள் என 6 சிறுபொழுதுக்கு 24 நாழிகைகளில் ஒரு இரவு பகலை நிலவு பூர்த்தி செய்தது.

நிலவின் நாழிநகர்வுக்கு தகுந்தாற்போல யோகம், நாழிகை, சிறுபொழுது, பொழுது, பிறை என நிலவிற்கு ஐந்திறம் கொடுக்கப்பட்டது. இந்த ஐந்திறமே அனைத்து ஜோதிடங்களின் வேதமாக இன்று வரை போற்றப்படுகிறது.

ஐந்திறம் என்றால் என்ன என இதுவரை புரியாதவர்களுக்கு இந்த பெயரை சொன்னால் பட்டென புரியும். ஐந்திறத்தை தான் சமஸ்கிருதத்தில் பஞ்சாங்கம் என குறிப்பிடுகின்றனர்.

தமிழின் தொன்மையான நூல் தொல்காப்பியம் முதல் தற்போதைய பாம்பு பஞ்சாங்கம் வரை அத்தனைக்கும் அடிப்படை இந்த ஐந்திறம் தான்.

நிலவின் ஐந்து திறன்களை வைத்து கணக்கிடும் முறை தான் ஐந்திறம். யோகம், நாழிகை, சிறுபொழுது, பொழுது, பிறை என்ற ஐந்திறத்தின் சோதிட முறைதான், யோகம், நட்சத்திரம், கரணம், திதி, வாரம் என்ற பஞ்சாங்க ஜோதிடமாக முடிசூடிக்கொண்டது.

மனிதனின் நாடி சோதித்து கணிப்பது நாடிசோதிடமாகவும், நிலவின் நாழிகை பார்த்து கணிப்பது நாழிகை சோதிடமாகவும் போற்றப்பட்டது. 

மனித உடலின் நாடிக்கும், நிலவின் நாழிகை நகர்வுக்கும் என்ன தொடர்பு? இந்த தேடலில் தான் சாதகத்தின்(ஜாதகத்தின்) சுவாரசியம் தொற்றிக்கொண்டது.

உண்மையில் நிலவின் நகர்வுகள் மனிதர்களின் நாடித்துடிப்பை பாதிக்கின்றனவா?

வானில் கோடிக்கணக்கான நட்சத்திரங்கள் இருக்கும் போது நிலவு மட்டும் எப்படி மனிதர்களை துரத்துகிறது?

நாடிபிடித்தல் தொடரும்...